::: إنتى فين يا جيهــــــــــــــــــــــ ـان ؟؟؟؟؟!!!! :::
رحت النهاردة مصلحة حكومية اخلص ورق ليا
دى ثانى مرة اروح لهم
قالولى ورقك عند جيهان
سألت عن مكتب جيهان
قالولى ماجتش النهاردة
طيب و العمل ؟؟؟؟
معلش اصل هى اللى معاها المفاتيح
طيب ح تيجى امتى ؟؟؟؟
غالبا ما دام ما جتش النهاردة يبقى مش ح تيجى كمان بكرة
يبقى بعد العيد و عليك خير !!!!
و كل سنة و انت طيب يا باش مهندس
طبعا الواحد كان صايم و كل اللى فى المكتب حريم
و انا بعرفش اتعامل مع الستات الموظفات دول
خاصة انى بطبعى هادى و صبور
قمت خدت بعضى و مروح
و قلت معلش اجيلها بعد العيد و امرى لله
حسبى الله و نعم الوكيل فى البيروقراطية اللى ورانا ورانا
إحنا مش ح نخلص بقى من ( فوت علينا بكرة ) دى ؟؟؟؟!!!!