عملت حادثة .... وتحذييير مههههههههههههم

**zalpany2000** · 27-08-2011 11:06 PM

الحمد لله رب العالمين ... اللهم اجرني في مصيبتي واخلفني خيرا منها

عملت حادثة النهارده بعد الفطار ب 10 دقايق علي الدائري بعد مطلع المريوطية في اتجاه المرج
الموضوع ان فيه زلططططططططططططط في الارض ..... كل العربيات اللي ماشية بتعوووم ... عربيتي عومت مني ودخلت في الجدار اللي علي يمين الدائري ... التلفيات مبدأيا الجنط اليمين الامامي .... الجنط الخلفي .... الرفرف والاكصدام ... المقص اليمين الامامي .... الكارتيرة .... بارات العجل والكوبلن .... الحمد لله جت سليمة معايا ..... وربنا سترها علي قد كده .... المصيييبة السودا .... ان بعد ما انا عملت الحادثة اكتر من 10 عربيات قدام عني وانا واقف دخلوا في الجدار اليمين او الشمال او خبطوا في بعض ... والنجدة غير موجودة اطلافا .... كلمناهم كتيييير والناس اتلمت علي عربية شرطة عايزاهم يبلغوا ... وسابونا ومشيوا .... لحد ما جالي ونش بعد ساعة ونص تقريبا ماكنش فيه نجدة ... جت عربية تانية لجل الامانة يعني .... بس قال انهم رايحين يفحصوا حادثة تانية .... باختصار واحنا واقفين كنت شايف فيلم رعب وعربيات بتخبط في بعض والله لدرجة نسينا العربية والحاددثة وكنا واقفين في وسط الطريق نشاور للناس تهدي السرعة .... الخوف الاكبر كان من ان الناس تفتكرنا بلطجية وتجري بزيادة .... الحمد لله ربنا ستر .... السؤال المهم .... النجدة فين ؟؟؟؟؟؟؟؟؟؟؟ انا اسف باكتب باسلوب مش مترابط ..... بس لاني اعصابي بجد بايظة ... أهدي بس واكتب موضوع تاني لان عندي كلام كتيييييييييييير

يا ريت لو حد جاي من اكتوبر او ماشي دائري ياخد باله من الحتة دي ويهدي ... وربنا يستر طريق الجميع

**SYD** · 27-08-2011 11:09 PM

الف حمد لله علي سلامتك

وكويس انك روحت بالسلامة

الله المستعان
،
،

**aboalm** · 27-08-2011 11:12 PM

الف حمد لله على سلامتك و ربنا يسترها معانا جميعا

**ZALABANY** · 27-08-2011 11:22 PM

انا كنت مع حسام والله انا شفت بعيني الموت في اي لحظة لو عربية ضربت فرامل كان ممكن تخبطنا والعربيات بتخبط في بعضها كاننا في فيلم اجنبي ولما كلمت النجده قالي هانكون عندك واكتر من ساعه بعد ماجت النجده قالولنا اصل احنا رايحين نعاين حادثه تانيه طيب ياجدعان ما في 50 حادثه ممكن تحصل هنا ممكن نمنعها قبل ما تحصل بس لا حياه لما تنادي فعلا البلد دي عمرها ما هاينصلح حالها ابدا طول ما الناس اللي فيها هما هما الشرطه دي لازم تتغير حسبنا الله ونعم الوكيل
حاجه اخيره لو في زلط واقع على الارض اوعوا تضربوا فرامل حذار من الفرامل زيها زي الزيت بالظبط اللهم بلغت اللهم فاشهد

**SYD** · 27-08-2011 11:23 PM

سبحان الله
انا ساكن في اخر فيصل ونزلت النهاردة بعد الفطار رايح مدينة نصر والحمد لله سلكت الدائري التاني بتاع المنيب

في حين اني في اغلب الأحيان بسلك دائري ميدان لبنان وبنزل نزلة صفط اللبن ثم اكتوبر

الحمد لله تدابير ربنا

الله المستعان
،
،

**gebreel** · 27-08-2011 11:30 PM

حمد الله على سلامتك يا باشا و الحمد لله انها جت على قد كدة

ادخل على موقع وزارة الداخلية و اعمل شكوى لعل و عسى حد يسمعلك و حاول تبعت لبلال فضل على الموضوع ده

**Elawany13** · 27-08-2011 11:43 PM

ياساتر يااااااااااارب

حمد الله على السلامة

اللهم انتقم من معدومى الضمير اللى رموا الظلط على الطريق

واللى سابوا الظلط

اللهم انتقم من المسؤلين المهملين المستهترين بأرواح وممتلكات الناس

حسبى الله ونعم الوكيل