(موضوع كوميدي) عربيتي النيسان .. اتسرقت و ضاعت ورجعت
انا هخش في الموضوع علي طول
انا روحت اغسل العربية بتاعتي في مغسلة بإمكانيات عالية
المهم سبت العربية و اخدت المفتاح معايا و روحت مشوار
و لما رجعت للمغسلة ملاقيتش العربية خالص و لا كأني روحت بيها
المغسلة ديه عبارة عن صالة كبيرة و طويلة و مركونة جواها
عربيات خلصت غاسيلها و كمان عربيات لسة هتتغسل
و لازق في المغسلة جراج
المهم طلعت ريموت العربية و فضلت اضغط علي Panic
يمكن العربية تكون مركونة هنا و هنا لكن كل ما اضغط علي الزرار
اسمع بعض من عربيات النيسان اللي مركونة في الجراج بتعمل زي
ربع زمارة او نص زمارة و برده متطلعش عربيتي .. طبعا انا اتجننت
المهم هددت صاحب المغسلة اني هروح القسم و هعمل بلاغ
و الراجل ولا همه حاجه و فعلا روحت اعمل بلاغ لاقيت المحافظ
عامل مؤتمر في نص الشارع و بسأل ولد صغير هو فين القسم
لاقيه بيقولي دول مش موجودين دلوقتي و هييجوا بعد الساعة 6
المهم قابلت واحد في الشارع و انا معايا عربية سمرا معضعضة من الشنطة
او بمعني اصح متأكلة و اللي قابلني ده يقولي ازيك عامل ايه انت مش فاكرني
و انا بجاريه في الحوار و انا مش عارفه اصلا و عقلي شغال رايح جاي
عمال اقول هجيب من اين 90000 جنيه تاني و لو معايا المبلغ ده
مش هقدر ادفعه في عربية تاني
المهم بعد كده لاقيت نفسي صحيت من الكابوس ده بصراحة و كنت مخضوض
و بقيت ببوس ايدي وش و ظهر انه كان حلم مش حقيقي و بقيت بشكر ربنا بجد
طبعا العنوان مفذع لكن لو تعرفوا انا كنت عامل ازاي بعد ما صحيت كنت هتعذروني
بالذات ان احمد اف بي اي بيقول ان موديل 2009 اثبت من 2011 ههههههههههههههههههههههههه ههههه
تم تعديل العنوان ليتناسب مع المحتوي
مشرف عام 4