عرض للطباعة
انا بفكر اجيب واحده جين 2006 او 2007
طبعا عايزها مانوال ..
بس في نااس كتير بيقولولي جريها وثابتها وكل حاجه جميله
بس فيها عيوب صنااعه
وحاجتها مش متوفره .. ولو لقيت بتبقه غاليه !!!!
لو الناس دي مبتفهمش ياريت حد يفهمني عنها كل حاجه
وعن قطع الغيار
وعن ادائها ومميزاتها ..
معلش تعبكم معايا
السلام عليكم
الرد بسيط جداً حضرتك عملت حاجة صح وانك لم تسمع الي الناس الي مبتفهمش
والرد في الموضوع دة مقارنة بسيطة تثبت ان البروتون من ارخص قطع الغيار في مصر
http://www.nilemotors.net/Nile/241484-a.html
ولكن الناس الي في الشارع لها مقايس مختلفة |(واحد مبيعرفش يشتغل في البروتون وخايف يتقال علية حمار )
(واحد بيقارن اسعار قطع غيار بروتون داخل التوكيل وقطع غيار سيراتو في الشارع طبعا ً المقارنة بتكون في صالح الشارع )
وواحد العالم ببواطن الامور والناصح الامين الي في الغالب ميعرفش هي كام حصان مثلاً
وواحد سمع بس مكسل يعمل بحث عن الحقيقة
وواحد
وواحد
وحتلاقي من دة كتير
اتمني اني اكون عرفت اوصل الي اقصدة لحضرتك
الكلام فيه مبالغة كبيرة من الناس
واحد معايا في الشغل ناوي يشتري العربية فبيسألني .... و بالصدفة واحد تاني كان واقف بالقرب مننا .
فالمهم لسة هافتح بقه و أقوله مميزاتها كذا ......
فقطعنا أخينا اللي عمره ما ركب جين 2 و لا حتى عنده معلومات عنها
و قاله و بزعيق ............... أوعى تجيب الجين 2 ......... بلاش منها ........... دي أي كلام ..... و التوكيل أي كلام .
فقلتله طيب ما تنورنا كدا و تقولنا ليه العربية أي كلام و توكيلها أي كلام ؟
قعد يقول العربية بتفكك من بعضها بعد سنة أو أثنين و قطع الغيار غالية موت (و داس على موت دي جامد قوي )
و بتمشي ترقص و مش ثابتة خالص
فانا ضحكت و قلتله ....... طيب سيادتك عرفت المعلومات دي منين ؟؟؟
قالي كل ملاكها بيقولوا كدا ............
طبعا هو ميعرفش أن أنا من ملاكها وواحد تاني زميلنا من ملاكها
زميلي عصبي شوية ............ اداله من المنقي خيار طبعا و صاحبنا الفتاي سابنا و مشي .
زميلنا بقى اللي كان بيسأل على العربية أصلا
قلتله أدخل على الموقع هنا و أقرأ و شوف الموضوع بنفسك و عندك مجموعة الفاس بوك (نادي الجين 2 ) و أقرأ من كل الناس ..من الناس المبسوطة و الناس المخنوقة
و في الآخر القرار لك أنت بس أهم حاجة تسمع من ملاك العربية مش من اللي سمع من صاجبه أو جرب العربية لغاية أول الشارع و الناس اللي تفقع المرارة دي .
(أخينا الفتاي ده أصلا عمره ما ركب عربية قبل كدا و أول عربية يشتريها هي اللوجان ) و ربنا هو الهادي
المهم أنه قال كمان أن اللوجان أثبت من الجين 2 و أنضف
حضرتك قولت المفيد عن اغلب الفتاييناقتباس:
المشاركة الأصلية كتبت بواسطة tutankhamoun
كل سنة وانت طيب
من غير مبالغه انا سوقت العربية مرة او مرتين ومرة فى الزحمة ومرة على طريق سريع العربية حكاية وصحبى طول النهار يقول انا الحمد لله انى اشتريت العربية دية مريحانى فى كل حاجة وقطع غيرها دلوقتى متوفرة فى كل حتة
انا نفسى بقالى اسبوعين قالب النت وبروح السوق بدور على واحد كويسة من 2006 الى 2009 بسعر يكون مناسسب وحالة ممتازة بس للاسف التجار عرفو طريقها وكتير قوى بيشترو ويرجعو يبيعوها بزيادة 5 او 10 الاف جنية
والله بجد مشكوورين جدا يارافعين معنوياتي
انشا الله حجيبها
بس ياريت اسعار اكتر في قطع الغيار
ودي توكيل ولا مركز صيانه عادي ؟؟
ربنا يوفقك وتلاقي حالة كويسة بس الاهم انك تكشف عليها في التوكيل كويس
ومش هقدر ازود حاجة على كلام الرجالة لانهم قالو المفيد مع اني مش معايا العربية بس كان نفسي اجيبها
الجهل وحش بعيد عنك
الناس بتقولك بلاش زى ما قالوا لى أنا كمان ....
عشان أحنا فى بلد الناس فبها بيعشقوا الكورى واليابانى ....
دة غير أن توكيل عز العرب فشل فى تسويق البروتون وتوفير قطع غيارها زى الهيونداى ....
يا جماعة موضوع التوكيل ده فيه مبالغة كبيرة قوي بجد (كلام بما يرضي الله )
هو التوكيل مش ممتاز و مفيش منه ........... و لكنه ليس بهذا بالسوء .
بالنسبة لقطع الغيار (كل قطع الغيار الأستهلاكية متوفرة داخل و خارج التوكيل و بأسعار متفاوتة )
هو بس الناس بتهول شوية
أولآ كل سنة وحضرتك طيب ياتوت باشا ....اقتباس:
المشاركة الأصلية كتبت بواسطة tutankhamoun
ثانيآ الناس اللى بتهول وبتزن دى الواحد مش عارف يروح منهم فين ....
للأسف أحنا عايشين وسطيهم ولازم نعمل اللى يرضيهم لأن الوقوف ضد التيار دة شىء صعب جدآ ....
. When in Rome , do as the Romans do
شعب غريب ينجحوا الكيا ويسقطوا البروتون شعب غريب فعلا
كل سنة و حضرتك طيب يا أستاذ جوستساقتباس:
المشاركة الأصلية كتبت بواسطة ghosts
أنا لي رأي مختلف على موضوع روما و أهل روما ده .
لو كل واحد عمل كدا
مكناش شوفنا تويوتا ..... و لا نيسان ....... و لا مازدا ...... و لا أي عربية ياباني و بالتبعية أي عربية كوري و لا ماليزي و لا حتى صيني .
كل حاجة بتأخد وقت لغاية ما تبقى منتشرة و تصبح من طباع أهل روما .
أكيد فاهمني
لأن مثلا في أواخر السبعينيات و أوائل الثمانينات ...... أهل روما كانوا بتوع فيات و بيجو بس
و لولا الناس اللي جربت الياباني و الكوري ...... مكنش بقى من طباع أهل روما .
زي الماليزي دلوقتي ...... لولا الناس اللي جربته مكنش حضرتك سمعت عنه .
و كلامي مش معناه أني أروح أرمي فلوسي في حاجة وحشة لمجرد أني أجربها
علشان كدا الناس بتفتح مواضيع و تسأل و تشوف تجربة غيرها عاملة أيه .
و كل سنة و حضرتك طيب و عيد سعيد عليك و على أسرتك و على كل أعضاء المنتدى و أعضاء قسم بروتون بوجه الخصوص
اقتباس:
المشاركة الأصلية كتبت بواسطة tjp
بس الكيا مش وحشة يا باشا ..... دي عربية ممتازة بصراحة
مش ها ضيف اكتر من اللي اتقال لكن ..........
نفس الكلام اللي كل الناس سمعته قبل ما يجيبوا العربية دي او الماركة دي عموما
لكن اللي يمتلكها او جاتله الفرصة يركبها او يجربها ها يقولك كلام مختلف تماما
مش عايز اقولك حاجة علشان اقنعك هاتكون شهادتي مجروحة لأني الحمد لله امتلكت الويرا والواجا والجين وجربتهم في مختلف ظروف التشغيل وكانوا بيثبتوا كفائة وبرشحها لكل اللي عايز يشتري خصوصا في المستعمل وفي من اصدقائي اللي اشتري لما جربها معايا
فأنا مغرم بيها جدا ( صيانات سهلة ومش معقدة ( زيها زي المتسوبيشي تماما)مش زي الفرنساوي مثلا - قطع غيار متوفرة وكل فترة في زيادة لمختلف الموديلات - اعطال قليلة - ارخص سعر في الفئة دي بكماليات عالية :tumb:
وانا في راي ان قريب الماركة دي هاتحط نفسها بعد الياباني وبالتحديد الميتسوبيشي لأنهم نفس الطعم
والتجار ابتدوا يعرفوها وجربوها وبيستغلوا سعرها لانه غير معروف للكل وقيمة اعلي من المبلغ
لكن مصر كسوق للسيارات من زمان بنرفض الحاجات الجديدة بدليل الياباني والكوري كنا رفضينهم تماما لحد فعلا مطلع التسعينات وبالتحديد بعد حرب الخليج لما المصريين نزلوا وكانوا مجربين الماركات دي بره ابتدوا يشتروها وابتديت الناس تتعرف عليها بعد ما كانوا بيبعدوا عنها بالسمعة وقطع الغيار
وكانت العربية في مصر يعني يا بيجو يا فيات
يا راجل دا العربيات الأتوماتيك كانت بتتباع بأقل من تمن المانيوال والناس بتبعد عنها تماما لا هوندا ولا غيره
لكن اللي بيقتنع بأختياره هواللي بيختار بعقله ويسأل ويجرب وما يعتمدش علي رأي الناس بس
الفتايين بيشجعوا و احنا معاهم :)
بصراحه انا متابعك من زمان و عارف حكايتك كلهااقتباس:
المشاركة الأصلية كتبت بواسطة ghosts
لو عز فاشل زي ما ناس كتير بتقول ليه معندوش ولا عربيه من غير حجز؟
وكيل عنده عربيه بتبيع نفسها عاوزينه يدفع تمن اعلانات ليه ؟؟؟
طيب ياجماعة انا عاوز اعرف سعر الجين 2 موديل 2007 او 2008 مثلا في حدود كام؟
مشكلتنا ان اي واحد يعد يقول ويفتي في اي معلومه ولما تقوله عرفت منين يقولك اصل كلهم بيقولوا كدا
نفسي اعرف ممين كلهم دول
اعتمد يعني تمام
قطع الغياار موجوده ومتوفره واي مركز صيانه يصلح ..
صح كده
اقتباس:
المشاركة الأصلية كتبت بواسطة rookapolo
قطع غيار متلاقيش
انا مستني لحد دلوقتي من اكتر من شهرين ونص ومحدش كلمني وانا اتصلت قالولي لسة
لو هتقدر تتعايش هاتها
اما لو على الاستيراد هتلاقي كتير في الحرفيين
انا قولت على التوكيل لانه بيبيع الاصلي جديد