ومازنجر وجولة الكاميرا وسينما الاطفال
فكرتنا بالذكريات الحلوة
عرض للطباعة
ومازنجر وجولة الكاميرا وسينما الاطفال
فكرتنا بالذكريات الحلوة
جووو رمضاان وقتها كان تحفة بجد الزينة ال كان كل الشارع صغير وكبير بيساعد فيها , دا غير ان الشوارع نفسها كان شكلها بيتغير في الشهر دا وتحس الناس كلها بتحب بعض (الشهر دا بس) . والعزومات العائلية ال كانت كتيييير اوى وقتها , دلوقتي خلاص.
عندك من البرامج تاكسي السهرة وافلام اسماعي ياس طبعا
وكابتن ماجد ومازنجر .
واعلان مسرحية الزعيم بتاعت عادل امام وهو ماسك البايب وقاعد فوق الكرة الارضية مع انة كان في التسعينات بس معلق معايا الاعلان دا مش عارف ليية!
وحوي ياوحوي
عمو فؤاد
مسلسل اوشن جيرل
القناع بتاع جيم كيري
بوجي وطمطم
الف ليله وليله ومش عارف ليه كنت بخاف منها
عن اي حالة تتحدث ؟!!!!!!
الذاكرة مسحت خلاص هه
واحد مريض راح للطبيب بيقوله عندي حالة نسيان شديدة الطبيب قاله والحاله دي معاك بقالها كتير
المريض قاله :عن اي حالة تتحدث؟!!!!!
اخترنا لك وحلقة ماكجيفر يوم الاربعاء
جولة الكاميرا يوم الاحد
العلم والايمان يوم الاتنين
مواقف وطرائف وجلال علام يوم الجمعه كنا بنقعد قدامه فاتحين بوقنا من كتر الانبهار
بس فعلا كانت الدنيا فاضية يا جماعة ده حتى اوخر التسعينات كده كانت الدنيا غير دلوقتي . انا كان معايا الفولكس الرهيبة وكنت بركب انا واتنين اصحابي ونحط بنزين 90 ( بخمسة جنيه الا ربع عشان كانوا بياخدوا ربع جنيه تيبس ) كنا بنروح عباس العقاد وبعدين شارع النزهة على الكوربة على روكسي وبعدين نرجع تاني على عباس العقاد في دقايق . يعني كنا بناخد اللفة دي مرتين تلاتة في نص ساعة .
اتفرج بقى دلوقتي عشان تعملها مرة واحدة بس تقعد كام يوم ..
اكيد كنت بتخاف من الاشكيف .... انا كنت بترعب منه وضيف عليه مسلسل القط الاسود ومسلسل العسل المر بتاع سمير صبرى وهو لسه صغير واكتر حاجه كنت بخاف منها مسلسل (انا البردعى يا رشدى ) كنت كل ما افتكره وانا على السلم كنت تقريبا بطير على السلم ههههههههههههههههههههههه
بالنسبة لموضوع السلم ده .
لما كنت ساكن مع الوالد كنا في الدور الثامن . وكان اوقات الاسانسير بيعطل وكنت بضطر اطلع على السلم . كان دايما وانا طالع على السلم بليل بيجيلي احساس ان في حد طالع ورايا . واقع كل دور ابص ورايا .
بصراحة كنت بفضل متماسك لغاية الدور الرابع , لكن من الرابع للثامن كانت رجلي مش بتلمس الارض من كتر السرعة والخوف .
ياااااااااااااه كانت ايام
مممممممم
تاكسي السهرة
اخترنالك يوم الاربع
سينما الاطفال
اماني و اغاني
كلام من دهب ... جاوب هاتكسب دهب دهب من غير ما تحسب دهب دهب
عمو فؤاد
زينة و هرقلييييييييز
كابتن ماجد
اه يا واد انا دوبت في دباديبوا دباديبوا دباديبواااااااااااا
.
.
.
.
.
انتوا فاضيين اكمل ؟؟
من اكتر المسلسلات الكارتون اللى كنت باتابعها اليس فى بلاد العجائب واكتر واحد كنت باموت فيه الراجل اللى بيقعد يشيش على الفطر فى اخر صوره تحفه ملوش حل
http://up11.up-images.com/up/viewimages/7f7c79e11b.jpg
وطبعا مازنجر لو كنت ماشى فى الشارع قريب من البيت وسمعت صوت الموسيقى بتاعتها كنت اروح البيت بسرعه جدا علشان اشوفها على اى القنوات الثلاثه الاولى ولا التانيه ولا الثالثه
وطبعا فاكرين الابطال ( ماهر وفاتن ونبيل ودكتور خيرى وجدهم مخترع مانزجر ورفيع وبيتو والمزدوج وابو الغضب والالى المقص وافروديت طبعا ومختبر الفيتون تقريبا )
http://up11.up-images.com/up/viewimages/0374d13afe.jpg
واكتر كارتون كوميديا فى الدنيا كعبول وعبقرينو ومشاكس بجد مالوش حل
http://up11.up-images.com/up/viewimages/d98a67fa71.jpg
كعبول ده متاخد من مجلة تان تان اللى كانت بتصدر فى السبعينات واسمه الاصلي لوبو ، وكانت مجلة مالهاش حل وكانت بتصدر يوم السبت من كل اسبوع.
ههههههههه كانت دي فعلا احلي أيام!
الثمانينات برضه حلوة إلى حد كبير.....!
الايام دي بقي ما يعلم بيها الا ربنا!!!!!!!!!!!!!!!!!
تحياتي.