الموضوع: ذكريات التمانينات

المشاركة الأصلية كتبت بواسطة elbeheri

- مجلات اطفال : ميكي – سوبر ميكى – ميكى جيب – ماجد – سمير – العربي الصغير ( بتاعت الكويت قبل الغزو)
- برامج اطفال : كرمبة (السبت ) – ماما نجوى وبقلز (الاثنين) – بابا ماجد – عروستى (الخميس) – سينما الاطفال (الجمعة )
- برامج : نادى السينما (السبت ) – جولة الكاميرا (الاحد) – تاكسي السهرة (الاثنين) – اخترنا لك (الاربعاء) اليوم المفتوح (الخميس) – ماتشات الكورة (يوم الجمعة ) – برنامج حياتى "الكئيب " ( الجمعة )
- فوازير : الجميلة شريهان " الله يشفيها" – عمو فؤاد – جدو عبده
- افلام : المشبوه – العار – حب فى الزنزانة – جرى الوحوش – سلام يا صاحبي – النمر والانثى – السادة الرجال- الدنيا على جناح يمامة ........... يااااااااااااااااااه على دى افلام
- مسلسلات : اهلا بالسكان – فى حاجة غلط – ليالى الحلمية ورافت الهجان (الجزء الاول) – رحلة المليون – الحب واشياء اخرى – عصفور فى القفص – الزوجة اول من يعلم – دموع فى عيون وقحة .............
وبمناسبة مسلسل الريان : كان الريان بيعمل مسابقة دينية فى رمضان ويكون الاتصال فيها بالتليفون " كان اول ما تخلص الحلقة الناس كلها تجرى تتصل بالتليفون عشان تجاوب وتكسب " فكانت شبكة التليفون الارضى تقع وتلاقى الخطوط دخلت فى بعضها . يااااااااااااااااااه على دى ذكريات حلوة
اغانى : فاكرين شريط لولاكى اللى كسر الدنيا – ميال وشوقنا وماتخافيش لعمرو دياب – اكمنى ومراسيل لايهاب توفيق

أية دة ياعم بحيرى ؟
دة أنت كاتب أجمل حاجات فى فترة التمانينات ....
ميكى وماجد دول ليهم عشق خاااااااااااااااااااااص جدآ ....
وضيف عليهم كمان تان تان وأستريكس و لاكى لوك ودول بحب أقراهم لحد دلوقتى ....

فى برامج الأطفال طبعآ ماما نجوى هى كانت أحسن واحدة فى مذيعات الفترة دى ....
لكن سامية شرابى و مذيعة برنامج كرنبة كانوا فى الضياع ....
دة غير مذيعات الأطفال بتوع القناة التانية ....
كانوا عايزين ضرب النار ....

وطبعآ أجمل أفلام السينما المصرية كانت أفلام التمانينات ماعدا طبعآ أفلام المقاولات ....
والمسلسلات اللى أنت كاتبهم فعلآ ممتازين وأحب أضيف عليهم كمان ....
الراية البيضا وأبو العلا البشرى للمبدع أسامة أنور عكاشة ....
التلفزيون أيام ما كان قناتين كان أحسن من دلوقتى ....
وكانوا قايمين بالواجب وزيادة ....

وبالنسبة للأغانى فأنا بعتبر فترة التمانينات هى فترة هبوط الأغنية المصرية ....
ودة كان بقيادة حميد الشاعرى وعمرو دياب وهشام عباس و أيهاب توفيق ....
اللى معرفوش يعملوا أغانى تعيش فى أذهانا علطول ....
كان كل واحد يعمل ألبوم فية شوية كلام فارغ ....
نفضل نسمعة أسبوعين وبعد كدة بخ ....
أنا كنت ومازلت بفضل ....
ألأغانى الأجنبى ....