شويه تاريخ
http://up.alsaadnews.com/alsaadup//u...b55434c995.jpg
http://up.alsaadnews.com/alsaadup//u...5c0b2e9b6a.jpg
عرض للطباعة
جبتهم ازاى ...تاريخ فعلا
انا سمعت خبر يوم الخميس انهم هيندمجة تانى الكلام ده صح
ياااه
فكرتني بيام زمان
كنت ايامها في الثانويه العامه
وكان رمضان بيجي في شهر 5 مطلع الصيف
كان الريان عامل فزوره يوميه مكسبها مش فاكر 200 او 500 جنيه لكن الاغلب 200 لان ال 500 ايامها كانت مبلغ
والاتصال كان علي التيلفون الارضي
المحمول ما كنش اتولد لسه
الظريف في الامر ان الحراره كانت بتتقطع من القاهره كلها
لكن انا متذكر مشاريع الريان علي الاخص كانت مشاريعه ممتازه جدا
كان بيعمل كل حاجه
لحد الكراريس والمساطر والاقلام
لو كانوا استمروا كان زمانا دلوقتى فى صروح تجارية وصناعية كبيرة الناس
دية عملتها لانهم كانوا بيفكروا بنفس الفكر بتاع الصين دلوقتى
الناس عايزة اية عشان نعملة ودة كان سر نجاحهم
هوة صحيح الناس دى اتقبض عليها بجريمة اية بالظبط؟
من غير جريمة غير ان الحكومة والنظام كان عايزهم يتسجنوا .اقتباس:
المشاركة الأصلية كتبت بواسطة elrasy
والحكومة كانت خايفة منهم جدا ومش عايزة دولة جوه دولة .
اذا كان كانوا قلقانين من الريان لما كان لوحده فما بال حضرتك باتحاد العمالقة .
بجد انا زى حضرتك مش عارفة سبب لسجنهم لانهم اعتقد والله اعلم لم يرتكبوا جرائم .
لكن النظام عايز كده زى ما بيحب يقضى على اى رجل اعمال ويلبسه اى تهمة وخلاص
وانا سمعت زى حضرتك بس الريان والسعد هيبداْوا باللحوم ببيعها بسعر رخيص للناس .اقتباس:
المشاركة الأصلية كتبت بواسطة beautiful0mind
وبعدين سمعت ان احمد الريان عايز يبتدى يشتغل تانى فى كل حاجة ويعمل مشاريع .
لكن اشرف السعد طبعا هيشتغل معاه وهوه بره فى الخارج لانه عليه حكم غيابى على ما اظن
الناس دول كان مفترى عليهم فعلا ياجماعة والحكومة كانت هي السبب بتحريض من امريكا لأنها كانت مرعوبة من فكرة الأقتصاد (الأسلامي) ... والسبب في كده ان الأقتصاد هو محرك السياسة فلو وصلنا للأكتفاء الذاتي ومن بعده الوفرة اللي كان عايزها الريان والسعد امريكا مش هيبقى ليها سلطة علينا تاني علشان كده امروا الحكومة المصرية تخربهالهم.
أنا كل معرفتي عنهم إنهم كانو بيعملو مشاريع و كانو مكوكات فضائيه في الشغل ...
هل بقي سبب وقعوهم إنهم مريضيوش يفبركو مع الحكومه و يبقو زي عز و أبو العنين و أمثاله و لا فعلا هم تعثرو بسبب نظام متبعينه غلط
هو اللي أنا حاسه إن حسني و أولاده غضبو عليهم!!!!
بالاضافه الى ما ذكر انهم "وخصوصا الريان" عن طريق ذكائهم وحجم الاموال الطااااائله الى كانو متحكمين فيهما فى ذلك الزمن كانو بدأو يتحكمو فى اسعار بعض الركائز الاساسيه للبورصات زى الدهب
ودي حاجة كانت ليها تأثير على الاقتصاد العالمى كله
عشان كده قصقصو ريشهم قبل ما يكبرو ويسيطرو على البورصات فعلا
خصوصا انهم كيان واتجاه اسلامي
من هنااقتباس:
المشاركة الأصلية كتبت بواسطة beautiful0mind
الريان قال من يومين إنهم داخلين مشروع مع بعض لتسمين عجول بلدي وبيع اللحوم بأسعار مخفضة
اللي وقع الريان إشاعة إنه هيخسر أو هيهرب أو حاجة كده
الناس كلها راحت ساحبة فلوسها مرة واحدة وهو ماكانش عنده سيولة كافية طبعا عشان يغطي
واترفع عليه قضايا من الناس طبعا عشان كده هو نصاب خد الفلوس ومراجعهاش تاني واتحبس
1- كان هيشترى بنك فى امريكا بكل اصولة وموظفية سنة 88 وجمال مبارك وقفلة فى الموضوع لان كان عايز ياخد البنك.
2- البنوك المصرية فى وقتها كانت اكبر خصم لة.
3- عاطف عبيد حطة فى دماغة بسبب ثفقة كشاكيل وكراسات وحاجات تانية بحوالى 8 مليون وقام بتوريد بضاعة بنص مليون وضرب على الباقى لحد الان (عاطف عبيد فى وقتها مكنش رئيس وزراء بس اعتقد كان وزير او مسئول كبير مع وزير).
4 - اكيد طبعا كان فى تدخل اجنبى.
1988 جيمى كان يا دوب بيتم 25 سنهاقتباس:
المشاركة الأصلية كتبت بواسطة mostafaismail
ولسه مادخلش فى الجيم - كان واقف نكست
كلامك صح جدا ..وكان على لسان احمد الريان....... شوف جمال مبارك من سنه كام وهو عامل نفسة عبقرى ......حسبى الله ونعم الوكيلاقتباس:
المشاركة الأصلية كتبت بواسطة mostafaismail
كان مين اوشه وقتها اللى بيلعب سنجلاقتباس:
المشاركة الأصلية كتبت بواسطة human12
طبعا لأن أى بنك فى العالم لو الناس كلها راحت تسحب فى وقت واحد مش هايقدر يسدد لأن الفلوس شغاله فى مشروعاتاقتباس:
المشاركة الأصلية كتبت بواسطة mailo
ههههههههههههههههههههههاقتباس:
المشاركة الأصلية كتبت بواسطة wesam_salom
والله انا كنت بشوف فيديوهات لاشرف السعد وكنت بقول ايه العقليات ديه
حتي التمثيلية الله اعلم ايه مدي صحتها ....... بس كان همهم الاول والاخير المواطن الغلبان
وعلشان يعملوا صرح زي ده وربنا يباركلهم فيه .... احسبهم علي خير ولا ازكيهم علي الله
وربنا ياخده البعيد اللي ضيع حقنا في بلدنا هو وولاده ... ربنا يخسف بيه وبداره الارض ويجعله في اسفل السافلين يارب العالمين .
وان شاء الله ربنا عز وجل اللي كرمنا و خسف بيه الارض .. قادر سبحانه وتعالي يعز امة الاسلام ويرجعلها عزها و عن قريب ان شاء الله
بعيدا عن كل التعليقات من نوع
كانوا هايلموا السوق و يحتكروه و بعدين نشوف منهم العجب
و مع كامل احترامى لاصحابها
و لكنى كنت معايش للفترة الذى واكبت ظهورهم
اى نعم كنت صغير حبتين
بس واعى للتليفزيون و للشارع
واعى ان كان كل شوية هناك اعلان لمصنع
و اعى ان كنت باشوف فى كل مسجد مجموعات كتب مطبوعه طباعه فاخرة لامهات الكتب و مكتوب عليها
الريان
واعى ان كان هناك صتاعه بلاستيك اسمها الشريف
واعى ان كان هناك نهضة اقتصادية
واعى انه كان هناك
الريان و السعد و الشريف و الصفدى و الهدى مصر و......... السوق مفتوح
مش عارف لازمة ما اقول ايه
بس ده جه على بالى و انا شايف الناس بتهاجم
و لم يذكرهم احد بعقلية ماليه محترمة
انما من ساويرس عملنا الاعاجيب (لا اقصد اى صلة بالديانه)
كل ما ذكرت هو وجهة نظر
إعلانات شركه السعد قبل التحفظ وبعض الأخبار فى الجرائد فى الثمانينات - منتديات أشرف السعد
منك لله يا حسنى زفت كنت كل دى مصانع و مزارع و شركات بتشغل الناس و مكسب لغيرهم من الناس
اللى قصدك تقوله ان فيه فرق بين اللى شربنا سياسه الاستهلاك و الخدمات و ازاى نبنى قلاع اقتصاديه من اننا نقدم خدمات وليس منتجاقتباس:
المشاركة الأصلية كتبت بواسطة mtak
و بين اللى كان بانى اقتصاده على عجله نتاج حتى لو فيها استيراد بس حجم العماله و الانتاج كبير انه يحرك اقتصاد البلد كله
و اللى مش فاهم قصدى يشوف التوحيد و النور
المهم ما فيش مسلسل انصفهم .. كلها مسلسلات للتشويه و بالاخص مسلسل يحيى الفخراني !
البنك الى كان الريان هايشترية كان بنك أوف أمريكا و البنك المركزى الامريكى وافق ساعتها على بيعة لكن البنك المركزى المصرى رفض و جمال مبارك ساعتها كان شغال فى البنك فى فرع لندن
اقتباس:
المشاركة الأصلية كتبت بواسطة MTAK
متفكرنيش بالصفدى ده بالذات الراجل ده اخر تصريح سمعته ليه انه قال ان الحكومة بتحقق مكاسب خيالية فى السكر وانه خلال 3 سنين حيثبت سعر الكيلو بجنية وعشرة قروش وان السعر يحقق ربحية فوق ال30 % وكان لسه بيفتتح اكبر مقر ادارى لشركتة اللى هو فى السبع عمارات (حتلاقى مكانهم دلوقتى mentorgraphics) وكان عنده قلعة صاعية فى العاشر من رمضان
طبعا ده كان اخر تصريح ولبس كوكتيل قضايا ظهروا من الهوا والمبنى الادارى والمصانع فضلو مهجورين سنين على امل انه يرجع يشتغل تانى لحد ما المبنى اتباع فى مزاد وخطوط انتاج المصنع اتباعت خردة
على حد علمى انهم كانو من ضمن اشغالهم تهريب الدهب والتجارة فى العملة هل هذا مايقوم عليه الاقتصاد الاسلامى ؟اقتباس:
المشاركة الأصلية كتبت بواسطة mido51eg
مفيش ملياردير حرامى كان بيتحبس فى عهد مبارك
اى ملياردير حرامى كان بيكبر ويتوحش ويا اما يبقى من صفوه الصفوة او يهبش هبشه محترمة ويهرب بالفلوس بره
المستثمرين الشرفا هما الى كانوا بيتحبسوا
انا عايز افهم كان بيدي 15-20% ربح ازاي مش فاهم
ايه التجاره اللي تجيب 20% ربح
انا عايز خبير اقتصادي يقوللي تيجي ازاي دي
انا اشرحلك بسرعة كده كل السوبر ماركت زى Metro w Carrefour و غيرها من المحلات ده على سبيل المثال بتحقق ارباح ما بين 15 ل 20%اقتباس:
المشاركة الأصلية كتبت بواسطة mohamed_mohsen
و ده مثال بسيط قوى فى حاجة بسيطة جدا فى الاقتصاد و للعلم كمان جزء كبير من البضاعة فى المحلات ده بتكون لسه مدفعش تمنها يعنى السوبر ماركت تجيلو بضاعة يدفع 20% - 80% من ثمنها و يبيع و يكسب نسبة محترمة و الفلوس تعمل فلوس فى البنوك كمان و بعد فتره معينة يدفع باقى ثمن البضاعة و تكون فى بضاعة تانية جت المحل و لسه مدفعش تمنها و هكذا شوف باقى الصناعات المختلفة بقى مصانع كتب و اقلام و ملابس و اثاث و عقارات و عربيتا و استراد و تصدير البلد فيها فرص كتتير قوى بس الى يشغل دماغة و يراعى ربنا
اسمحلى اقول لحضرتك المشروع اللى يكسب اقل من 20% يبقى مشروع فاشلاقتباس:
المشاركة الأصلية كتبت بواسطة mohamed_mohsen
من الناحيه الاقتصاديه و اى حد بيفكر بعقل تجارى لو مش هيكسب ضعف فايده البنك و اكتر يبقى يرتاح فى البيت و يحط الفلوس فى البنك احسن
بمعنى تانى انا لو معايا 100000 و البنك بيدى ارباح 10% يعنى 10000
لو هعمل بيهم مشروع لازم يجيبلى اكتر من 20% ليييييييييييه ؟
10% زى البنك و 10% تعبى و مجهودى و القرف اللى بشوفه لو المشروع هيجيب اقل من كده يبقى اريح نفسى و انتخ فى البيت و احط فلوسى فى البنك
ملحوظه اخيره البنك لما بيديك فايده 10% اكيييييييييييييد بيكون كسبان قدها مرتين على الاقل يعنى مش معقول هياخد الفلوس و ييشغلها و موظفين و مشاريع و قروض و فى الاخر يكسب 12 او 13 % حضرتك تاخد 10% و هو ياخد 3%
لازم يكون كسبان مش اقل من 25% عشان اللى حاطط فلوس ياخد 10% و البنك ياخد 15%
مع كامل احترامي لرأيك, لكن الناس دي كانت بتهرب الذهب علشان مايدفعش عليه جمارك !! مش مبرراقتباس:
المشاركة الأصلية كتبت بواسطة dolly13
بس هو اييه اصلاً الجمرك ده !!!!!! و ليييه الدولة تاخد جمارك على بضاعة انا شاريها بفلوسي !!!
خد مني ضريبة مبيعات ماشي, لاني ببيع و بكسب و لازم ادي للدولة حقها..
بس تاخد مني جمارك ليييييييه !!!!!!!!!! ابقى شاري حاجة بـ 10, تاخد جنيه او 2 جنيه بتاع ايه !؟؟؟
الجمارك ما هي إلا ( إتاوة ) بتفرضها الدولة على الناس بدون وجه حق في رأي !!
بالنسبة لتجارة العملة... ممكن بعد اذنك افهم هي ليه حرام او تخالف الدين الاسلامي في رأيك؟؟؟
انا بشتري مثلاً 1 دولار... يعادل مثلاً بردو 5.95 جنيه مصري
حضرتك محتاجة دولارات, و معاكي مصري... قلتلك هديكي الدولار بـ 6 جنيه !!
و حضرتك وافقتي و السعر عجبك... يبقى فين الحرام في الموضوع ؟؟؟ بيع و شراء
طيب لو قلتلك هبيعلك الدولار بـ 5.93 جنيه... فين الحرام؟؟؟ ده بردو بيع و شراء
يعني في الحالتين حضرتك في ايدك توافقي او ترفضي السعر بتاعي... يبقى ايه المشكلة؟؟؟
عموماً هي وجهات نظر, و بالمناسبة انا والدي واحد من الناس اللي فلوسهم راحت مع الريان
و بعد ما حجزوا على البصاعة اللي كانت في مخازن الريان, ابتدوا يوزعوها على الناس
و انتي و حظك بقى... غسالة, مكنسة, كشاكيل, مكرونة, سكر, رز !!!!!!
اقسم بالله شفنا ايام مايعلم بيها إلا ربنا, و مع اني كان سني صغير, إلا اني فاكر كل التفاضيل اللي حصلت !!
و مع ذلك... عرفت بعد كده ان الراجل ده علشان كان قرب يبقى دولة جوه دولة هو و السعد,
فكان لازم يهدوهم حتى لو بتلفيق التهم او التآمر عليهم علشان يدمروهم و يفقدوا الناس ثقتهم فيهم..
طبعاً و كالعادة... راحت الناس ضحية اهواء و اطماع الحكومة و مزاجهم مش اكتر !!
عمري ما شفت رجل اعمال فاسد او حرامي تضخمت ثرواته و اتسجن, لكن لو شريف اكيد هيتسجن في يوم !!