ليه لما بسال الناس عن الجين 2 بيقولولي بلاش ؟؟

**Ghosts** · 30-08-2011 07:09 AM

المشاركة الأصلية كتبت بواسطة tutankhamoun

يا جماعة موضوع التوكيل ده فيه مبالغة كبيرة قوي بجد (كلام بما يرضي الله )
هو التوكيل مش ممتاز و مفيش منه ........... و لكنه ليس بهذا بالسوء .

بالنسبة لقطع الغيار (كل قطع الغيار الأستهلاكية متوفرة داخل و خارج التوكيل و بأسعار متفاوتة )
هو بس الناس بتهول شوية

أولآ كل سنة وحضرتك طيب ياتوت باشا ....
ثانيآ الناس اللى بتهول وبتزن دى الواحد مش عارف يروح منهم فين ....
للأسف أحنا عايشين وسطيهم ولازم نعمل اللى يرضيهم لأن الوقوف ضد التيار دة شىء صعب جدآ ....
. When in Rome , do as the Romans do

**فتح الباب** · 30-08-2011 08:54 AM

شعب غريب ينجحوا الكيا ويسقطوا البروتون شعب غريب فعلا

**tutankhamoun** · 30-08-2011 08:58 AM

المشاركة الأصلية كتبت بواسطة ghosts

أولآ كل سنة وحضرتك طيب ياتوت باشا ....
ثانيآ الناس اللى بتهول وبتزن دى الواحد مش عارف يروح منهم فين ....
للأسف أحنا عايشين وسطيهم ولازم نعمل اللى يرضيهم لأن الوقوف ضد التيار دة شىء صعب جدآ ....
. When in rome , do as the romans do

كل سنة و حضرتك طيب يا أستاذ جوستس
أنا لي رأي مختلف على موضوع روما و أهل روما ده .

لو كل واحد عمل كدا
مكناش شوفنا تويوتا ..... و لا نيسان ....... و لا مازدا ...... و لا أي عربية ياباني و بالتبعية أي عربية كوري و لا ماليزي و لا حتى صيني .

كل حاجة بتأخد وقت لغاية ما تبقى منتشرة و تصبح من طباع أهل روما .
أكيد فاهمني
لأن مثلا في أواخر السبعينيات و أوائل الثمانينات ...... أهل روما كانوا بتوع فيات و بيجو بس
و لولا الناس اللي جربت الياباني و الكوري ...... مكنش بقى من طباع أهل روما .
زي الماليزي دلوقتي ...... لولا الناس اللي جربته مكنش حضرتك سمعت عنه .

و كلامي مش معناه أني أروح أرمي فلوسي في حاجة وحشة لمجرد أني أجربها

علشان كدا الناس بتفتح مواضيع و تسأل و تشوف تجربة غيرها عاملة أيه .

و كل سنة و حضرتك طيب و عيد سعيد عليك و على أسرتك و على كل أعضاء المنتدى و أعضاء قسم بروتون بوجه الخصوص

**tutankhamoun** · 30-08-2011 09:00 AM

المشاركة الأصلية كتبت بواسطة tjp

شعب غريب ينجحوا الكيا ويسقطوا البروتون شعب غريب فعلا

بس الكيا مش وحشة يا باشا ..... دي عربية ممتازة بصراحة

**ahmed azab** · 01-09-2011 02:32 AM

مش ها ضيف اكتر من اللي اتقال لكن ..........
نفس الكلام اللي كل الناس سمعته قبل ما يجيبوا العربية دي او الماركة دي عموما
لكن اللي يمتلكها او جاتله الفرصة يركبها او يجربها ها يقولك كلام مختلف تماما
مش عايز اقولك حاجة علشان اقنعك هاتكون شهادتي مجروحة لأني الحمد لله امتلكت الويرا والواجا والجين وجربتهم في مختلف ظروف التشغيل وكانوا بيثبتوا كفائة وبرشحها لكل اللي عايز يشتري خصوصا في المستعمل وفي من اصدقائي اللي اشتري لما جربها معايا
فأنا مغرم بيها جدا ( صيانات سهلة ومش معقدة ( زيها زي المتسوبيشي تماما)مش زي الفرنساوي مثلا - قطع غيار متوفرة وكل فترة في زيادة لمختلف الموديلات - اعطال قليلة - ارخص سعر في الفئة دي بكماليات عالية
وانا في راي ان قريب الماركة دي هاتحط نفسها بعد الياباني وبالتحديد الميتسوبيشي لأنهم نفس الطعم
والتجار ابتدوا يعرفوها وجربوها وبيستغلوا سعرها لانه غير معروف للكل وقيمة اعلي من المبلغ
لكن مصر كسوق للسيارات من زمان بنرفض الحاجات الجديدة بدليل الياباني والكوري كنا رفضينهم تماما لحد فعلا مطلع التسعينات وبالتحديد بعد حرب الخليج لما المصريين نزلوا وكانوا مجربين الماركات دي بره ابتدوا يشتروها وابتديت الناس تتعرف عليها بعد ما كانوا بيبعدوا عنها بالسمعة وقطع الغيار
وكانت العربية في مصر يعني يا بيجو يا فيات
يا راجل دا العربيات الأتوماتيك كانت بتتباع بأقل من تمن المانيوال والناس بتبعد عنها تماما لا هوندا ولا غيره
لكن اللي بيقتنع بأختياره هواللي بيختار بعقله ويسأل ويجرب وما يعتمدش علي رأي الناس بس