سيارات المعاقين

**ramyayash** · 12-05-2008 09:54 PM

ملحوظه للاخ اسد بيجو
انت مش بتدور عالعربيه في المنطقه الحره
المنطقه الحره اخرها 1500 سي سي
انت بتدور علي مكاتب عندها مخازن لعربيات مستورده
او بتجيبك عربيه معينه حسب الطلب
والباسات 2005 بتخلص علي 100 الف جنيه تقريبا

**علاء فتح الله** · 12-05-2008 10:30 PM

سؤال ياجماعة :

لو عايز أنزل عربية من السعودية باسم معاق ، إيه المسموح بيه من حيث السعة اللترية والسعر . وكمان إيه الإجراءات بالظبط ؟

وجزاكم الله خيراً
____________

**tears** · 12-05-2008 10:42 PM

علاء باشا لازم تكون 1600 وخد بالك من السعر الى الدوله محددها فى سعر العربيات الاستيراد علشان فى حد معين للسعر المفروض يكون فى ورق الشراء انا صاحبى كان جايب bmw 92ب 1500 يورو الدوله هنا فى مصر دفعته 800 يورو اجبارى

**ramyayash** · 12-05-2008 10:47 PM

بالنسبه لحدود السعر جميع الفئات مسموح بيها بس طبعا ضريبه المبيعات بتزيد

**ASD peugeot** · 13-05-2008 01:22 AM

المشاركة الأصلية كتبت بواسطة ramyayash

5/ جميع انواع فك الحظرقيمتها ثابته وهي 9600 جنيه فلا تسمع بعض النصابين واا ثبت حسن النيه لدي مصلحه الجمارك فانه خلال شهرين عالاكثر تسترد قيمه 4000 جنيه

انا مش فاهم يعني انت لما بتدفع 9600 بيرجع ليك اساسي 4000 ارجوك وضح النقطه دي
و علي فكره بجد انا بفكر اشتري عربيه معاقين لان جارنا جابها عن طريق ناس جارنا هما 3 اخوات بنتين وولد وجاب عن طريق البنت الكبيره وممكن اني اجين عن الولد مثلا وهما ناس كويسين بس حالتهم تعبانه اوي
و انا نفسي لو هجيب عربيه عن الطريق ده تكون حاجه كويسه جدا ماركه اوروبي او ياباني فئه كويسه
زي بيجو 307 او مازدا 3 او باسات حد يطول يعني حضرتك بس تتأكد من موضوع موديل العربيه لازم يقل سنه واحده ولاا 5 سنين..
وبعدين ايه مقدار التوفير في الفلوس في عربيات المعاقين اللي انا عاوز اجيبها زي بيجو 307 مثلا عن السوق المصري
و فعلا كلامك صح النوبيرا سعرها عالي بس حالتها كويسه
و منتظر ردك و لك كل الشكر

**Xpert** · 13-05-2008 04:40 PM

المشاركة الأصلية كتبت بواسطة ramyayash

بالنسبه لحدود السعر جميع الفئات مسموح بيها بس طبعا ضريبه المبيعات بتزيد

سؤال للاخ رامي بما ان شكلك دايس في الموضوع ده جامد ...
ساي مثلاً ان انا هاجيب عربيه من بره .. و العربيه دي عاوز ادخلها معاقين ... العربيه هاتيجي من بره مش متجهزه و هاتتشحن علي مصر عادي علي اساس انها تتجهز في الميناء ... حلو ...
ساي مثلاً ان العربيه دي ميني كوبر الشكل القديم موديل 1999 او 2000 (اه الشطل القديم مش المكعبر الجديد ده) ... و سعر العربيه بره حوالي 3500 يورو ... ايه النظام و هاتدفع قد ايه ؟
المسكله كمان انها هاتبقي مانوال .. هل فيه اي طريقه تدخل بيها ؟
ثانك يو

**ramyayash** · 14-05-2008 05:19 AM

مرحبا بالجميع
الاخ اسد بيجو
لما بتفك الحظر وتعمل مصالحه مع الضرائب
بتعمل طلب
تقول فيه انك عندك ظروف واظريت تفك الحظر عشان تبيع وكده
طلب له صيغه معينه
لو اتوافق عليه
اسبوعين وتستلم شيك استرداد 4000 جنيه
لما المصلحه الجمارك تتاكد من حسن نيه المستخدم

موضوع سنه العربيه صدقني ان شاء الله اول ما افضي هسالك الراجل
لان عربيتي اتخبطت خبطه وحشه وقاعد اهو اصلح في عربيتي وعربيه اللي اتخبط
اخويا الصغير يا سيدي لبسني في 10000 جنيه واكتر

فرق السعر تعرفه بعد ما المكتب يقولك السعر النهائي
تقارنه بالسوق المصري
توضييييييييح هام
السياره بتيجي من بره بسعرها الطبيعي تماما
اللي بيحصل ان الدوله طلعت اعفاء جمركي 20 الف جنيه للمعاق و45 الف جنيه للمعاق عمليات حربيه
وشويه تخفيضات في ضريبه المبيعات والكلام ده
المهم
مثال توضيحي
عربيه جبتها من المانيا ب2000 دولار
الخبير الكثمن في مصر قالك الجمرك 100 الف جنيه
هتاخد خصم 20
يبقي الجمرك بقي 80
مثال اخر
عربيه ب2000 دولار
جمركها الاساسي 15000 جنيه
تدفع منهم ضريبه مبيعات ورسوم تنميه وشويه حاجات في حدود 7 الاف جنيه وبس
مثال اااخر
روحت ايطاليا وكسبت عربيه في مسابقه
مصر بقي ما تدفعكش فلوس لان العربيه وقفت عليك بصفر جنيه؟
ببلاش يعني؟
لا
المتحكم في الجمرك الخبير المثمن
ونوع المعاق : مدني او حربي

التجهيز للمعاق ده بيكون له مكاتب تجهيز
والاجهزه دي انواع
اما مكاتب التخليص في بورسعيد
بياجرلك الجهاز لغايه ما العربيه تتفحص وكده والمعاق يختبر بيها وياخدها تاني والمعاق بيروح بيته لانك بتنقل العربيه باسمك
اتمني اون وصلت المعلومه