غيرت مشط الاسبراتير 7 مرات في شهر

**ibrahemmaher** · 29-08-2011 02:05 PM

ارجو المساعدة
عندي سيارة هيونداي اكسل وكانت بتقطع وانا ماشي وفجاه وقفت خالص رحت للميكانيكي غير البوجيهات وفلتر البنزين ونظف الكاربيراتير ولم تدور السيارة وفي النهاية غير مشط الاسبراتيرم فاشتغلت زي الفل لاكن مكملتش اسبوع وعملت نفس الموضوع قطعت شوية وبعدين بطلت خالص
رحت للميكانيكي غير مشط الاسبيراتير تاني راحت شغالة زي الفل وهكذا تكرر هذا الموضوع حتي اني غيرت المشط 8 مرات في شهر ونصف تقريبا واخر مرة غيرت فيها المشط والبوبية ولاكن مفيش فايدة حاليا العربية بتفطع وانا متوقع انها هتوقف تاني. اعمل ايه انات اتخرب بيتي علي العربية.

**aYaBooY** · 29-08-2011 05:10 PM

انت محتاج اولا تتاكد من الاسبرايتير نفسة ممكن يكون محتاج تغير او جلب
و طقم السلوك
كل ده انا فارض ان الموبينة جديدة و سليمة

**alpoka779** · 30-08-2011 02:09 AM

اكيد في طرف كهربا بيلمس الموبينه او ماس في سلك خارج من المشط في شئ تاني شوف كهربائي -- حصلت معايا مره واحده وبعد العربيه ما قطعت تفقدت كل شئ لاقيت طرف خارج من المشط لامس الموبينه وكان بيعمل شرره جامده

**wahba87** · 30-08-2011 09:03 AM

بص يا باشا , انا كان عندى مشكلة شبه مشكلتك فى العربية الاونو

و كان فى حاجة جوه الاسبراتير بايظة و هى اللى بتعمل المشكلة , خامس ميكانيكى روحتله هو اللى عرف العيب و غيرلى القطعة دى و العربية بقت تمام الحمد لله

**mrghost** · 30-08-2011 10:44 AM

قولى انت ساكن فين وانا هبعتك عند ميكانيكى بإذن الله يحللك المشكله ديه لان كان عندى مشكله وكل الناس قالتلى غير المشط ولما روحتله طلع عيب تانى غير عيب المشط

**أحمد جودة** · 25-11-2012 02:16 PM

ياريت ياجماعة صاحب الموضوع يرد علينا ويقولنا عمل اية فى المشكلة بتاعتو

هل وصل لحل

برجاء من كل الاخوة الاعضاء اللى يعرض مشكلة على المنتدي ياريت كلنا نتابع الموضوع حتي تحل المشكلة

ومطلوب من العضو أيضا لو وصل لحل مشلكتة ياريت يعرضها علينا ودة للاستفادة لكل الاعضاء

واشكركم

**Elawany13** · 25-11-2012 03:53 PM

المشاركة الأصلية كتبت بواسطة wahba87

بص يا باشا , انا كان عندى مشكلة شبه مشكلتك فى العربية الاونو

و كان فى حاجة جوه الاسبراتير بايظة و هى اللى بتعمل المشكلة , خامس ميكانيكى روحتله هو اللى عرف العيب و غيرلى القطعة دى و العربية بقت تمام الحمد لله

فعلا
حصل معايا نفس المشكلة فى الشاهين
والميكانيكى كان هيغرمنى اسبراتير جديد بـ 455 جنيه
وطلعت المشكلة فى الآخر من شاكوش الإسبراتير بـ 12 جنيه