كفااااااااااااايه بقشيش للى بيمونوا
كفاااااااايه بقى ندى بقشيش للى بيمونوا دا جشع وطمع فظييييييييييع من صاحب المحطه
انا اشتغلت فى شركه بترول واى محطه بنزين لما بيجيلها عربيه التانك بياخد عليها على الاقل 150 لتر بنزين من كل نوع فوق الحموله علشان لو حصل غلط فى قراءات العداد او التبخر
يعنى لو بنزينه فيها 92 و 90 و 80 يعنى 450 لتر تقريبا ولو اضيفنا السولار يعنى 600 لتر تقريبا حوالى 400 جنيه بيدخلوله فى اليوم مجانا بدون ما يتعب
يقوم ياخد بقشيش كمان من العربيات على التفويله احسبوها كدا لو كل عربيه بياخد نص جنيه على الاقل واى تانك 92 او 90 او 80 بياخد 200 عربيه على الاقل يعنى حوالى 600 عربيه يعنى 300 جنيه فى اليوم يعنى اكتر من 700 جنيه مكسب كدا فى اليوم غير المبيعات والتشحيم والغسيل وال وال
حسبى الله ونعم الوكيل
البنزينه بتكسب فى اليوم اكثر من 1000 جنيه على اقل تقدير كدا
طبعا وزع بقى كل عامل هياخد كام مش هيقل عن 50 جنيه يوميا علشان بيمون فقط اراهن ان نصكم مش بياخد 50 جنيه يوميا
انا مش ببص على ارزاق حد انا ببص على السرقه الى فى البلد دى البقشيش على التموين دا ظهر حديثا ما كملش سنتين او تلاته
وبدا يظهر على كل حاجه مطاعم كتير ومحلات كتير مش بتدى الباقى كاملا على اساس ان الزبون دائما غنى وبيرمى فلوسه
لو سمحتوا ارجوكم على قد ما نقدر نتبع شعار واحد لا للبقشيش على حاجه هايفه
انا عن نفسى لما يتنح معايا ويقولى عايز اقوله يا اما تكمل التموينه يا اما تنظفلى الازاز
تحياتى لكم
ودول مش غلابه زى ما انتوا هتقولولى احنا الى غلابه لاننا بيطلع عين اهلينا فى الشغل ومش بيدخلنا اد دا ودول شغلتهم كلها يمونلك فقط