ظهور رائحة بنزين

**medo_fam** · 28-08-2011 11:21 AM

عربيتى لوجان 2011 عامله 8700 كيلو
فى الايام الاخيره اصبحت عند تشغيل العربيه الصبح اشم رائحة بنزين من الشكمان من خلف العربيه هل هذا طبيعى ام يستلزم استشارة الوكيل وشكرا

اللون الاحمر مخصص للمداخلات الادارية
برجاء مراجعة قواعد المنتدى منعا لتطبيق العقوبات
تم تعديل اللون بمعرفتي

مشرف رينو
ب2

**wassim_nasser** · 28-08-2011 06:11 PM

كانت بتحصل عندي لما الواد بتاع البنزينة بيفول العربية ع الاخر لحد مدخل التانك بس بعد كده بقيت انضف مدخل التانك بمنديل يشرب البنزين الزيادة واقفل التنك كويس والريحة راحت

**gamela** · 29-08-2011 04:29 AM

نفس الموضوع حصل معايا ورحت التوكيل قلت لهم العربية مع بداية التشغيل بيطلع منها ريحة رفعوها وشكوا يكون فى كيس لازق من تحت لما قلت ريحة بنزين قالوا ليا الموضوع ده طبيعى العربية مفيش فيها مشكلة
ولغاية دلوقتى الريحة مستمرة

**gazzar91** · 29-08-2011 04:38 AM

طبيعي جداً بالذات في الدوارة على البارد

و الله أعلم
في رعاية الله

**fahd_628** · 29-08-2011 04:52 AM

اعتقد دة طبيعى علشان العربية بتخلى ال Mixture بتاع البنزين Rich يعنى بيبقى فية بنزين كتيير مع الهواء علشان العربية تسخن بسرعة

و دة بيحصل اوتوماتيك فى العربيات الأنجيكشن و كان يدوى فى العربيات الكاربيراتير القديمة بيبقى فية حاجة تشدها كدة صوت الموتور يعلى بيسموها الهواء او الشفاط و اسمها بالأنجليزى Choke و دة بيخلى البنزين كتيير مع الهواء علشان تسخن العربية

اول ما العربية توصل لدرجة الحرارة الطبيعية المفروض الريحة تروح