حادثه كوميديه لواحد صاحبي
واحد صاحبي شغال ظابط في المرور و جاله بلاغ ان في ونش عمل حادثه علي الاتوستراد و طلع علشان يعاين الحادثه و كان اساسا رايح لخطيبته و معاه عربيه والده
فراح يعاين الحادثه بالعربيه مش بالبوكس علشان يطلع علي خطيبته بعد كده
و هو رايح كان عمال يشتم و يسب علشان هيتأخر علي معاده
وصل عند الونش و هوووووووووب و راح راشق فيه
اتاري الونش مسقط زيت علي الارض و صاحبي مخدش باله و هو بيفرمل العربيه زحفت لحد ما رشقت فيه
نزل من العربيه بخير بس بعد شويه خساير في العربيه
اهم حاجه انه نزل من العربيه متنرفز قوي لقي العساكر عمالين يضحكوا عليه قعد يضحك هو كمان