السلام عليكم وكل سنة وانتوا طيبين
انا كنت كاتب موضوع عن الكارينز انها حوالى 3 او 4 مرات كانت مزرجنة معايا فى الدوارة وقامت بعد حوالى 5 دقائق وكان تعليق مهندس الاستقبال ان لازم افتح الكونتاكت حوالى 5 ثوانى لغاية ما ترمبة البنزين ما تضخ شوية بنزين
بس بقى السبب ما كنش كدة خااااااالص بعد تكرار هذة الظاهرة رحت للتوكيل تانى واتكلمت بقى مع مهندس الصيانة المرة دى فقال لى خد بالك من لمبة الايمبوليزر اللى هى لمبة صفراء على شكل عربية بداخلها مفتاح بتنور معاك ولا لاء ولما عملتها معايا مرة تانية لاحظت ان اللمبة دى فعلا مش منورة ودة كان السبب فى ان العربية ترفض تدور وتحس انها مش واصلها بنزين رحت رايح امس وعمل re coding للمفتاحين والعربية الحمد لله زى الفل دلوقتى
انا بس حبيت اوضح تجربتى علشان اللى يحصل معاة حاجة زى كدة يخلى بالة من اللمبة دى وما يدوخش الدوخة اللى انا دوختها
المفضلات