حسبى الله و نعم الوكيل

**mohkhattab** · 28-08-2011 10:18 AM

صباح الفل على احلى اعضاء لاحلى منتدى
مش عارف اقول ايه ؟ انا عارف ان مصيبتى هينة جدا بالنسبة لناس كتير شايفة الويل و مسروق منهم عربياتهم .
بس حبيت اففض مع اخواتى علشان انا فعلا مش مصدق اللى حصلى دا ، رغم ان سمعت عنه كتير.
قمت الصبح بجهز نفسى ،لاقيت البواب جالو صرع على الجرس ، بقالو مالك ؟ قالى الحق عربيتك
انا قلت فى نفسى العربية اتسرقت ، قلته مالها قالى الازاز اتكسر و البطارية اتسرقت ؟؟؟
نزلت لاقيت الازاز مكسور حتت و البطارية مسروقة ، الحمد لله انه مسرقتش الاستبن بالمرة و الكاسيت و شماسة نايل موتورز ( كنت هزعل عليها قوى ).
و المشكلة انى راكن العربية فى شارع رئيسى .
بجد الله يكون فى عون اللى بينزل و ملاقيش عربيته احساس غبى جدا .
معلش دوشتكوا معايا .و كل سنة و انتم طيبين

**prisoner** · 28-08-2011 10:28 AM

لا حول والا قوة الا بالله معلش قدر الله وماشاء فعل قضى اخف من قضى بس فعلا حاجة تحرق الدم ازاى فى شارع رئيسى ويحصل كده اللهم ارحمنا واستر علينا اللهم امين ربنا يعوض عليك بس ان شاء الله ازمة وتعدى

**mada_76** · 28-08-2011 10:34 AM

قدر الله وماشاء فعل
وربنا يعوض عليك خير من اللى راح ان شاء الله .
وياريت لو تجيب مع البطارية والزجاج جهاز انذار وتخليه على اقل حاجة العربية تزمر وتعمل هيصة . اهي على الاقل هاتخلي الحرامي يفكر كتييييييييير قبل مايحاول يسرق لانه بيبقى شايف اللمبة بتاعة الانذار بتنور .
وربنا يسترها علينا جميعا

**mahmoudselim** · 28-08-2011 11:01 AM

قدر الله وما شاء فعل
شوف اي جراش عندك في المنطقة حتي لو غالي شوية فا اكيدر ارخص من تمن بطارية وأزاز.

**mahmoudselim** · 28-08-2011 11:03 AM

ينفع يتعمل انذار بشكل ان لو حد حاول يكسر حاجة في العربية الكاسيت يشتغلي علي اعلي صوت
علي حاجة انا محددها مسبقا, وليكن قران مثلا. بتهيئلي لو ينفع اي حرامي يحاول يسرق هيتسرع من
صوت الكاسيت ويطلع يجري.

**GMakram** · 28-08-2011 11:17 AM

لسه من اسبوعين خالى برضه حصله نفس الموضوع,عربيته 128 نزل لقى العربيه مسروق بطريتها بس,طب ايه الحكمه فى سرقه البطريه بالذات مش فاهم؟

تحياتى

**Ashraf_Ibrahim** · 28-08-2011 11:57 AM

وقل الحمد لله
ما دام انت بخير اي حاجة في داهية
وبعدين الحمد لله ان عربيتك نفسها موجودة
دا فيه ناس بتصحى مبتلاقيش من عربياتها يغير اثر الكاوتش بس
قدرالله وما شاء فعل

**icehearted girl** · 28-08-2011 12:14 PM

الله يصبرك مش معني ان في ناس بتتسرق عربياتهم تبقي مصيبتك هينة

لا بردوا حاجة تقهر... انا فلشغل بركن فلشارع وببقي طالعة ببص عليها من بعيد ولو حسيت انها اتحركت حبة عن مكانها بحس قلبي اتقبض

وللاسف كمان فلبيت دلوقتي مفيش جراج