عرض للطباعة
تحذير من محطة وطنية على الدائري عند المعادى
يوم السبت كنت راجع من القاهرة من التجمع الخامس فى طريقى للاسكندرية ودخلت محطة وطنية عشان افول
فولت العربية بنزين 92 ودفعت 72 جنيه يعنى حوالى 40 لتر المهم مشيت وماخدتش بالى من العداد الا عند البوابة وقبل داندى لاحظت ان ¾ التانك بس هو المليان وبصراحة كسلت ارجع تانى فدخلت محطة شيل القبل داندى مول وكملت التانك واخدت حوالى 15 لتر بنزين ومشيت وكملت طريقى للاسكندرية بس قولت لازم احذر الناس لانها ممكن تتكرر مع ناس كتير
روح ادارة المحطة وقول لهم على اللى حصل لان دى محطة تابع للجيش واللى بيموين عساكر
هو اكيد المفروض ان حد يمون لازم يبص كويس فى العداد بتاع المكنة , بس عموما هما مش بياخدوا حاجة فى جيبهم فعشان كدة صعب شوية انهم يسرقوا فى دة كلة يعنى ممكن فى 2 لتر ماشى لكن 10 لتر مرة واحدة كتير
بس عموما ياريت الناس كلها تشوف اللى بيتحط فى العربية مش عيب دة حقك
شكرا يا باشا على النصيحة
تنك الالنترا 55 لتر تقريبا ف انت لو داخل والعربيه جايبه اخرها يبقى كده تمام اوي
وممكن العسكري شاف العداد غلط عموما في عساكر مش متعمله كل اما اخش اقوله 20 لتر اتنين 92 لازم تعيدهالوا 30 مره عشان يفهم وممكن في الاخر تلاقي جايلك بمسدس السولار
اى محطه معرض انك تتسرق طالما مش بتنزل تشوف العداد قبل ماتمون وتقف على ايده لغايه مايخلص
محطه وطنيه قبل كده كنت عايز املا ازازه اللتر و نص ديه بتاعه المياه المعدنيه بنزين 90 المهم خدها ملاها و بديله 4 جنيه لقيته بيقولي ايه ده يا باشا الحساب من ع المكنه 6 جنيه وقفت بجحتلهم ف نص المحطه
انا ف الاول تنحت و قولتله ليه انت حطيت بنزين ايه هزا انت حطيت 95 قالي لا 90
قلتله امال 6 ازاي
انت عايز تفهمني الازازه ديه 4 لتر ده انت لو وقفت اي حمار ف الشارع هيقولك ديه لتر و نص و رميتله ال 4 جنيه و مشيت
المفروض انها محطة تابعة للجيشاقتباس:
المشاركة الأصلية كتبت بواسطة love7amada
واعتقد لو الجيش شايف ان المجندين دول ناقصين تعليم او مابيعرفش يحسب او مابيعرفش يتعامل مع الناس يبقى يجيب ناس تانية تقف تتعامل مع العربيات واصحابها
محطات وطنية بدأت ترخم ...
عندنا على إوتوستراد حدائق حلوان البنزينة كانت محترمة والبنزين فيها ( كان ) 90 ، 92 بوفرة وال80 كان بييجي أحياناً ولما كانت عربيتي القديمة بتستهلك 80 وكنت بأتمنى أتعامل مع مضخات ال92 ..
ولما ربنا أكرمني بالعربية الحالية والتي لا ينفع فيها ألا ال 92 مابقاش يجيلها لا 80 ولا 90 ولا 92 وكل ما أروح لها ألاقيهم معلقين الفوطة الصفرا ( قصدي الأقماع ) ...
أققول أروح لوطنية المعادي إللي على اليمين وإنت متوجه من حلوان للمعادي برضوا مافيهاش 92 أقول ألف وأشوف وطنية إللي في الناحية المقابلة إللي قبل مدخل زهراء المعادي وإنت متوجه لحلوان ألاقيها مافيهاش حتى ريحة البنزين
آخر المتمة بقى إفتتحوا لينا واحدة ( وطنية ) جديدة عند وادي حوف في طريق جامعة حلوان من الكورنيش وبالرغم من سوء تخطيطها ( كل مضخة بها 80 و 92 ) وتخيلوا مدى التزاحم بين مستخدمي ال 92 مع طوابير ال80 ...
بالأمس رحت امون 92 من الأخيرة دي برضوا مافيهاش ريحة البنزين ومعلقين الفوطة الصفرا لدرجة إني إتغظت فقلت لهم طب معندكوش عصير قصب ؟!!!!
ههههههههه
معلهش طولت عليكم
بس أرجو إن دة مايكونش إنهيار خدمات الجيش
انا بمون دايما من بنزينه شل لو بنزين 90
لكن لو العمليه قفلت خالص بمون 80 من بنزينه الوطنيه
اخر مره ممون 38 لتر 80 و اديته 40 جنيه لقيته مرجعلي 4 جنيه !!
قولتله الحساب 34 و يعني الباقي 6جنيه !
قالي اصلك واخد صفيحتين و الصفيحه ب 18
طبعا اتخانقت معاه شويه و كان معايا ابن خالي و قعد يقولي خلاص ماجتش علي 2 جنيه و كدا
من ساعتها مابمونش من عندهم عشان الاستعباط دا !
انا اديك تبس بمزاجي مش تسرقني و تبجح !!
انا بمون على طول من بنزينة وطنية اللى ع اوتوستراد حدائق حلوان بنزين 92 و زى ما العداد بيكتب بحاسبه و مش دائما بسيب بقشيش و تعتبر افضل بنزينة بمون منها مقارنه ببنزينة موبيل اللى على الكورنيش اللى اكيد بنزينها فيه ميه لان كل ما امون من هناك العربية تكركر
وأسواء بنزينة اتعاملت معاها هى اسو اللى بعد صقر قريش اضطريت أنى ااخر كهربه العربية عشان اعرف امشي بيها
ودول اللى عادة بتعامل معاهم عشان قربهم من البيت
سامحونى اعزكم الله . من اقذر المحطات على مستوى الجمهوريه هى وطنيه وكلهم رتم واحد زى ما تقول متصلين ببعض لما كنت باجى داخل وطنيه بحس انهم عايزين يفتشونى وياخدوا اللى فى جيبى يعنى استقطاع ده غير الاسلوب فى المعامله فعلا زباله ولا هما متبغددين اوى كده علشان احنا اللى عملنالهم صيت وقعدنا ننفخ فيهم ولا ايه والله من اسوأ المعاملات التى قابلتها فى حياتى ولذلك لم اعد ابدا ادخل ايا من هذه المحطات ده حتى لما تيجى تطلب تقابل رئيس المحطه بيمنعوك وكأنك داخل لواحد فوق مستوى البشر جيش بقى حاجه تخنق بجد وبعدين ده انا كنت بقول انا بس اللى مخنوق لوحدى ولذلك ما عملتش موضوع عن هذا واعتبرت انى انا اللى وحش
محطات وطنية عموما من الناس المحطات المحترمة و لازم الواحد يتابع التموين سواء في وطني او غيرها بس عموما في نقص في كميات البنزين 92 علي مستوي اغلب المحطات
محطات وطنية عموما من الناس المحطات المحترمة و لازم الواحد يتابع التموين سواء في وطني او غيرها بس عموما في نقص في كميات البنزين 92 علي مستوي اغلب المحطات
انا بمون منها هي و شل دايما و محصلتليش مشاكل من دي خالص بس الفكرة ان العربيتين التنك بمفتاح و انا متعود انزل افتح بنفسي التانك و امون و احاسب و اقفل التانك و بعدين اركب عربيتي مبسيبوش هو يتعامل
و ممكن لو اتاخر اصلا اسحب المسدس و اتعامل بس محلتص غير مرة او 2 تقريبا
من أحسن المحطات اللي أتعاملت معاها هي محطة وطنية في كل مكان ... أفضل محطة على الأطلاق من ناحية البنزين .
طبعا العساكر لا تعليق ( مش كلهم كويسين و غالبيتهم مش متعلمين و مش فاهمين حاجة)
و عمري ما مونت بنزين و أنا قاعد داخل العربية
متعود من زمان على كدا
خصوصا و أنا برة ............. أنت اللي بتنزل تمون بنفسك
وطنية انا شايف انها كويسة . والمعاملة عادية عندهم . والبنزين مش مغشوش
واجمل بنزينة تدخلها وتحس انك دخلت حاجة تانية . امارات مصر . بس للاسف يتعدوا علي الصوابع