انا معجب جدا بالتريوس
وناوي اشتري ان شاء الله... أول الشهر ...
بس بصراحه... من جوا مش عاجباني اوي..
عاديه جدا...
والتابلوه بتاعها عادي خالص...
والكراسي ناشفه كده...
رأيكم ايه فيها من جوه؟
عرض للطباعة
انا معجب جدا بالتريوس
وناوي اشتري ان شاء الله... أول الشهر ...
بس بصراحه... من جوا مش عاجباني اوي..
عاديه جدا...
والتابلوه بتاعها عادي خالص...
والكراسي ناشفه كده...
رأيكم ايه فيها من جوه؟
Same point of view about the Tabloo, i feel it's normal.
but i like this car.
فعلا التابلوه من جوه مش عاجبني .. خصوصا الدركسيون شكلو تقريبا وحش .. لو فيه يا جماعه مكان الواحد يغير فيه الدركسيون قولونا عليه خصوصا اني طالب اللي هيا من غير ايرباج واي بي اس اللي تمنها 133 الف
لكن بالنسبة للفرش شكلو في نظري احلى من السيفيك اللي كانت عندي
وممكن تعمل بقى لو معاك فلوس فرش جلد طبيعي كاااامل شامل الكراسي والابواب والسقف والارضية وحتبقى 100%
لكن التابلوه والدركسيون في انتظار رأي خبرائنا الكرااااام ..
فعلاً انت كدة حطيت ايدك على الجرح
التريوس من جوة ..اقل ما يقال عنها انها قبيحة
وماظنش ابداً ان دايهاتسو هاتطول فى الموديل دة بنفس التصميم الداخلى دة بعد كدة
العالم كلة بينتقد التصميم دة ...وماحدش يقول بسيط و سهل و الكلام دة احنا فى فى نص 2008 !
للآسف دة العيب الوحيد اللى فى التريوس لو قدرت تتغاضى عنة تبقى عربية ممتازة جداَ أداءاً وسعراً و توكيل
هو انا مشكلتي فعلا
اني مش قادر ابلعها من جوه
والمشكله اني باقارن بينها وبين النيسان تيدا..
والتيدا من جوا تحفه تحفه تحفه(الهاتشباك)
بس عايزه استخدام محترم ...
انما التيريوس
شديده وتستحمل الهرس الشبابي وشوارع مصر..
محتار بين الاتنين
ماهو الصراحه
لما تبص على التابلوه
لون العداد ابيض عادي خالص كده عامل زي عربيات التمنينات
وكلها اسود في اسود
وحته معدن في النص كده ..
حتى شكل الكاسيت بتاعها... دمه تقيل
بس غير كده
عاجباني من بره طحن
وعاجبني حجمها
وعلوها
ومتانتها
بس التيدا من جوه نااار...........ز تحفه
For sure go for terios . I don't think its interior is that bad ! My sister has a red one and i liked it alot ..
انا فعلا مبيعجبنيش شكلها من جوه
لكن ده راجع ليك, يعنى فى ناس يتحب العربية جدا, و بتتغاضى عن الموضوع ده
لكن بما انك واقع فى حب التيدا اكتر, فصعب تبلع التريوس
التيدا على فكرة جميلة جدا, و عالية عن الارض. اينعم مش علو التريوس, لكن علو حلو, غير ثبات جميل و امكنايات حلوة اوى
انا قربت اتتجنن
هههههههههههههههههه
يبقي تستخير بأة و ربنا يكتبلك اللى فيه الخير :)
عزيزي
انا من ملاك التيريوس الخليجي حاليا
وصورتها بنفس اللون جنب اسمي
شوف صعب انك تقارن صالون مع جيب!!!
بالنسبة لي تجهيزاتها من جوة كويسة جدا
والتبلوة بتاعها برضة فية كل الأساسيات والأوبشنز
طبعا" حسب الموديل اللي انت بتشترية
بس في ملاحظة هامة جدا"
اذا كنت من اللي بيحبوا السرعة و(الحرق)
يعني السواقة الشبابي ، فلا أنصحك بها
لأنها لن تجاري الصالون في ذلك لأنها جيب
اساسا وجر ودفع علي 4 عجلات دائم
بس بالنسبة لي انا فهي السيارة المنطقية جدا
من حيث الآتي:
1- ياباني 100% وبأشراف تويوتا نفسها
(عندي قطع كتير في السيارة مكتوب عليها تويوتا)
2- جيب وليس صالون
3- 1500 سي سي (ضرايب + تراخيص + بنزين)
4- سيارة عالية وبتنط من فوق الأرصفة والطرقات العجيبة بسلاسة
5- شكل خارجي جميل جدا
6- العجيب بها انك عل 120 كم تحس انك مشي 80 بشهادة اكثر من شخص
7- مساحات تخزين متعددة منها مخفي (بجد مخفي جدا - للأشياء الثمينة)
8- كرسي السائق مريح جدا ولة عدة أوضاع للراحة
مالايعجبني فيها:
1- صوت الموتور عالي شوية (بينعم بعد كام الف)
2- عدد لفات موتور عالي (100 كم = 3000 لفة دقيقة)
3- مع التكييف بتبقي مكتومة شوية)
4- لايوجد مكان لعلبة كلينكس!!! رغم وجود مساحات متعددة
وربنا يوفقك في الأختيار
اسف للتكرار ،ولكني تعديت 6 دقائق في أعادة التحرير
http://www.postimage.org/Pq12tO1S.jpg
عزيزي
انا من ملاك التيريوس الخليجي حاليا
وصورتها بنفس اللون جنب اسمي
شوف صعب انك تقارن صالون مع جيب!!!
بالنسبة لي تجهيزاتها من جوة كويسة جدا
والتبلوة بتاعها برضة فية كل الأساسيات والأوبشنز
طبعا" حسب الموديل اللي انت بتشترية
بس في ملاحظة هامة جدا"
اذا كنت من اللي بيحبوا السرعة و(الحرق)
يعني السواقة الشبابي ، فلا أنصحك بها
لأنها لن تجاري الصالون في ذلك لأنها جيب
اساسا وجر ودفع علي 4 عجلات دائم
بس بالنسبة لي انا فهي السيارة المنطقية جدا
من حيث الآتي:
1- ياباني 100% وبأشراف تويوتا نفسها
(عندي قطع كتير في السيارة مكتوب عليها تويوتا)
2- جيب وليس صالون
3- 1500 سي سي (ضرايب + تراخيص + بنزين)
4- سيارة عالية وبتنط من فوق الأرصفة والطرقات العجيبة بسلاسة
5- شكل خارجي جميل جدا
6- العجيب بها انك عل 120 كم تحس انك مشي 80 بشهادة اكثر من شخص
7- مساحات تخزين متعددة منها مخفي (بجد مخفي جدا - للأشياء الثمينة)
8- كرسي السائق مريح جدا ولة عدة أوضاع للراحة
9- سي دي وليس كاسيت (رغم اني افضل الكاسيت)
الراديو من نوع Rds وهو يظهر معلومات من المحطة المرسلة
مثل أسم المحطة ، اسم اغنية ، أخبار معينة
10- بها وظيفة بيانات متعددة الرحلات وحساب أستهلاك البنزين ودرجة الحرارة الخارجية
11- عالية وانت جالس داخلها تري الطريق بصورة واضحة وعلي بعد
مالايعجبني فيها:
1- صوت الموتور عالي شوية (بينعم بعد كام الف)
2- عدد لفات موتور عالي (100 كم = 3000 لفة دقيقة)
3- مع التكييف بتبقي مكتومة شوية)
4- لايوجد مكان لعلبة كلينكس!!! رغم وجود مساحات متعددة
5- لايوجد مؤشر للحرارة ، ضوء فقط
6- لايوجد ولاعات سجائر (انا لاأدخن!!) ولكن هناك 2 مخرج أمامي وبالخلف
وربنا يوفقك في الأختيار
خير
ربنا يسهل
ok MR BOTY
انت الى حد ما طمنتني وريحتني
بما انك من ملاك العربيه
يعني اكتر واحد ممكن تفيدني
معلش هاتقل عليك شويه واستفسر منك عن:
انا ناوي اجيب العربيه اللي هي دفع ثنائي مش رباعي
ايه رأيك فيها؟؟
وحضرتك بتقول:
( سيارة عالية وبتنط من فوق الأرصفة والطرقات العجيبة بسلاسة)
هل ده يفرق في العربيه الدفع الثنائي؟؟
وسؤال هل السياره ناشفه في سواقتها؟؟
هل تحس بالمطبات والهزات اللي في الشارع بسهوله وتخليك غير مستريح في السواقه؟؟
هل التكيف بتاعها ضعيف ام متوسط ام قوي؟؟
ايه رأيك في مستوى الرفاهيه اللي في العربيه؟ ممكن تقييم العربيه من حيث الرفاهيه؟
عزيزي
علي فكرة انا عندي الأوتوماتيك وليس الجير العادي
- بالعكس الدفع الثنائي نظريا حايكون اخف علي الموتور
- لن تؤثر كثيرا طلوع المطبات ، انما بيأثر طبعا مع الرمل والغرز
- ليست ناشفة ابدا ، بالعكس كويسة جدا ومريحة
- التكييف مش ضعيف كويس جدا" - طبعا هنا بالكويت الحرارة فلة
لكن هناك حاجة مش عاجباني وهي ان الكمبريسور بيصل
اوتوماتيك (ليس لوجود عيوب) ولك بعد ان يبرد يبدأ في الفصل
علي مدد زمنية ، ودة مش مشكلة ، ولكن التحميل علي الموتور عند
اعادة التشغيل بعد الفصل بيبقي محسوس شوية علي السرعات العالية
- الرفاهية طبعا اقل من الصالون - مقارنة بسيارة ابنتي الأوبترا 2006
الخليجي برضة ، بس انت ممكن تروش نفسك لو حبيت بأضافات كدة واحدة واحدة
زي ما أنا عملت
- زودت كاميرا لاسلكي فوق النمرة الخلفبة وشاشة داخلية (طبعا في الجيب صعب تشوف وراك)
- انذار مع ريموت وغلق ابواب (لاتنزل عندنا بالكويت بريموت ،مانع سرقة فقط)
- اشتريت من بريطانيا دلايات خلف العجل الخلفي للحماية من طين الطريق
أصلي نفس لون العربية
- قطعة لاسلكي علي الأف ام مع التليفون سوني اريكسون لسماع الأغاني Mp3
علي الراديو مع أظهار اسم الأغنية علي شاشة الراديو وكمان اسم المتصل اذا جاء
أتصال وانت بتسمع الأغاني
- ركبت مشمع شفاف سميك علي كامل الشنطة الخلفية للحماية
- ركبت شبكة مطاطية للشنطة الخلفية لتثبيت اي أكياس مشتريات
وفية معاا هنا الأخ ابو عبد الله عندة فكرة كويسة جدا عن التيريوس لأنة من ملاكها
يا ترى ممكن الاخ عبدالله يقول لنا ازاي ممكن ندلع العربيه اكتر
وجزاكم الله خيرا
يا مستر بوتي
انت فعلا بترفع من روحب المعنويه تجاه التريوس
أولا احب ان اوضح شئ الا وهو اني للأسف ليس لدي تيريوس ولكن لدي سيريون فقط
ولكن اريد ان استفسر عن بعض الاشياء مما ذكرتها انت
ايه نوع القطعه وما طبيعة عملها بالظبط وسعرها ومن اين اشتريتها ولو ممكن صوره لها كماناقتباس:
- قطعة لاسلكي علي الأف ام مع التليفون سوني اريكسون لسماع الأغاني Mp3
علي الراديو مع أظهار اسم الأغنية علي شاشة الراديو وكمان اسم المتصل اذا جاء
أتصال وانت بتسمع الأغاني
وشكرا لك
اما اخي الساءل عن التيريوس وكيف تدلعها
هأنا مش هقدر افيدك في المضوضوع وانتظر ان شاء الله احد الأعضاء يقدر يفيدك
ولكن العربيه مش محتاجه غير الديفندرات بتاعتها وهيا بتبقى مدلعه جاهزة يعني
انا مش عارف انت مقلق من ايه
العربيه جيده ولها اسم عالمي
وعلى شاسيه الراف 4 لتويوتا
وتنتج في بعض البلدان باسم تويوتا فعلا
وانا شايف ان العربيه كويسه
ولكن لامر يرجع لك
لو انت عاجباك توكل على الله لو مش مرتاح يبقى اصرف نظر علشان مترجعشي تتلكك للعربيه لأنك هتبقى شاريها وانت مش مرتاح
وشكرا
والله يا ابو عبدالله هي عاجباني جدا
بس من جوه حاسس انها اقل من اي عربيه تانيه
هي دي مشكلتي مش اكتر
عموما انا لسه في مرحلة التفكير
وربنا يسهل
انا بس منتظر لاخر الشهر ثم هاخد القرار ان شاء الله
العربيه لا تقارن بسيدان
لو انت عاوز جيب يبقى هيا
اما لو انت عاوز سيدان يبقى مش هيا
لأنها لا تقارن بالسيدان
ولكن هيا عربيه محترمه وفلوسها فيها
و الله انا رأيي ان في الحالتين مش هتندم .. الاتنين عربيات جامدة
و الإختيار يرجع للحاجات اللي انت محتاجها في العربية ..
اعمل مفاضلة بين احتياجاتك و مواصفات كل عربية و اتكل علي الله
اي واحدة فيهم زي الفل
احكيلك تجربتي على السريع
كان عندي سيفيك الجديده وهيا عربيه حلوه بكل المقاييس وبعتهاعشان التيريوس ومش مالي عيني أي عربيه سيدان لأن مصر مالهاش الا الجيب خصوصا لو انت عايش في القاهره مش في الشيخ زايد او القطاميه مثلا يعني بتتعرض لمشاوير وسط البلد وشوارع مصر المبهدله يبقى ما ينفعاكش الا الجيب
تعرف انها احسن من الشيروكي من وجهة نظري لعدة اسباب من ضمنها حجمها الكومباكت وموتروها المناسب اما حتت الشكل الداخلي فزي ما قلتلك وقال اخواننا انت ممكن تعمل جواها اللي يخلليها احلى من أي سيداااان وممكن تعمل بقى لو معاك فلوس فرش جلد طبيعي كاااامل شامل الكراسي والابواب والسقف والارضية وحتبقى 100%
ما انصحكش باي سيدان انا كان قدامي والله الفيكترا الجديده والكورولا والباسات وصممت على تيريوس عشان عاليه ومريحه في المطبات ودي تفرق معايا اوي ( اصل السيفيك قطمت وسطي من اكلها للمطباااات )
واستخير ربنا لسه قدااامك اسبوعين .. والاحسن لو تجرب تستلفها من واحد صاحبك او حتى تأجرها وتعيش التجربة على الواااقع
الله يوفقك وايانا ,,
عزيزي ابو عبدالله
القطعة موجودة في امازون انجلترا
http://www.amazon.co.uk/exec/obidos/ASIN/B000UTMOF0
ثمنها حوالي 16 باوند 200 جنية مع الشحن
ودي صورتها
http://ecx.images-amazon.com/images/...cL._SS500_.jpg
واعتقد بتركب علي معظم تليفونات السوني وكمان الووكمان
http://www.sonyericsson.com/cws/corp...eatures/mmr-60
انا سمعت ان الديفيندرات اللي بتتركب دي مخالفه للقانون وممكن بسببها تتسحب الرخصه
صحيح الكلام ده؟
طيب
بالنسبه للجنوط
حد عنده فكره اسعارها عامله ازاي؟؟
لان الموديل اللي هو دفع ثنائي بينزل من غير جنوط
حد يعرف نوع معين او حاجه كويسه ورخيصه؟
ياجماعه فيه سؤال سألته كذا مرة بخصوص التريوس 7 راكب في كذا موضوع ومش لاقي رد
بيقولوا الـ 7 راكب موجودة في المعارض بس مش في التوكيل وتمنها 145 ألف .. هل لو اشتريتها من المعرض بيكون عليها ضمان برضه ولا إيه نظامها؟
ياريت حد يجاوبني
وجزاكم الله خيراً
__________
http://www.postimage.org/Pq16eGCA.jpg
يا استاذ علاء
اللي جاي من الخارج مش هيبقى لها ضمان
ولكن هناك شئ لا اعرف الوكيل عنا بيعمل فيه ايه
ان لو العربيه جايه من السعوديه بيبقى بضمان عبداللطيف الجميل هناك لأنه هو وكيلها في السعودية
فمش عارف هنا بيعملوا فيها ايه
أظن انهم ممكن يصينوها لأنه هو نفسه الضامن هنا او هناك
الله ينور عليك يابو عبد الله
نفس التفكير اللي كنت بافكره بالظبط!!
أنا أصلاً في السعودية وكنت ناوي أشتري من هنا وانزلها مصر بس لما لقيت السعر حيكون زي بعضه قلت اجيب من مصر أريح ، بس موضوع الضمان ده هو اللي حيفرق معايا .
بس طالما مفيش ضمان يبقى أسال هنا في عبد اللطيف جميل هل الضمان ممتد كمان لمصر ولا لأ
جزاكم الله خيراً
^^^^^^^^^^^^^^^^
http://www.postimage.org/aV2Dzol0.jpg
أحب أضيف تساؤل فى نفس موضوع الجنوط:
هل لازم تغير اطارات التيريوس ؟ ال 2wd
يعنى هل الجنوط أفضل من الاطارات الاصليه للسيارة ؟ اعتقد ان صانعى السيارة متأكدين من جودة و تناسب و ثبات الاطارات العادية ليها ؟!!
و هل لما تغيرها فى التوكيل و انت بتستلم العربية بيوفر معاك فلوس لو استلمتها بالاطارات اللى جاية معاها و بعدين تغير بعد كده بمده ؟
أصل الموضوع ده محيرنى و باشوف ناس ماشية بيها من غير تغير جنوط فحبيت اسأل مالكيها...
اصل هم بينزلوا ال عربيه الدفع الثنائي من غير جنوط
السلام عليكم ورحمه الله وبركاته .
ومع احترامى لردود الكل التريوس مش اختيار جيد وعن تجربه !!
العربيه معايا من اغسطس 2007 وباختصار شديد
المميزات: الرحابه الداخليه ,abs,شنطه واسعه جدا لانها تعتبر Suv , عاليه عن الارض وطبعا شكل خارجى تحفه .كمبيوتر الرحلات.
العيوب :
اولا الماتور ضعيف جدا جدا وصوته مع التكييف بيبين العيب ده ,صحيح التسارع جيد خصوصا [gear2,3]وبعد 3500لفه العربيه بتفتح لكن بعد كده العربيه كبيرها 140كم/ساعه .(للعلم العربيه عدادها 180 بس)
ثانيا الثبات والله ربنا يستر!!!!!
ثالثا الخامات الداخليه معدومه الجوده . ومايسويش الثمن اللى ادفع فيها.
حياك الله اخي ميميس بس اسمحلي اخالفك في بعض النقااااط والاختلاف في الرأي لا يفسد للود قضية :)
اولا الماتور ضعيف جدا جدا وصوته مع التكييف بيبين العيب ده
الموتور قوته معقوله جدا خصوصا لو بتستعمل بنزين 95 ..
صحيح التسارع جيد خصوصا [gear2,3]وبعد 3500لفه العربيه بتفتح لكن بعد كده العربيه كبيرها 140كم/ساعه .(للعلم العربيه عدادها 180 بس)
ثانيا الثبات والله ربنا يستر!!!!!
التسارع اكثر من جيد خصوصا اني شديت امس مع الانترا الجديده وسبقتها على طريق صلاح سالم .. وبالنسبه للثبات هي بتوحي انها مش ثابته لكن للي عارفين طريق صلاح سالم وانت جاي من حديقة الازهر وطاله على القلعه والسيدة عائشة والله وانا بسابق امبارح الالانترا خدت الملف ده على سرعة 110 تقريبا وثباتها جيد جدا .. اما بالنسبه ان كبيرها 140 فدي نقطه بالنسبه لي مش مهمه ويمكن بالنسبه لغيري مهمه جدااا خصوصا الشباب لكن انا عجوز :)
ثالثا الخامات الداخليه معدومه الجوده . ومايسويش الثمن اللى ادفع فيها
دي بصراحه فيها مبالغه .. خصوصا اني بقارن الفرش بالسيفيك وفرشها عاجبني عن السيفيك لكن اقول ان دي ازواااق .. عموما محلوله ممكن تفرش جلد طبيعي يعني ليها حل
اجمالا احب اقول ان مميزات تيريوس فعلا عاليه وبتلفت النظر وانا سايقها .. وللعلم فيه عيوب انا كمان حقولها
1- مافيش كونسول في المنتصف وده كان مهم ليا في السيفيك بسند جسمي عليه وبحط فيه السيديز بتاعتي
الدركسيون شكله مش حلو .. الاشارت يمين وشمال مابترجعش لمكانها بسرعه بعد ما تلف .. صزت الموتور عالي حبتين بس مش لدرجة انه يزعجك ..
شكرا لردك وزوقك يا AsdAsdAsd:3gears:
وبحييك على رأيك واللى واضح منه انك مقتنع جدا بالتريوس ربنا يرزقك خيرها ويبعد عنك شرها :018:.
وسعيد بمعرفتك بس عندى لك رأى , التريوس مش محطوطه فى مقارنه صح لان مفيش suv صغير فى مصر غيرها تعرف عربيه اسمها سوزوكى sx4 وكمان فى CROSSFOX كل ده احسن منها بكتييييير .
لولا اختلاف الازواق لبارت السلع
حي الله كل الاخوان الكرام وانا معاااكم :)
كنت عاوز ازود ملحوظة على تيريوس والله يا شباب انا راجعت نفسي اكثر من مره يمكن انا فرحان بيها وخلاص .. بس فعلا كاسيت وسماعات تيريوس الفابريكه انضف واجود من سيفيك ومحدش يتهمني بالتحيز .. مش من طبعي خااالص ..
كمان الجنوط السبور و الفوج لايت كماليات مش موجوده في سيفيك :)
و فعلا زي ماقال اخويا البرنس .. لولا اختلاف الاذواق لبارت السلع ..