الموضوع ممكن ناس تعتبرة غريب شوية بس انا قولت اعملة لانة بيهم شريحة كبيرة من المبتدئين:chick3: وبعض ذوات الخبرة............... اية اقوى صاج وعفشة موجودة فى عربية موجودة فى مصر سواء جديدة او استعمال؟؟؟؟؟ ارجو المشاركة لاهمية الموضوع لفئة كبيرة :B4_048:
اعتقد اللادا عربية صاجها ناشف اوي و الفولفو القديم و بي ام و المرسيدس القديم
الفولفو على ما اعتقد
نشوفية الصاج و العفشة عندما تسمع عن أحد يتكلم عنه يدل علي ضعف معلوماته سواء بمواصفات الأمان أو حتي الصيانة !!!
المقياس الحقيقي هو مرونة الصاج و العفشة و امتصاص الصدمات .. و ممكن ( مع فارق التشبيه ) تتخيل كوب بلاستيك امام كوب زجاج
و هو مما يجعل اقسام البحث و التطوير مثلا عند بعض الشركات الاوربية العريقة ممكن تركب رفارف فيبر
على فكرة المرونة ملهاش علاقة ان الصاج يكون محمل ولا لا
ممكن يكون الصاج محمل بس مرن
و ممكن ميكونش محمل و مش مرن
بس اجمالا كلام حضرتك مظبوط 100% يا استاذ حجازى
أقوى صاج سيارة في العالم الفولفو .. وأكثر سيارة آمنة ضد الصدمات القوية
الكلام ده بمعايير السبعينيات مقارنة بالعربيات اللي زيهااقتباس:
المشاركة الأصلية كتبت بواسطة sehsss
الأستاذ حجازي شرح موضوع المرونة
الأهم مش قوة الصاج
الأهم تصميم السيارة لأمتصاص الصدمة .........
و عندك التويوتات و الهيونداي الجديد ...... الصاج عامل زي الورق و لكن أختبارات التصادم خمسة نجوم
الصاج المحمل بيفيد في دولة زي مصر ....... شعبها متخلف
تلاقي عيل قاعدلك على كبوت العربية أو الشنطة .......... او واحد ساند على العربية أكنه ساند على حائط
بتنفع في المواقف دي أن الصاج ما يتطبقش .
الصاج المحمل بيفيد في دولة زي مصر ....... شعبها متخلف
تلاقي عيل قاعدلك على كبوت العربية أو الشنطة .......... او واحد ساند على العربية أكنه ساند على حائط
بتنفع في المواقف دي أن الصاج ما يتطبقش ,,,,,,,,,,,,,,,,,,,,,, الى الاستاذ tutankhamoun
حقيقى رايك فى الجون انتا كدا جبت زتونة الموضوع على راى بوحة ارجو التفاعل لاهمية الموضوع
اللادا القديمه هي اللى صاجها فعلا ناشف المفاجأه ان الجديده ورق بجد انا معايا 2011 وواحد قعد على الكبوت اطبق من عند العضم ومش عارف ارجعه تخيلوا
العربيات الفديمة عموما من المرسيدس والفيات والبيجو والفولفو
دول صاجهم حدييد
انما دلوقتى الفكر اتغير
والمصانع بقت بتعمل صاج اخف
وامان اكتر
العبرة مش بالصاج
العبرة الصاج هايعمل ايه فى حالات الحوادث
لان هما ماعندهم عيل هايطنطت على الكبوت او واحد هايسند على الباب...........
حضرتك بتسأل على قوة الصاج كنوع من انواع الأمان ولا كمقاومة ضد السواقين البلطجية و الشباب اللى بيعتبرو عربيتك ناصية شارع .
لو كأمان يبقى متبصش على قوة الصاج المهم تصميم العربية لامتصاص الصدمات ( معاملات الأمان و اختبارات التصادم) اهم حاجة .
لو النقطة التانية يبقى فيه عربيات كتير زى ما ناس كتير قالت زى الادا و الفولفو و المرسيدس و الفيات القديم
اقتباس:
المشاركة الأصلية كتبت بواسطة lordnykon
كمقاومة ضد السواقين البلطجية و الشباب اللى بيعتبرو عربيتك ناصية شارع فعلا دى اهم نقطة فى الموضوع:tumb:
وجزء تانى مهم اوى اكيد كل الى اتعلم سواقة فى البداية خبط العربية بتاعته كام مرة تخيل لو انتا بتتعلم فى عربية زى فيرنا ولا دايو وخبط العربية وانتا بتركن فى الجراج مثلا شوف التكلفة قد اية فى التصليح ويسلام لو خبط فى خرسانة او جدار ممكن تجيب ربع مع المقارنة بالعربيات القديمة زى البيجو يا ريت النقطة الى ااقصدها تكون وصلت
ومحدش قال بردة اية اقوى صاج وعفشة فى العربيات الجديدة تصلح تتعامل مع طرق ومطبات مصر وسواقين ميكروباصات مصر و:arab: عربجية مصر:36_2_46[1]: الى تلاقى داخل عليك وانتا غصب عنك الى هترجع عاجبك ولا مش عاجبك:dontudear: وانا اسف انى بتكلم عن مصر بالطريقة دى بس للاسف دى الحقيقة المرة:019F3B~14:
قوة الصاج بتفيد فى الخبطات البسيطة قوة التصميم بتفيد فى الحوادث الجامدة
- خبطة بسيطة يعنى ريحت بعربيتك على عربية تانية \ فرملت فجاة وصدمت اللى قدامك صدمة خفيفة كدة \ حد حك فى عربيتك جامد شوية \ حاجة وقعت على عربيتك وانت راكنها قزازة مية بلاستيك حاجة تقيلة (بس مش طوب يعنى :)) )
- حادثة جامدة عربية باست عربية بالبوز - بوز فى الخد - بوز فى قفا - عربية قالت تتدحرج شوية عشان تفك العضمتين كدة يعنى :)) ربنا يكفينا كلنا شر الحوادث ما صغر منها وما كبر
اقتباس:
المشاركة الأصلية كتبت بواسطة abdalah_hashem
خبطة بسيطة يعنى ريحت بعربيتك على عربية تانية \ فرملت فجاة وصدمت اللى قدامك صدمة خفيفة كدة \ حد حك فى عربيتك جامد شوية \ حاجة وقعت على عربيتك وانت راكنها قزازة مية بلاستيك حاجة تقيلة (بس مش طوب يعنى :)) )
سليم لان دة اغلب الى بيحصل وخاصة للمبتدئين ودة اغلب الى نقصدة ورربنا يكفينا شر الحوادث الجامدة:grin21:
كان نفسى فى تفاعل الاعضاء اكتر من كدة لان الموضوع مهم