هدية العيد : بالونات الهيليوم تعملها بنفسك فى المنزل

بسم الله الرحمن الرحيم

السلام عليكم ورحمة الله وبركاته و كل عام و انتم بخير و تقبل الله منا و منكم شهر رمضان

اليكم طريقة الحصول على بالونات تطير لوحدها مثل اللى بنشوفها مليانه بالهيليوم :balloon: و بصراحة مش عارف بيتجاب منين ... بس اليكم طريقة سهله و بسيطة للحصول على نفس النتيجة و يكون الناتج غاز الهيدروجين الذى له نفس خاصية الهيليوم بكونه خفيف و يطير بالبالونه الى أعلى


اولا : هات زجاجة 1 لتر و املأ نصفها ماء من الحنفية



http://i53.tinypic.com/r0sief.jpg




ثانيا : حط فى الزجاجة بواسطة قمع بلاستيك 2 ملعقة كبيرة (بوتاس ) و هو مادة كاوية تستخدم للتنظيف و هى عبارة عن بللورات صلبه و تشبه جوز الهند غير المبشور .... و تباع فى محللات المنظفات فى الأحياء الشعبية قوى الكيلو ب 8 جنيه ... هات ربع كيلو هيطير لك بلالين كتير قوى , و احتمال يطير لك البيت كله :tumb: و يا ريت لا تلمسه بايدك

و دى صورته


http://i56.tinypic.com/fjhitt.jpg


و قم بتغطية الزجاجة بالغطاء و رجها قليلا لتذوب البللورات ثم افتح الزجاجة و امسح الفوهة جيدا بقطعة قماش علشان تبقى الفوهة نظيفة







ثالثا : هتجيب قطعة ورق فويل ( ورق الومنيوم) و تقطعها شرائط رفيعة يمكنها الدخول فى فوهة الزجاجة و ادخلها و رج الزجاجه لتسقط قطع الورق الى الماء


http://i53.tinypic.com/2z883gz.jpg







ستلاحظ بدايه حدوث تفاعل بسيط و تعكير فى الماء و ترتفع درجة حرارة الماء قليلا مثل كوب الشاى و يبدأ غاز الهيدروجين فى التصاعد




http://i53.tinypic.com/97s5tw.jpg




رابعا قم بوضع البالونه على فوهة الزجاجة ( محدش يسلالنى أجيبها منين ) و اتركها لمده 10 دقائق تقريبا لو انت لسه عايش ........ :oho: ستلاحظ ان البالونه قد انتفخت



http://i55.tinypic.com/2s01g06.jpg






http://i51.tinypic.com/64klz9.jpg







http://i56.tinypic.com/2h3q7w9.jpg


قم بلف البالونه لفتين قبل ان تنزعها من فوهة الزجاجة حتى لا يتسرب الهواء و قم بربطها و فرح العيال و ادعيلى




http://i54.tinypic.com/2v96c5u.jpg





http://i51.tinypic.com/20unzfp.jpg






ملحوظات :

1: لا يحدث فوران فلا تخف

2: بعد حوالى 10 دقائق ستلاحظ ذوبان ورقةالفويل و تحول الماء الى اللون الاسود و بعد فتره هيترسب الاسود فى القاع

3: يمكن استخدام الماء الاسود مرات أخرى بوضع ورق فويل و تكرار الخطوات ووضع بالونه اخرى



4: يا ريت تعمل الموضوع دا فى حوض المطبخ علشان لو وقع البوتاس لا يؤذى أحد و هو مفيد جدا فى تسليك الاحواض ....


5: فى الغالب بتقعد البالونه حوالى ساعتين طايرة فى الهواء و لازقه فى السقف و بعد كده بتلاقيها بقت باللونه عاديه جدا لا تطير مش عارف ليه ؟؟؟

ممتاز

احب انا الكيمياء العضوية:tumb:

بارك الله فيك

جميل بجد
بس ايه هي ال side effects

المحتملة؟ هل الجرعات الكبيرة ممكن تحدث انفجار مع تطاير سطح المنزل ؟

hydrogen will act so bad when a spark or any flame is near
so be aware

بالمقدير السابقة لا شىء يحدث و قطعة الفويل بتذوب و بس بيحدث فوران بسيط جدا جدا لا يصل الى حلق الزجاجةو لا البلونه و سخونة الزجاجة مثل كوب الشاى و انت بتشربه مائل الى السخونه و ليس حار شديد الحرارة

لكن لو هتجيب جردل بوتاس و كام رول الومنيوم .... برده مش هيحصل حاجة متهيألى غير ان الالومنيوم هيتآكل بسرعة و التفاعل يسخن شوية

2 ways to Make a Balloon Float without helium

ده فيديو فى النص التانى فيه التجربه متصوره

بوتاس (ماده كاويه)
هيدروجين (ماده قابله للاشتعال)
بلالين (انا اعرف طفل كان بينفخ بلونه و دخلت فى زوره و مات)
و اطفال (فلذات اكبادنا)
بلاش يا جماعه
مخاطره غير مبرره

يجامد يجامد يجامد تسلم ايدك . بس ايه سر انها بعد ساعتين تتحول؟

فكرة جميله يا دكتور
و لكن لخطورة اشتعال الهيدروجين لم اجربها

و لكن لو عاوز تجربها و تكون تحت تحكم
ممكن تستعمل بدل زجاجة الكولا الزجاج
طفاية بودرة فاضيه بتاعة عربيه
و ساعتها هايكون عندك الغاز موجود تحت ضغط
و كمان هناك محبس تنفخ وقت الطلب
:)

كل سنه وانت طيب ومصر كلها بخير
شكرا على المعلومه

شكرا على التوضيح والشرح بالتفصييييل وبجد حاجة جمياة جدا وكل الاطفااااااال بتحبهاااا

اقتباس:

---

المشاركة الأصلية كتبت بواسطة mtak

فكرة جميله يا دكتور
و لكن لخطورة اشتعال الهيدروجين لم اجربها

و لكن لو عاوز تجربها و تكون تحت تحكم
ممكن تستعمل بدل زجاجة الكولا الزجاج
طفاية بودرة فاضيه بتاعة عربيه
و ساعتها هايكون عندك الغاز موجود تحت ضغط
و كمان هناك محبس تنفخ وقت الطلب
:)

---

اشكر حضرتك و باقى الاعضاء.
ورجاء توضيح خطورة اشتعال الهيدروجين يعنى لو شرارة بسيطة مثلا و لا ايه الحكاية
و فكرة طفاية الحريق يا ريت توضحها لنا بالتفصيل

بص يا دكتور احمد
ده فيديو لاشتعال الهيدروجين
Hydrogen balloon "bombs" - YouTube

طبعا ممكن اى واحد يشوفه funny و مافيش مشاكل
بس النار مافيهاش هزار
لو هاتعمل الموضوع فى حديقه و مساحه واسعه
لا مشكله

بس داخل البيت الواحد لازم يخاف
مش هاقولك فرش البيت كله الياف صناعيه و بلاستيكات قابله للأشتعال
دى هدومنا معظمها كده
-------------
اما بخصوص طفاية الحريق فانا بصراحه مش لاقى الفيديو

بس كان بكل بساطه
طفايه فاضيه بيفتح المحبس بتاعها (القلاووظ اللى متركب على جسم الطفايه)
و بيضع بها الفويل و الصودا و يقفلها و يضعها فى جردل ماء للتغلب على الحرارة الناتجه
و بعد فترة هتلاقى مؤشر الضغط بالطفايه على الاخضر
يعنى اتملت و بضغط كمان
و كل ما تعوز تملى بالونه تفتح فتحه و باقى الغاز محبوس عندك

حلوة بس الواحد يخاف يعملها و خاصة ان البوتاس دا بيتسمع عنو مصايب كتير

اشكرك شكرا جزيلا جدااااااااااا
انا بقالى شهر عايز اشترى هيليوم ومش عارف اجيبه منين وهل فى عبوات صغيرة ولا لا
بس كويس قوى قوى ان حضرتك عملت الموضوع ده
تسلم ايدك وهبقى اخلى العيال يدعولك
يارب بس محدش يدعى عليك لو فى انفجارات ولا حاجة

اقتباس:

---

المشاركة الأصلية كتبت بواسطة د.أحمد السعيد

اشكر حضرتك و باقى الاعضاء.
ورجاء توضيح خطورة اشتعال الهيدروجين يعنى لو شرارة بسيطة مثلا و لا ايه الحكاية
و فكرة طفاية الحريق يا ريت توضحها لنا بالتفصيل

---

الهيدروجين بينفجر مش بيشتعل بس :) يعني انت مدي ابنك قنبلة :)

كان المرحوم بابا بيعملها لنا واحنا صغيرين
ومرة الزجاجة اتكسرت بالسائل اللي فيها
جربها في بلاستيك منفعتش تقريبا ساح
ده غير البخار الناتج من تفاعل البوتاس والمية بيسبب هياج الجهاز التنفسي

متابع

وده يا دكتور فيديو للشرح العملى المعملى
و به بالتصوير البطئ لحظة الانفجار

Chemistry experiment 13 - Hydrogen balloon - YouTube

و لو حد يفتكر منطاد زبلن

برضه مثال بس على كبير اووووووووووووى

Hindenburg Disaster Footage - YouTube

البالونة مفضضة وبتلمع بتبدأ من 15 ج بدل انفجار وتطاير سطح المنزل وانتشار الشظايا مش كفاية البمب وعمايله: )

اقتباس:

---

المشاركة الأصلية كتبت بواسطة mtak

بص يا دكتور احمد
ده فيديو لاشتعال الهيدروجين
hydrogen balloon "bombs" - youtube

طبعا ممكن اى واحد يشوفه funny و مافيش مشاكل
بس النار مافيهاش هزار
لو هاتعمل الموضوع فى حديقه و مساحه واسعه
لا مشكله

بس داخل البيت الواحد لازم يخاف
مش هاقولك فرش البيت كله الياف صناعيه و بلاستيكات قابله للأشتعال
دى هدومنا معظمها كده
-------------
اما بخصوص طفاية الحريق فانا بصراحه مش لاقى الفيديو

بس كان بكل بساطه
طفايه فاضيه بيفتح المحبس بتاعها (القلاووظ اللى متركب على جسم الطفايه)
و بيضع بها الفويل و الصودا و يقفلها و يضعها فى جردل ماء للتغلب على الحرارة الناتجه
و بعد فترة هتلاقى مؤشر الضغط بالطفايه على الاخضر
يعنى اتملت و بضغط كمان
و كل ما تعوز تملى بالونه تفتح فتحه و باقى الغاز محبوس عندك

---

شكرا يا استاذ محمد

تسلم ايدك .
هي دي العدية ؟
في شوية حاجات انت ماوضحتهاش
قبل ما نعملها نخرج الناس الموجودة في البيت ؟ مكان الفتيل ؟ قوة الانفجار ؟

انا مش فاهم الناس اللي داخلة تتريق عالدكتور احمد


خلاص اللي خايف ما يعملهاش يا جماعة


و اللي وضح بكلام محترم و علمي خطورة الموقف متشكرين جدا ....... بس اللي داخلين يتتريقوا ....... عيب كده

اقتباس:

---

المشاركة الأصلية كتبت بواسطة أحمد كمال

انا مش فاهم الناس اللي داخلة تتريق عالدكتور احمد


خلاص اللي خايف ما يعملهاش يا جماعة


و اللي وضح بكلام محترم و علمي خطورة الموقف متشكرين جدا ....... بس اللي داخلين يتتريقوا ....... عيب كده

---

هي الناس بس بتهزر شوية . لاكن مش تريقة خالص .
الناس مستوية ونفسها تضحك شوية

ولتاني مرة . تسلم ايدة

يا جماعة انا عملت التجربة دى بس مكنش عندى فويل فاستخدمت مكانه سلك الومونيا بتاع الاطباق والبلونه اتنفخت بس مطلعتش لفووق وكان شكلى وحش اوى اوى ادام الاطفال ياترى سلك الالومونيوم هو السبب ولا ايه بالظبط؟؟؟؟؟

شكلك استخدمت السلك الاستانلس اللى بيلمع :)

لأ استخدمت السلك الالومونيم العادى

كنا بنعملها زمان، أول مرة عملتها وشيلت البالونة من على الزجاجة راحت مفرقعة في وشي وعملتلي زي حرق في وشي وزال بعد فترة.ههههههههه. يبقى خدوا بالكم بقى

اقتباس:

---

المشاركة الأصلية كتبت بواسطة HADEDA

يا جماعة انا عملت التجربة دى بس مكنش عندى فويل فاستخدمت مكانه سلك الومونيا بتاع الاطباق والبلونه اتنفخت بس مطلعتش لفووق وكان شكلى وحش اوى اوى ادام الاطفال ياترى سلك الالومونيوم هو السبب ولا ايه بالظبط؟؟؟؟؟

---

طالما البالونة اتنفخت
يبقى حصل تفاعل و الغاز طلع
ممكن يكون التفاعل غير نشط بما فيه الكفايه لظروف كتير

جرب تانى :camera2:

اقتباس:

---

5: فى الغالب بتقعد البالونه حوالى ساعتين طايرة فى الهواء و لازقه فى السقف و بعد كده بتلاقيها بقت باللونه عاديه جدا لا تطير مش عارف ليه ؟؟؟

---

ههههههههههههههههههههههه
والله انت مشكله

خلى الولاد ينبسطوا

انا حاسس ان انا مش كيميائى بعد الكلام الى اتقال ده
حاسس انا انا فنى سليسيون