طبعا فى زيوت فرامل و قريبا ان شاء الله هاكتب انواعها و اسعارها
الواحد متلخبط كاسترول ولا فالفولين ؟
السلام عليكم
انا لسه مغير زيت لسيارتى الصنى 2011 و استخدمت فالفولين بدلا من موبيل 1 و فعلا حسيت بفرق كبير من حيث هدوء الموتور و ادائه (التسارع و الاستجابة) و حاسس برده ببعض التحسن فى استهلاك البنزين على عكس الزيت اللى قبله تماما.
وشكرا
موضوع جميل
مش عارف انهي الأحسن في التلاتة وهل الزيت الألماني له وكيل في مصر ؟
طبعا يا باشا لية وكيل فى مصر . انا اشتريت الزيت منهم . و بصراحة كويس اوى . انا مشيت بية 8000كم و لما كشفت علية لاقيتة كويس و ممكن اكمل بية .
انا مجربتش الانواع التانية . انا جربت لكوى مولى علشان كان فية اصحاب ليا جرابوة و قالولى انو فرق معاهم و كمان المانى فطبعا اكيد نظيف .
ممكن اعرف ايه افضل زيت لسيارة لانسر 98 مانوال ، وشكرا على المجهود الرائع
بصراحه محتار بين Valvoline و moly !!
بص يا باشا ... انا اخويا عندة كورولا 2004 1600cc و جبتلة liqui moly اسمة Leichtlauf High Tech 5 W-40
فى الشركة قالولى ان الزيت دة لسة منزلش مصر علشان ال API : SN و دة اعلى زيت فى مصر . هو لسة حطة من يومين . هسألة اية الأخبار و فرق معاة فى اية و هقولك .
طب يا جماعة ايه افضل نوع دلوقتى بالنسبة لنيسان صنى 2012 صيانة 1000 كم ؟؟؟؟؟؟
بص يا باشا انا سألتة قالى انو حط الزيت بعد منظف المتور و حط منظف الحقن من عندهم بردة .
بس هو بيقولى ان العربية كانت بتقطع منة قبل كدة .فطبعا منظف الحقن الى جابوا عالج النقطة دى خالص . و منظف المتور بيقولى نزل حاجات ذى الفل طبعا فاهمنى يا باشا (عربية قديمة فالمتور كان مليان رواسب و غيرة ). و بالنسبة للزيت فرق معاة فى صوت المتور بقى اهدى كتير و استهلاك البنزين قل و سحب العربية بقى احسن بكتير .
و ربنا معاك ... اصل الموضوع دة محير اوى و الأتنين نزلوا فى نفس الوقت .
نقلا عن العضو المحترم Elmanahry
liqui moli
شكلها شيك جدا ومكتوب عليها made in germany الزيت ال high tech 4100 تمنه 250 جنيه وال injection cleaner تمنه 30 جنيه، الزيت معمول بتكنولوجيا اسمها سيراتيك يعنى ضايفين حبيبات السيراميك نصف مايكرو وده بيعمل زى المرهم ويقلل الاحتكاك وهو الزيت المعتمد لصيانة مرسيدس فى السعودية
وعنوان الشركة
مساكن الشيراتون مربع 1177 عمارة 3ج شقة 3 الدور الاول بجوار الاكاديمية البحرية الجديدة
هو فالفولين اللتر بكام وهل فيه عبوات واحد لتر ولا كله 4 لتر
وهل بيتغير كل 10 الاف كم ولا اكتر ؟
اصلى ناوى قبل صيانة ال60 الف اجيب منظف الانجكشن ليكوى مولى واغير موبيل لفالفولين
متجرب الكاسترول
الكاسترول فى ناس جربوه .. انبسطوا منه .. وخصوصا اعلى لزوجة فيه 10w60 .. لكن اللى جربوا الايدج والماجنتك كان عادى .. ولما غيروه وجربوا ليكوى مولى حسوا بفرق لصالح ليكوى مولى الالمانى والكلام ده والاثبات موجود فى موضوعات عندنا فى القسم .. فى تجربة احد الاعضاء مع زيوت واضافات ليكوى مولى
غير كمان تاكيد الكلام ان الزيت ده معاهد كبيرة فى مجال فحوصات الزيوت قامت بتجربته واختباره
واللى سمعته كان كالتالى ..
قام معهد الفحوصات الألماني المستقل APL إجراء سلسلة من الاختبارات
في المعتاد يختبر المعهد من أجل شركات صناعة السيارات المحركات وأجزاء المحركات. وعندما طلبت شركة LIQUI MOLY من المعهد إجراء الفحوصات كانت هناك مفاجأة كبرى: LIQUI MOLY هي الشركة الأولى والوحيدة في سوق ما بعد البيع التي طلبت طواعية من المعهد اختبار منتجاتها.
سيراتك هو مادة فائقة التكنولوجيا مضافة للزيت تحتوي على جزيئات سيراميك صغيرة. هذه الجسيمات تحمى المحرك وتقلل من الاحتكاك. معهد APLاختبر حماية التلف. تحت العبء المتزايد استمرت التروس في دفع بعضها البعض حتى تم الوصول إلى درجة معينة من التلف. مع زيت محرك عادي تم الوصول إلى مستوى الإجهاد الرابع. نفس الزيت وصل مع تكنولوجيا السيراتك إلى المستوى التاسع. هذه النتيجة توضح القدرة العالية على حماية التلف التي تقدمها السيراتك: فالمحرك يستمر لفترة أطول، ويحتمل أن تقل بذلك الأعطاب، وبفضل تقليل الاحتكاك يقل أيضًا استهلاك الوقود.
فعن نفسى قريب جدا .. حجيب زيت من عندهم وقولكم رائى فيه بالامانة باذن الله .. وحنجمع كل تجارب الاعضاء اللى استخدموا الزيت فى موضوع واحد عشان يكون مفيد للجميع .. وخير اطمئنان للجميع بالتجارب
تحياتى
الموضوع بقى محير جدا, الحاجة الوحيدة اللى متأكد منها إن موبيل 1 بقى سيئ جدا بالمقارنة بشيل و بالتأكيد أى نوع من ال3 دول
شكرا ليك يا احمد بجد على مجهودك الرائع فعلا كنا محتاجين المعلومات دى :B4_388:
و بخصوص النوع الثالث الألمانى انا حاسس انه زيت محترم و فعال
و انا ديما اشجع الألمانى ف كل حاجة
شكرا مرة اخر و زى ما الألمان بيقولوا Sehr Gut
Viele Danke
موضوع راااااائع
تسلم ايدك
يلا يا ابو حميد جرب وقولنا ايه الاخبار
أنا متحير يعني فالفولين ولا كاسترول ولا ليكوي مولي؟؟؟:penguin4::penguin4::penguin4::penguin4:
شكلها كده هاترسى على ليكوى مولى 5w40
في انتظار تجارب الاعضاء عن استخدامهم للزيوت المذكورة ان شاء الله
موضوع هام بالنسبة للاعضاء اللي داخلين علي تغيير زيت الموتور .. للرفع و التذكير
متابع
تفعيل الموضوع لافادة الاعضاء الجدد والاعضاء
وبالتوفيق .. وان شاء الله افادة موفقة للجميع
تحياتى