اخيرا والحمد لله-تركيب فوجات (ليدات) نيو اكسنت

**Ayman-Ahmed** · 28-08-2011 11:19 PM

السلام عليكم ورحمة الله وبركاته

اخباركوا ايه شباب نايل موتورز.اتمنى الجميع يكون بخير بامر الله.

كنت من فترة بحاول اركب فوانيس شبورة للنيو اكسنت ولخوفى من التوكيل واللعب فى الضفيرة ولغلو اسعار الفوجات والمفتاح والتركيب فكنت ماجلها.لحد ما ربنا كرمنى وقريت موضوع عمله اخ فاضل فى قسم الكيا عن تركيب ليدات زى المرسيدس والسكودا الجديدة.

وقد كان نزلت التوفيقية اشتريت الفوجات وروحت للكهربائى وركبتهم الحمد لله.

التفاصيل والاسعار :

سعر الفوجات 125 على شكل حرف L وفيه منهم مسطرة ب 110 ومصنعيه الكهربائى 45 جنيه

- كان اودامى اختيارين : اركبهم مع النور الواطى على الدراع او اشترى مفتاح لنور الفوجات من التوكيل او مركز معتمد وسعره 105 جنيه

-بعت ايميل للشركة فى الصين وسالتهم عن افضل طريقة لتركيب فوجاتهم وهل محتاجين كتاوت ولا توصليتهم بالسلوك اللى معاهم كافية والرد كان بسلوكها زى ما هى لان تحميلها مش عالى وبتستهلك 11-12 فولت وده برده مكتوب على العلبة.

-رحت على الكهربائى وخرملى فى الفيبرة السودا فى الاكصدام بشنيور مكان للمسمارين اللى فى كل فوج وركبهم وبعد كدة ربطهم بالصامولة اللى جايه معاهم.

-وصلهملى من البطارية علطول على مفتاح الشبورة من غير لعب فى الضفيرة مع انه قاللى ملهاش لازمة المفتاح وتكلفة على الفاضى وسحبهم قليل وعلى التور الصغير مش هتعمل مشاكل بامر الله.

وديه كانت النتيجة :

الملاحظات :

ان نورهم فى شارع ضلمة كويسين وبينوروا تقريبا متر لمتر ونص اودامى ولكن فى الاول والاخر هما منظر اكتر منهم اضاءة اعتمادية.ولو كان الكهربائى قربهم من بعض شوية كنت هشوف بيهم احسن لانهم كدة فارشين على جنب الطريق.

واى استفسار انا تحت امركوا والله الموفق.

**ASKAFRAWY** · 29-08-2011 12:44 AM

الف مبروك انا نفسي برضه اعمل الموضوع دة
طيب بعد التركيب ايه اخبار التوكيل والضمان والفيلم الهندى دة
وهل لو حابب انى اركب فوجات زينون هيكون نورهم افضل لانى محتاج اضاءة اكتر منهم شكل وخصوصا جوة البلد

**ahmad--ezzat** · 29-08-2011 04:27 AM

المصنعيه عاليه جدااااااااااااااااااااااا اااااااااااا
انا ركبت زينون كاممممممممل ب 20 جنيه

**MOUSTAFA_SAAD** · 29-08-2011 04:43 AM

الف مبروك بفكر فيهم فعلا

**Ayman-Ahmed** · 29-08-2011 12:17 PM

المشاركة الأصلية كتبت بواسطة askafrawy

الف مبروك انا نفسي برضه اعمل الموضوع دة
طيب بعد التركيب ايه اخبار التوكيل والضمان والفيلم الهندى دة
وهل لو حابب انى اركب فوجات زينون هيكون نورهم افضل لانى محتاج اضاءة اكتر منهم شكل وخصوصا جوة البلد

الله يخليك.
اكيد الزينون هيبقى اقوى واحسن بكتير.والتوكيل لا يخصه اى شئ مركبه فى العربية طالما مش مأثر على حاجة.

المشاركة الأصلية كتبت بواسطة hossam99

مبروك عليك أستاذ أيمن
و شكلهم حلو
لكن مفيش منهم نور عادي أحمر
و هل فيه منهم مدور
و منين من التوفيقيه
و شكرا لحضرتك

الله يخليك استاذ حسام.انا شفت منهم المدور راكب على عربيات ولكن مشفتش فى التوفيقية.والمحل هو بدر الدين فى مول التوفيقية-الدور التانى.

المشاركة الأصلية كتبت بواسطة ahmed_nubira

المصنعيه عاليه جدااااااااااااااااااااااا اااااااااااا
انا ركبت زينون كاممممممممل ب 20 جنيه

ياريتنى كنت سالت قبل ما اروح اركب.يلا الحمد لله.

المشاركة الأصلية كتبت بواسطة moustafa_saad

الف مبروك بفكر فيهم فعلا

بس زى ما قلت هما شكل اكتر منهم اضاءة اعتمادية الا اذا كان الشارع ضلمة او لو هتقربهم من بعض اكتر على الفيبرة.

**ASKAFRAWY** · 29-08-2011 12:28 PM

المشاركة الأصلية كتبت بواسطة ayman-ahmed

الله يخليك.
اكيد الزينون هيبقى اقوى واحسن بكتير.والتوكيل لا يخصه اى شئ مركبه فى العربية طالما مش مأثر على حاجة.

يعنى لو جيبت الفوجات بمقتاحها وضفيرتها وركبتها التوكيل مش هيقرفنى لانى فعلا محتاج اركب فوجات زينون وخصوصا انها بتفرق جدا فى المطبات على الطريق لان حتى النور اعالى مابيكشفش المطبات الصناعية مافيش عند حضرتك فكرة بخصوص الاسعار لو هجيب فوجات زينون

**ASKAFRAWY** · 29-08-2011 12:44 PM

المشاركة الأصلية كتبت بواسطة ayman-ahmed

وديه احسن طريقة لتجنب اللعب فى الضفيرة الاصلية.ولما سالت فى التوكيل على تركيب الفوجات قالولى اهم حاجة استنضف النوع وبلاش الصينى.وبصراحة معنديش فكرة عن اسعارهم ولا احسن انواع ولكن انصحك بالبحث فى قسم الاكسسورات واكتب موضوع استفسار هناك.

ولو النور العالى عندك مبيكشفش الطريق يبقى جرب اعمل رجلاش للنور او وفر تمن الفوج الزينون واعمل زى ما عملت وركب لمبة فيليبس مكان الاصلية ومبتحتجش كتاوت ولا غيره.شيل ديه وحط ديه وسعرهم من 7 شهور تقريبا كان ب 105 الاتنين من الوكيل فى مدينة نصر,وبرده هتلاقى فى قسم الاكسسورات حاجات كتير عن اللمض.

شكرا يا باشا على ردك انا النور العالبى كويس جدا بس مش بيكشف معايا غير البعيد بس ودة بستخدمه على الطريق الساحلى بالليل وكريس جدا المشكلة انى مش كاشف الارض فقولت اشوف موضوع الفوجات وخصوصا انى مش عاوزها شكل انا محتاجها كرؤية وكشف ارضية الطريق

-

-

-

الموضوع: اخيرا والحمد لله-تركيب فوجات (ليدات) نيو اكسنت

LinkBack

أدوات الموضوع

عرض

اخيرا والحمد لله-تركيب فوجات (ليدات) نيو اكسنت - انشر الموضوع فى :

-

-

-

-

-

-

المواضيع المتشابهه

تركيب ليدات فى الفانوس الامامى للصنى

اخيرا جبت فوجات جميلة اوى

اخيرا خلصت تعديل المرسيدس والحمد لله

اخيرا والحمد لله استلمنا الجين تو

اخيرا والحمد لله

الكلمات الدلالية لهذا الموضوع

المفضلات

المفضلات

ضوابط المشاركة