تكدس مروري عند محور صفط

**ecybrarian** · 29-08-2011 05:17 PM

اهالى محور صفط اللبن يقطعون المحور و الطريق الدائرى بسبب انقطاع المياه عنهم و ازدحام مروري شديد هناك..دا منقول والعبرة على صديقي الذي نقل إللي الخبر..ياريت لو حد عنده معلومات اكتر يفيدنا

**mido** · 29-08-2011 07:15 PM

سمعت نفس الكلام في الراديو

**love7amada** · 29-08-2011 08:07 PM

الكلام حقيقي كنت معدي من ع طريق كرداسه كده لقيت ناس كتير و الدائري و محور صفط المتجه للجامعه متوقفين نهائي

**agwaa** · 29-08-2011 11:00 PM

فعلاً أنا كنت طلعت الدائري من مطلع الزراعي القادم من بنها ( كنت في المنصورة ) وبعد ما عديت على المحور ب 1 كم ( كنت في طريقي للوصلة الجديدة علشان أنزل نزلة كورنيش المعادي ) لقيت الطريق واقف ولقيت ناس بتعمل يو تيرن في نفس الطريق فعملت زيهم ورجعت نزلت المحور إلى ماسبيرو .....
بس على فكرة إللي بيحصل دة موش حل ولا منطقي
كل ما حد يجيله صداع أو شوية مغص يقوم يعمل إعتصام ويقطع طريق
بالذمة دة كلام ؟؟

**saadelden** · 29-08-2011 11:21 PM

اسوأ حاجه قطع الطريق !!
انت ماتعرفش الي ماشي في الطريق دا حالته ايه

و طبعا مش هتحل حاجه و انت قاطع الطريق

يمكن احنا الحكومه بتاعتنا زباله و مابتجيش غير بلوي الدراع
بس بردو دا مش تفكير منطقي
ايه علاقيه قطع الميه بقطع الطريق ؟؟

**love7amada** · 30-08-2011 04:50 AM

اهوه الاتنين قطع و خلاص
اصل انتم مش متخيلين مشكله المياه
اكيد محدش يستحمل ان المياه تقطع مع اذان الضهر و تيجي ع 12 بليل و تيجي تفتح الحنفيه الساعه 2 تلاقيها قطعت تاني لحد الصبح
يعني اليوم 24 ساعه المياه مش موجوده الا خلال 7 ساعات بحد اقصي و ف ايام اوحش من كده
و احنا ف رمضان و صيف الواحد محتاج يستحمي و عايز يطبخ و كده
تخيل انك تكون مضطر تنزل كزا مره ف اليوم و انت مش عارف تغسل وشك و جسمك ملزق
و لا تغيب من شغلك ف يوم عشان مفيش مياه تغسل وشك
الناس اه متصرقتش صح بس مشكله المياه ديه تجنن العاقل ما بالك بناس ببببسيطه زيهم

**SYD** · 30-08-2011 08:08 AM

عطشان يا صابايا مع ان انا بلدي النيل

حد يصدق في القرن ال22 ان بلد النيل (مصب النيل) في حتت فيها مافيهاش مياة ؟؟؟؟؟؟؟؟؟؟

الأغرب لما تلاقي البساتين مافيهاش مياة (البساتين علي النيل اساسا قبل المعادي بمحطة)

ولا حتة زي نهاية الهرم وفيصل يادووب لسة فاكرينهم بالمياة الصالحة للشرب من حوالي 10 سنين

ولا ولا ولا

الي بيعملوه مش حل وخدوا عاطل في باطل بس اعتقد دي طريقة لتوصيل صوتهم ولا تليفزيون نافع ولا صدقي في حبك شافع ولا واحد من الناس ولا كل الناس ولا عمرو الليثي ولا حتي عمرو دياب

لكي الله يا مصر

والله المستعان
،
،

**tutankhamoun** · 30-08-2011 09:09 AM

البلد بقى حالها يقرف .......و الناس تقرف
كل واحد مش عاجبه حاجة يعملي مظاهرة و يقطع الطريق
=======================
أنا مقدر موضوع المياه أن لا يمكن الأستغناء عنها
و لكن قطع الطريق ده جريمة
أفرض واحد في طريقه لأمتحان
أو واحدة حامل في عربية أسعاف
أو واحد رايح يعمل عملية
أو واحد في عربية أٍسعاف و محتاج علاج ضروري و كل ثانية مهمة في أنقاذ حياته
أو او او او او .......... الخ الضروريات كتيرة

اللي عايز يعمل حاجة ......... يروح عند مبني المحافظة يتظاهر براحته و يحتج براحته من غير ما يطع طريق الناس

مفيش فايدة بلد متخلفة و شعب متخلف و أناني

-

الموضوع: تكدس مروري عند محور صفط

LinkBack

أدوات الموضوع

عرض

تكدس مروري عند محور صفط - انشر الموضوع فى :

-

-

-

-

-

-

-

المواضيع المتشابهه

محور جديد لتخفيف تكدس السيارات علي طريق القاهرة الاسماعيلية

محور الشهيد و محور na - فين الحاجات دي ؟؟

تعديل مسمى محور الشهيد الى محور المشير طنطاوى

تكدس مروري في الطريق الدائري من المريوطية الي المنيب لاكثر من يوم

دليلك الى محور القاهره العرضى الجديد ( محور منشيه الجمل أو سكه الوايلى )

الكلمات الدلالية لهذا الموضوع

المفضلات

المفضلات

ضوابط المشاركة