اللغة العربية بتندثر

**mido51eg** · 29-08-2011 12:56 PM

السلام عليكم ورحمة الله وبركاته وكل عام وانتم طيبين. انا ملاحظ ياجماعة من قراءتي لموضوعات المنتدى والمشاركات ان فيه كمية اخطاء املائية كتيرة جدا بيقعوا فيها الأعضاء وبرغم اني شايف ان معظمهم مش المفروض يقعوا فيها. ياجماعة معظمنا بيقرا جرايد وكتب وبيدخل على الأنترنت يعني مايصحش الأخطاء الأملائية دي وتكون بالكثرة دي. ياريت كلنا نتحرى اللي بنكتبه ياشباب.

**omarmosalem** · 29-08-2011 01:08 PM

موضوع يستحق المناقشة. ولكن للأسف المشكلة تمتد جذورها إلى المدرسة الابتدائية والإعدادية حيث المدرسين الذين يعانون من مشاكل جمة (علمية ومادية) وهو ما ينعكس بالسلب على مستوى الطلاب. أنا أعمل في مجال الترجمة وللأسف أجد أن معظم المترجمين الذين يطلبون العمل معي يعانون من مشاكل في اللغة. وكما ذكرت، فالقراءة كثيرا تفيد وكذلك قراءة وحفظ القرآن الكريم فهو بحق أفضل وسيلة لتحسين مستوى اللغة نطقا وكتابة.

**Mohammmed** · 29-08-2011 01:09 PM

المشاركة الأصلية كتبت بواسطة omarmosalem

موضوع يستحق المناقشة. ولكن للأسف المشكلة تمتد جذورها إلى المدرسة الابتدائية والإعدادية حيث المدرسين الذين يعانون من مشاكل جمة (علمية ومادية) وهو ما ينعكس بالسلب على مستوى الطلاب. أنا أعمل في مجال الترجمة وللأسف أجد أن معظم المترجمين الذين يطلبون العمل معي يعانون من مشاكل في اللغة. وكما ذكرت، فالقراءة كثيرا تفيد وكذلك قراءة وحفظ القرآن الكريم فهو بحق أفضل وسيلة لتحسين مستوى اللغة نطقا وكتابة.

+111111111111111

**احمد ابراهيم** · 29-08-2011 05:04 PM

المصيبة الكبيرة مش ان الناس بتكتب غلط المشكلة ان ناس كتير جدا بقوا يتكلموا و فى نص الكلام تلاقيه دخل كام كلمه انجليزى .. طب دى غصب عنه و لا منظره و لا ايه ؟؟
بجد شئ مؤسف ان تلاقى اتنين مصريين او عرب و الاتنين بيتكلمو مع بعض و بيستخدموا لغة تانيه و كانه شئ من الوجاهه يعنى و الواد دخل المدرسة اللغات و متخرج من ال auc

**AboELsoud** · 29-08-2011 05:15 PM

المشاركة الأصلية كتبت بواسطة احمد ابراهيم

المصيبة الكبيرة مش ان الناس بتكتب غلط المشكلة ان ناس كتير جدا بقوا يتكلموا و فى نص الكلام تلاقيه دخل كام كلمه انجليزى .. طب دى غصب عنه و لا منظره و لا ايه ؟؟
بجد شئ مؤسف ان تلاقى اتنين مصريين او عرب و الاتنين بيتكلمو مع بعض و بيستخدموا لغة تانيه و كانه شئ من الوجاهه يعنى و الواد دخل المدرسة اللغات و متخرج من ال auc

و الله لسه بجيب امبارح فول الاقي واد صغير اخره 7 سنين و فيه كلب عاجبه و عمال يكلم جده _اللي هو بيشتري فول معايا_ بالانجليزي و الجد يرد عليه بالانجليزي و انا طبعا واقف مذهول و بحاول افهم منهم حاجه و طبعا الولد صعبان عليا جدااا لان ده فرصته انه يتكلم عربي هتبقى صعبه جدااا لانه العربي مش سهل و لازم من الصغر الانسان يتعلمه

**aminibrahim** · 29-08-2011 05:19 PM

طب انتو ما شفتوش دينا وهي في برنامج الشعب يريد :::: كانت مسخره

لاحظو ان احنا هنا في المنتدي بنكتب لغه عاميه مش معني كده يبقي خلاص

وبعدين انا اعتقد ان ما فيش حد بيتكلم اللغه الصحيحه في دولته ولا بيكتبها