بفكر اشترى سيارة فليشا وارجو ان حد يفيدنى فى مدى جودة السيارة من حيث الاعطال واستهلاكها للبنزين خاصة انى تحركى اليومى بها سيكون فى حدود 70كليو يوميا
عرض للطباعة
بفكر اشترى سيارة فليشا وارجو ان حد يفيدنى فى مدى جودة السيارة من حيث الاعطال واستهلاكها للبنزين خاصة انى تحركى اليومى بها سيكون فى حدود 70كليو يوميا
موديل كام يا باشا وموديل أية
سيارة ممتازة جدا
تأكد من تغيير ترموستات المروحة لدى التوكيل وهو رخيص.
مبروك مقدماًً
كان عندى فليشيا موديل 96 قبل كدة و بصراحة لا أنصح بها أبداً ... قطع غيار غالية عالفاضى و غير معمرة، عفشة كل شوية محتاجة تصليح ... موتورها غير مصمم للأجواء المصرية الحارة ... ميزتها الوحيدة ان صاجها فعلاً قوى جداً ... يعنى نقدر تقول عليها لادا بصورة عصرية ... من رأيى الأحسن تجيب بولو أو ابيزا.
بالظبط العربية دي فعلا لادا بصورة عصرية في واحد اعرفه معاه فيليشيا و مرة كان بيجرب ابيزا 94 بس كانت فلة حالة ممتازة معرفش يسوقها لان العربية كانت ناعمة جدااااا و رياضية شوية و عصاية الفتيس تحسها سبور كده انا معايا الابيزا 94 عربية ممتازة لو حبيت تجيبها و تسأل في اي حاجة انا موجو و احسن من الفليشيا 9000000000 مرة:)
بصراحة كان معايا فيلشيا موديل ١٩٩٥ و كانت زاي الفل و كنت بعمل بيها ١٠٠ - ١٥٠ كم في المتوسط يوميا و عمرها ما ضايقتني في حاجة رغم اني ما كنتش مهتم بالصيانة بتاعتها .....فحت و ردم يعني
إستهلاك البنزين كان عادي مقارنة ببقية السيارات اللي في فئتها .....
طبعا العربية قدمت دلوقت فيشترط الحالة الجيدة عند الشراء و أسأل عن قطع غيارها عشان ما تغلبكش .....ربنا يوفقك
اهلا بيك يا يوسف عضو جديد معانا و بالنسبه لموضوعك ده فياريت طبعا تشوف المبلغ اللي معاك ممكن يجيبلك ايه غيرها لكن لو مستقر عليها فهيا مش هتكسفك طول ما في ميكانيكي بيفهم شغالك فيها(و ده عندي و كاتب عنه دور هتلاقي عنوانه و تليفونه) و طبعا زي ما الاخ الفاضل قاللك شرط الحاله و يكشف عليها ميكانيكي كويس و تتفحص في بنزينه كمان و هي اعتماديتها عاليه جدا و قطع غيارها معمره جدا جدا غاليه شويه علي موديل قديم بس دي عربيه الماني مجمعه في التشيك و معظم قطع غيارها الماني , ويا جندي مجند مع اني جندي متنجد زيك كده (بس هخلص كمان اسبوعين ) بس اسمحلي اختلف معاك شويه, العفشه بتتصلح كتير و بتبوظ بسرعه؟!!!!!
كل اللي عملتو في العفشه كان اصلاح لغايه ما المساعدين الاربعه انتهو فقمت شاري اربعه مونرو جديد و شكرا علي كده غير اني بربطها مع تغيير الزيت كل 10000 كيلو مافيش مشاكل و علبه الدريكسيون هي دي المشكله !! كل سنه سنه و نص باروح اشحمها اغير جلب الخ الخ مع ظبت زوايا و اهتمام بضغط الاطارات و الدريكسيون بينعم لدرجه ملحوظه
استهلاك البنزين لما الموتور يتظبت و الكاربيراتير كمان حوالي 10 كيلو في اللتر 92 جوه البلد علي طرق السفر اقل من كده بكتير
الحراره و السخونه : فعلا ترموستات المروحه بتتغير للاقل و دي اي حد يغيرها مش محتاجه توكيل مع مراعاه شيل ترموستات الكوع( غالبا بتبقي مكسوره و سده الرادياتير) و استعمال ميه خضراء او الاحسن و الارخص علبه مياه مركزه صفيح امريكيه بتتزود علي الرادياتير و خلاص علي كده المؤشر مبيرفعش عن سبعين غير بملي اتنين مع العلم اني اشتريت رادياتير جديد من سنه كده لأن البهوات بتوع تركيب التكييف كانو حطين مسمار طويل شويه فخرمه مع الوقت و مرضيتش الحمه لأنه كان قديم و قولت ياللا اروقها
لاكن يا جماعه تقولو عليها لادا عصريه فده كلام مش مظبوط زي الاخ الكريم اللي عامل موضوع عنها علي مسؤليه سبعاوي و بيقول ال 128 احسن منها!!!!
د/ امير
شاكر جدا لردك الوافى واهتمامك بالامر
وياريت بيانات الميكانيكى اللى نوهت عنة لو امكن
ومع احترامي لكل الاعضاء اللي منورين الموضوع بردودهم يا ريت تعمل بحث عن كلمة سكودا فليشيا في المنتدي وهايطلعلك اجابت سؤالك
ولو مالقتش استفسر والاعضاء هايقولوك المفيد ان شاء الله