الصني 2009 اتبت من 2011 على الطريق !!! اشمعنى

ايه الفروق الي في العفشه و المساعدين بالتحديد ما بين 2008-2009-2010-2011 عشان بحس ان العفشه عندي في 2011 من ورا و من اودام طريه زياده عن اللزوم و كمان ارتفاع العربيه من الشنطه اعلى عن ال 2009 و ده بيعوم العربيه على السرعه لو الطريق في مطبات هوا زي الدائري مثلا و الموضوع ده بيقل طبعا لو حد راكب ورا

السؤال هنا هل العفشه ف 2011 من ورا اعلى و اطرى لاني بدوس بايدي على الشنطه بتنزل بسهوله عن 2009 و ليه و هل بتحسوا بعومان مع مطبات الهوا و بيقل لو حد راكب معاك ؟

ولا العربيه لسا هاتوطى من ورا عشان انا لسه معملتش 8000 كيلو و مبركبش حد ورا
بس المشكله انا محدش بيركب معايا فعاوز حل :tumb:

انت شكاك
وشكلك هتجيب سمعة للعربية
كفاية بقى

ارحم من في الارض يرحمك من في السماااااااااااااااااء ياجدع
انا مني من شركه نيسان اسحب منك العربيه و اديك بدالها توك توك
ياعم احمد العربيه ليسه جديده مش ماشيه كتير و العفشه بالتالي جديده ليسه هاتريح بقي مع الاستخدام و هاتوصل للمستوي اللي بتشوفه في الصني 2008 لا تقلق و الله يكون في عونا:36_2_49[1]:

كل سنه و انت طيب ياحاااااااج

بص يا بوحميد .. جربت تزود الكاوتش على المقاسات القديمة ..32 قدام وفى الخلف 29

لو مجرتش .. ابقا جرب وشوف النتيجة وقولنا ايه الاخبار

انتو بتهاجمو الراجل ليه كدة؟

ظبط الكاوتش كويس
وان شاء الله تبقى كل حاجة تمام
المصنع كان هايعلن عن حاجة زى كدة لو كان عملها فعلا
زى مااعلن عن تعديل مقاس ظبط الكاوتش
العربية عموما تعوم شوية فعلا على الفوااصل بس مش لدرجة القلق
وخصوصا على السرعات العالية فى الملفات
واذاكانت اعلى فهى اعلى من 2006 التقفيل اليابانى
مش من ال2009
تقبل تحياتى

اقتباس:

---

المشاركة الأصلية كتبت بواسطة eng f3lix

انتو بتهاجمو الراجل ليه كدة؟

---

عشان مش اول مرة يكتب كلام عن الصنى وبيبقى من الخيال مش اكتر و بيتعب نفسه بجد مش تريقة
احنا اخواته وبننصحه عشان هو فعلا شكاك اوى

ياريت تروح تعمل ظبط زوايا فى موردن .. لان اعرف ان مودرن شاطرين فى الموضوع ده عن السبع جدا .. ويبقا افضل لو عملت فى مركز خدمة معتمد زى ما قولتلك .. وعندك مودرن الهايكستب قريب ليك .. ولو نويت قولى وانا اقولك تروح لمين

وجرب بعدها .. وجرب كمان بظبط الكاوتش الاول قبل الزوايا على المقاسات القديمة

وبعدين انت عربيتك مانيول يا بوحيمد مفهاش ستبلازير .. اللى بيعطى ثبات عند الملفات .. فدى نقطة لازم تحطها فى بالك وفى الحسبان

ولو عايز تتاكد مثلا .. جرب صنى 2011 تكون سوبر صالون وشوف الفرق اخباره ايه

تحياتى

اقتباس:

---

المشاركة الأصلية كتبت بواسطة elmkaneeki

انت شكاك
وشكلك هتجيب سمعة للعربية
كفاية بقى

---

اقتباس:

---

المشاركة الأصلية كتبت بواسطة walidadel

ارحم من في الارض يرحمك من في السماااااااااااااااااء ياجدع
انا مني من شركه نيسان اسحب منك العربيه و اديك بدالها توك توك
ياعم احمد العربيه ليسه جديده مش ماشيه كتير و العفشه بالتالي جديده ليسه هاتريح بقي مع الاستخدام و هاتوصل للمستوي اللي بتشوفه في الصني 2008 لا تقلق و الله يكون في عونا:36_2_49[1]:

كل سنه و انت طيب ياحاااااااج

---

:tumb::tumb::tumb: المشكلة انى صيدلى ومافيش لحد دلوقت علاج للوسوسة اللى عند اخونا احمد :36_1_37[1]:
طب نعمل ايه

لا مش وسوسه ده بجد و فعلا انا ركبت 2009 اثبت بكتير و انا بتكلم عن المشي على الطوالي مش في الملفات الدركسيون اثبت و انا باتكلم عن المشي عن الدائري مش على الكباري و زبطت زوايا و فعلا انا زابط على 32-29 مش فاضل غير الترصيص

طالما العربيه بتضغط عليها من ورا بتنزل بسهوله اكتر من التانيه
يبقى مساعدين او يايات خلفيه
لازم تكشف عليهم بسرعه علشان العربيه متعومش منك فى الملفات لا قدر الله
بس برده خد معاك العربيه ال 2008 ممكن تكون هى اللى فيها المشكله وعربيتك سليمه

اقتباس:

---

المشاركة الأصلية كتبت بواسطة y2y1500

:tumb::tumb::tumb: المشكلة انى صيدلى ومافيش لحد دلوقت علاج للوسوسة اللى عند اخونا احمد :36_1_37[1]:
طب نعمل ايه

---

ممكن اقول ان الاستاذ احمد عندة حق وعن تجربة
انا والدتي معاها صني 2008 بدون abs
واختي كانت عاوز عربية
اوم اة راحت
والدتي شافت اللون الموف الجديد 2011
راحت اشترتها ب abs واديت اختي القديمة
ولكن بعد شهر لقيت الوالدة عاوزة تأخد الصني القديمة وتدي للاختي 2011 ولغاية دلوقتي مش عاوزة الجديدة
طيب لية
قالت بالفظ
القديمة اتقل وارزن واحسن وماسكة نفسها

عاجيك كده ياعم احمد اهو عملت مشاكل تاني في المنتدي كالعاده :pffft:
انا ركبت عربية سحس واحنا راجعين من الاسكندريه مره و ماحستش بفرق خااااااااااااالص علي سرعات عاليه و كنا راجعين بليل يعني كنت بجري 140-160 العادي بتاعي وعربية حسين 2011 وعربيتى اللى معايا 2008 يعني فلو كان فيه فرق اكيد اكيد اكيد كنت لاحظته كنت باخد غرز علي 120 عااااااااادي حتي هو ف مره قلق من الغرزه من كتر ماهيا كانت ضيقه و لميت نفسي عادي
انا سايق العربيه الطريق كللللللللللللله و هيا 2011 abs هيا 2008

أجمل حاجة في مناقشات الأستاذ احمد ( fbiahmad) انها علمية جدا ومنطقية وكل حاجة بيقولها بيزود عليها دليل منطقي ملموس ..... استنو شوية ما تهاجمونيش ..... ..... ...... طبعا إلا في أول مشاركاته في حكاية الموتور والفتيس اللي رعب المنتدى كله بيها .....

تحياتي ليك يا أستاذ احمد ولكل أعضاء المنتدي ..... وطبعا لكبيرنا الأستاذ احمد تي في ....

وكل سنة وانتم طيبين ....


علي فكرة انا جربت مقاسات للكاوتش كتير ولقيت التالي ....

--30-30 ( ده كلام بتاع النيتروجين : يا بيه ما حدش بيظبط ع المصنع زي حضرتك وكل الناس زابطة الكاوتش على كدة )العربية ثابتة وجميلة جدا وغاية في النعومة في المطبات بس استهلاك البنزين زااد شوية ( حوالي 9.5 كيلو في اللتر )

- 36 - 33 العربية ناشفة في المطبات شوية وثباتها أقل من 30-30 بس استهلاك بنزين أحسن ( حوالي 10.1 كيلو لكل لتر )

- 34-31 ( وده اللي انا ماشي عليه دلوقتي ) والعربية ثابتة وناعمة في المطبات واستهلاك البنزين كويس ( حوالي 10 كيلو في اللتر )

معلهش يا جماعة انا باحسب استهلاك البنزين كلي وما فيش جوه المدينه وبرة المدينة لأن أغلب الطرق عندنا ما بتستحملش جري والسرعة فيها 80-90 وأحيانا 110 ..... وأغلب الوقت بالتكييف

يا جماااااااااااااااااااااعة ياجمااااااااااااااااااااع ة , السؤال ده اتسأل 100 مره والرد الوحيد والمنطقي ان التبسان الصني كلها لازم تعوم سنه بسيطة من ورا لازم لازم يبقا فيها السنة دي عشان نظام العفشة فيها كده اكس خلفي متصل زي البيجو الاستيشن الادا والشاهين والامريكاني القديم , واللي ركب العربيات دي يفهم انا قصدي اية , علي عكس الانسر مثلا كل عجلة بتتحرك لوحديها عشان كده استحاااااالة تلاقي فيها العومان ده الا اذا كانت العربية فيها مشكلة جوهرية , المهم يأستثناء العومان البسيط اللي في كل الصني ,, ممكن العومان ده يزيد بقلة ضغط الهوا في العجل او في حالة ان مساعد ضاارب والتاني سلييم , وعموما انا هاقول حاجة عن خبره , ان موديلات الشكل القديم فيها حاجات مميزه عن الشكل الجديد مش بش في العفشة والشكل , ده حتي في بوهية العربية , البوهية لحد 2009 ممتازه , ومن اول 2010 كانت بنطلع من مسدس المية في المغسلة وطبقة البوهية في 2010 ضعيفة جدا جدا لا تتعدي 1 مل

ان شاء الله بعد العيد اروح السبع و حد يطلع يجربها و يقوللي ايه الي فيها ممكن تكون حاله فرديه برضه بس اديكوا معلومه انا فعلا كان عندي مساعد ضارب ورا شمال و اتغير في الضمان و الصني عربيه حلوه برضه بغض النظر عن شويه الحاجات دي لان توكيلها محترم جدا


---------------
ان شاء الله لا تكتب انشاء الله

مشرف القسم
15ب

اقتباس:

---

المشاركة الأصلية كتبت بواسطة walidadel

عاجيك كده ياعم احمد اهو عملت مشاكل تاني في المنتدي كالعاده :pffft:
انا ركبت عربية سحس واحنا راجعين من الاسكندريه مره و ماحستش بفرق خااااااااااااالص علي سرعات عاليه و كنا راجعين بليل يعني كنت بجري 140-160 العادي بتاعي وعربية حسين 2011 وعربيتى اللى معايا 2008 يعني فلو كان فيه فرق اكيد اكيد اكيد كنت لاحظته كنت باخد غرز علي 120 عااااااااادي حتي هو ف مره قلق من الغرزه من كتر ماهيا كانت ضيقه و لميت نفسي عادي
انا سايق العربيه الطريق كللللللللللللله و هيا 2011 abs هيا 2008

---

وليد باشا ينفع نتقابل و تجرب عربيتي عشان متبقاش ظلمني و قولي اجيلك فين و امتى و انا تحت امرك يا استاذ وليد

بص يا بوحيمد .. احنا بعد العيد لينا طلعة علىا سماعيلية او فايد فى مقابلة من مقابلات نيسان

واكيد حيكون فى عربيان صنى كتير .. وجرب عربية حسين وانت ماشى فى الطريق وعربية وليد 2008

وكمان جرب عربية صنى 2011 تكون سوبر صالون كمان

وفى الاخر نتكلم ونحكم

ولو كدا وثبت كلامك .. يبقا بيع الصنى وريح دماغك منها وهات قاشقاى افضل

ايه رايك

وبعدين مش كل اللى بيتمناه الانسان بياخده يا بوحميد

يعنى مثلا التيدا عندى وسع بسم الله ماشاء الله وراحة فى الصالون .ز والعربية عالية من على الارض ومش بتحك فى مطبات ابدا حتى لو حملت العربية اوزان وماتور قوى جدا فى استجابته وتكنولوجيا حديثة واعطال قليلة :44: ومع ذلك الثبات فوق ال140 بيقل .. وبصراحة ده مش مشكلة عندى ابدا .. المهم الامتيازات اللى قولتلك عليها انى اتمتع بيها .. لان محدش بينول كل حاجة

اقتباس:

---

المشاركة الأصلية كتبت بواسطة ahmed.tv

بص يا بوحيمد .. احنا بعد العيد لينا طلعة علىا سماعيلية او فايد فى مقابلة من مقابلات نيسان

واكيد حيكون فى عربيان صنى كتير .. وجرب عربية حسين وانت ماشى فى الطريق وعربية وليد 2008

وكمان جرب عربية صنى 2011 تكون سوبر صالون كمان

وفى الاخر نتكلم ونحكم

ولو كدا وثبت كلامك .. يبقا بيع الصنى وريح دماغك منها وهات قاشقاى افضل

ايه رايك

وبعدين مش كل اللى بيتمناه الانسان بياخده يا بوحميد

يعنى مثلا التيدا عندى وسع بسم الله ماشاء الله وراحة فى الصالون .ز والعربية عالية من على الارض ومش بتحك فى مطبات ابدا حتى لو حملت العربية اوزان وماتور قوى جدا فى استجابته وتكنولوجيا حديثة واعطال قليلة :44: ومع ذلك الثبات فوق ال140 بيقل .. وبصراحة ده مش مشكلة عندى ابدا .. المهم الامتيازات اللى قولتلك عليها انى اتمتع بيها .. لان محدش بينول كل حاجة

---

ماشي يا عم بتطلعلي لسانك على العموم انا عرفت المشكله و حليتها خلاص كان فيه عجله الي كان فيها خرم مساميرها مهويه مكنتش مربوطه بتتربط بايدك يعني و ربنا ستر الحمد لله و اما نشوف بس طلعة اسماعليه دي امتى عشان اوريك انا معاك لحد 195 شغال مش بتطلعلي لسانك

اوعي تزعل يا ابو حميد انا بهرج معاك كل سنه و انت طيب يا باشا و كل التيداويه و الصنياويه بخير و كمان القشقاويه

انا ماقدرش ازعل منك يا بوحميد .. انت عارف انك حبيبى

وان شاء الله نشوفك باذن الله قريب يا حبى

بس انا ليه رجاء عندك بعد اذنك

قبل ما يكون عندك مشكلة .. حاول تفحص وتمحص كويس .. قبل ما تحكى عشان تتاكد بس انه مش عيب فى العربية .. عشان بس منعطيش انطباع خاطى

وحتى لو مش عارف تشخيص المشكلة .. لما تكتب وتشرح ياريت يكون بدون تهويل .. عشان فى ناس بتدخل تقراء الموضوعات ومش بترجع تانى .. وارائنا بياخدوا بيها وبتبنى عليها حاجات كتير فى اختيارتها

وكل مرة بيكون لينا عندك حق عرب .. وبردوا الصنى بتقاومك وبتكسبك .. وبتخذلك فى اى اتهام .. وبتطلع برئية .. واحنا بقا مش حنسيب ونضيع حقها منك .. المرة الجاية والخروجة الجاية الحساب عليك

يا اما حنروح نشتكيك لحماية المستهلك ههههههههههه

وباذن الله نشوفك قريب يا حبى وعلى سرعة 195 زى ما انت قولت مااااااااااااشى

قريبا نلتقي

I'll Be Back

اقتباس:

---

المشاركة الأصلية كتبت بواسطة fbiahmed

قريبا نلتقي

I'll Be Back

---

هو ياعم احمد (fbiahmed) لحد 180 و هايقف بعد كده هيخاف يعدي و بقولك الكلام ده عن تجربه و العربيه اللي كانت معايا كان راكب فيها 4 كمان و ماكملش و كنا علي طريق الاسكندريه الوصلات الجديده دي
قالي الهوي كان تأثيره واضح علي العربيه عن عندنا و بعدين بلاش كلام علي النت ياباشا فارس لفارس و الطريق موجود بس انا وثيق الفوز ان شاء الله علي فكره :Bravo:
ماتقلقش ياحمد و ان شاء الله لما اشوفك نبقي نجرب عايزين نتقابل في يوم ياجدعان ان شاء الله علي القهوه كده لحسن رمضان و العيد ده انا ماشوفتش حد تقريبا منكوا غير مره كده خطف و ماستمتعتش بيها يعني ..... ايه رأيكوا

اقتباس:

---

المشاركة الأصلية كتبت بواسطة walidadel

هو ياعم احمد (fbiahmed) لحد 180 و هايقف بعد كده هيخاف يعدي و بقولك الكلام ده عن تجربه و العربيه اللي كانت معايا كان راكب فيها 4 كمان و ماكملش و كنا علي طريق الاسكندريه الوصلات الجديده دي
قالي الهوي كان تأثيره واضح علي العربيه عن عندنا و بعدين بلاش كلام علي النت ياباشا فارس لفارس و الطريق موجود بس انا وثيق الفوز ان شاء الله علي فكره :bravo:
ماتقلقش ياحمد و ان شاء الله لما اشوفك نبقي نجرب عايزين نتقابل في يوم ياجدعان ان شاء الله علي القهوه كده لحسن رمضان و العيد ده انا ماشوفتش حد تقريبا منكوا غير مره كده خطف و ماستمتعتش بيها يعني ..... ايه رأيكوا

---

اوكيه نتقابل يوم السبت لليقدر ان شاء الله على القهوه بتاعة الجزيره دي بس معلش هاتوصفوهالي منين من السراج معلش

اقتباس:

---

المشاركة الأصلية كتبت بواسطة fbiahmed

اوكيه نتقابل يوم السبت لليقدر ان شاء الله على القهوه بتاعة الجزيره دي بس معلش هاتوصفوهالي منين من السراج معلش

---

ان شاء الله سهله
ابعتي نمرة تليفونك علي الخاص و نبقي نرتبها
مقابلات القهوه دي بتترتب في نفس اليوم تليفونات كده حاجه في السريع يعني

يمكن دي اول مره اشارك في المنتدي لكن بصراحه انا بدور علي عربيه صني وكنت بقرا اللي مكتوب عنها ولقيت الموضوع ده انا طبعا ما جربتش الصني 2009 ولا 2011 ولكن انا عندي تجربه عن مشكله شبيهه موجوده في الفورد الكراون فيكتوريا لحد موديل 2003 ودي مشكله مشهوره و سببها طول السياره وارتفاع مؤخرتها وعشان كده شركه فورد غيرت نظام التعليق الخلفي بتاعها في الكراون فيكتوريا من موديل 2003 وكذلك في الميركوري الجراند ماركيز والنكولن التاون كار اللي موجوده في الخلفيه بتاعه صاحب الموضوع وتم تغيير التعليق الخلفي ليصبح علي وسائد هوائيه (air bags) وليست علي يايات (سوست) ودي بتظبط اتزان العربيه (التعويم) عن طريق كومبريسور بيقوم بزياده الهوا وتتخفيفه في الوسائد الهوائيه اللي متعلق عليها السياره من الخلف ارجو ان يكون كلامي مفيد وارجو ان الناس متهاجمش الراجل كده لان دي فعلا مشكله موجوده في عربيات ليها سمعتها وتاريخها بس الفرق ان الموضوع بيبقي واضح واسبابه واضحه مش بيتم التعتيم عليه ويتساب لراي الناس كده تاني حاجه بقي تخصني انا يا جماعه انتوا حسستوني ان النيسان الصني المصري عربيه ماتتركبش وان الواحد لو بيفكر يجيب صني بيقي يجيب من اول 2006 ونازل عشان تبقي ياباني يا تري هل ده فعلا حقيقي

اقتباس:

---

المشاركة الأصلية كتبت بواسطة aac_191

يمكن دي اول مره اشارك في المنتدي لكن بصراحه انا بدور علي عربيه صني وكنت بقرا اللي مكتوب عنها ولقيت الموضوع ده انا طبعا ما جربتش الصني 2009 ولا 2011 ولكن انا عندي تجربه عن مشكله شبيهه موجوده في الفورد الكراون فيكتوريا لحد موديل 2003 ودي مشكله مشهوره و سببها طول السياره وارتفاع مؤخرتها وعشان كده شركه فورد غيرت نظام التعليق الخلفي بتاعها في الكراون فيكتوريا من موديل 2003 وكذلك في الميركوري الجراند ماركيز والنكولن التاون كار اللي موجوده في الخلفيه بتاعه صاحب الموضوع وتم تغيير التعليق الخلفي ليصبح علي وسائد هوائيه (air bags) وليست علي يايات (سوست) ودي بتظبط اتزان العربيه (التعويم) عن طريق كومبريسور بيقوم بزياده الهوا وتتخفيفه في الوسائد الهوائيه اللي متعلق عليها السياره من الخلف ارجو ان يكون كلامي مفيد وارجو ان الناس متهاجمش الراجل كده لان دي فعلا مشكله موجوده في عربيات ليها سمعتها وتاريخها بس الفرق ان الموضوع بيبقي واضح واسبابه واضحه مش بيتم التعتيم عليه ويتساب لراي الناس كده تاني حاجه بقي تخصني انا يا جماعه انتوا حسستوني ان النيسان الصني المصري عربيه ماتتركبش وان الواحد لو بيفكر يجيب صني بيقي يجيب من اول 2006 ونازل عشان تبقي ياباني يا تري هل ده فعلا حقيقي

---

العربيه زي الفل انا صاحب الموضوع و بقولك كان فيه فرده كاوتش مش مربوطه لاني صلحتها كان فيها خرم و اتربطت و كله بقى تمام