عملت صيانة 1000 كم للصني واليكم التكلفة

**atlas_u** · 11-05-2008 11:23 PM

المشاركة الأصلية كتبت بواسطة sibrahim

مبروك يا باشا و عقبال صيانة ال 100 الف
سؤال سريع
مافيش اى تعليقات سلبية على اداء او تقفيل العربية انا ناوى قريب ان شاء الله بس لسة بجمع انطباعات و ياترى ابنزين اخباره ايه وشكرا جزيلا

بص يا باشا ان العربية تقريبا لسة ما كملتش شهر معايا بس ها اقولك ال عندي:

- العربية ك صالون عاجبني ك السعة و جمال التابلوة و اضاءة التابلوة و دي تفرق من و احد للتاني
- التكييف سريع و قوي و ما بيأثر جامد ع الموتور حتي ع السرعات البطيئة داخل البلد( مع ان انا عربيتي مانيول) .
- العربية علوها عن الارض مقبول جدا جدا
- ابعادها ضايعة شوية من و ارا و الي حد بسيط من قدام بس ها تتعود عليها بسرعة.
-العربيه تقفيلها كويس كدا عن الخارج ك درجة حرارة و تراب يعني لو سيب العربية مقفولة ف الشمس ها ترجع تلاقيها فرن بلدي مع انا التابلوة عندي بيج( امال لو اسود)
-اداي العربية ف السرعات العالية (فوق الـ60) تحفة و الثبات كويس جدا مع اني مطلعتش فوق المية لحد دلوقت.
- التسارع من 0 ال 60 خنقي ف الاول بس لقيت انو بيتحسن مع الوقت و خصوصا بع الالف الاولي يعني التاني اخرة 30 ار بي ام و تحس انك عايز تنقل ع التالت و لو حبيت توصل 40 او فوقها ع التاني ها توصل معاك بس تسمع صوت الماتور بيعلي معاك بس العملية بتتحسن بعد التليين.

- العيب بقي ال انا حاسس بية و عشان ما اكدبش عالية ان انا سعات بحس بحرارة الماتور دخلة عليه ف الصالون بس لحد دلوقت بصراحة مش متأكد ان دا عيب لانو سعات بحسو و سعات كتير لاء و اغلب اما احسو يبقي الصبح مش بليل ف من الاخر لما اتأكد برضو ها ابعتلك عشان ما اظلمش العربية.
- استهلاك الوقود : و الله انا لحد دلوقتي مش عارف اقيسو بالظبط بس ها اقيسوا قريب و ها ابعتلكو
و هو تقريبا من 11 الي 12 كم لكل لتر داخل البلد و انا مش شليفو كتير بالنسبة ل 1600
و لو بتجري فوق المية الاستهلاك بيقل ع ما سمعت بس انا عشان كان معايا 1800 قبل كدة شايف ان استهلاك الصني مقبول

**ashrsy** · 12-05-2008 02:09 AM

المشاركة الأصلية كتبت بواسطة atlas_u

- و الله يا باشا ال معروف ليا و سمعتة ان الزيت الا جاي مع العربية من المصنع لازم يتغير بعد الالف كيلو عشان العربية بتبقي بتلين ف الالف الاولي ف الزيت بيتوسخ مع اي حاجة تخرج مع المحرك مثلا برادة حديد مثلا فا الافضل انة يتغير هو و الفلتر.
- تاني حاجة انا سألتهم قالولي ان الزيت دا ما يوصلش معاك 5000 كيلو
- و يفضل تغيرو عشان تقدر تتابع تغير الزيت و الفلتر بأنتظام بعد كدة.

معالى الباشا معنى كده ان الجماعة بتوع مودرن موش عايزين يحافظوا على عربيات عملائهم ولا كمان عايزين يكسبوا من تغيير الزيت والفلاتر( دا كلام موش معقول )
انا عاوز اوصل لمعايير ثابته تبقى عند جميع التوكيلات بخصوص صيانه 1000 كم
هل مطلوب تغيير الزيت فعلا والا بعض التوكيلات عايزه تسترزق ويقدر يقنع العميل باى طريقة انه يغير الزيت والفلتر
ارجو رد واضح من عمنا الكبير المهندس /سبعاوى وربنا ما يغيبه ابدا عن المنتدى
مع خالص تحياتى

**محمد ابراهيم 1** · 12-05-2008 02:29 AM

توكيل تويوتا مبيغيرش الزيت فى صيانه الألف
وأول تغيير فى صيانه ال 5000 وبعد كده كل 10000

**atlas_u** · 12-05-2008 01:37 PM

المشاركة الأصلية كتبت بواسطة ashrsy

معالى الباشا معنى كده ان الجماعة بتوع مودرن موش عايزين يحافظوا على عربيات عملائهم ولا كمان عايزين يكسبوا من تغيير الزيت والفلاتر( دا كلام موش معقول )
انا عاوز اوصل لمعايير ثابته تبقى عند جميع التوكيلات بخصوص صيانه 1000 كم
هل مطلوب تغيير الزيت فعلا والا بعض التوكيلات عايزه تسترزق ويقدر يقنع العميل باى طريقة انه يغير الزيت والفلتر
ارجو رد واضح من عمنا الكبير المهندس /سبعاوى وربنا ما يغيبه ابدا عن المنتدى
مع خالص تحياتى

و الله يا باشا انا ع حد سمعي ان الوكيل الوحيد ال مبيغيرش الزيت هو موديرن موتورز انما العوض السبع مثلا بيغيروة .
و ع فكرة الصيانة دي مجانية و من غير مصنعية و سعر الزيت زي برة و ما اعتقدش انهم بيعملو كدو عشان يكسبو من الفلتر كام جنية والله اعلم.

بس انا عن نفسي قولت كدة احسن لاني معرفش الزيت ال كان فيها المفروض يمشي كام

**sibrahim** · 12-05-2008 08:14 PM

Thanks ya basha for the wonderful reply and awiting your feed back for the engine heat that you feel

**WalidAdel** · 16-05-2008 02:48 AM

المشاركة الأصلية كتبت بواسطة atlas_u

:

- تغيير الزيت ب موبيل وان (3*55)= 165 جنية

ليه بقي الحته دي هيا العربيه بتاخد كام كيلو ياباشا

**atlas_u** · 17-05-2008 02:09 AM

المشاركة الأصلية كتبت بواسطة walidadel

ليه بقي الحته دي هيا العربيه بتاخد كام كيلو ياباشا

زيت موتور الصني ع حسب الكاتالوج:
_ 2.5 لتر .......لو ما غيرتش الفلتر.
- 2.7 لتر .........لو غيرت الفلتر.

و بكدة يكون الوكيل ضرب 0.3 لتر ف جيبة و ما ادهونيش و انا ما ختش بالي.

**WalidAdel** · 17-05-2008 02:46 AM

المشاركة الأصلية كتبت بواسطة atlas_u

زيت موتور الصني ع حسب الكاتالوج:
_ 2.5 لتر .......لو ما غيرتش الفلتر.
- 2.7 لتر .........لو غيرت الفلتر.

و بكدة يكون الوكيل ضرب 0.3 لتر ف جيبة و ما ادهونيش و انا ما ختش بالي.

جديده الحته دي تصدق اول مره اخد بالي منها
و انا اللي كنت فاكرها 4 لتر العربيه دي عظيمه