الاكسنت rb 2012

**heart_sugar** · 30-08-2011 03:09 AM

انا بقالي اسبوعين بدور على العربية ومش موجوده في اي مكان لا في المصرية ولا سمير ريان ولا في اي مكان حتى في الشركة مفيش وكل مسئل بيقولولي دي عمله زي البودره دلوقتي
لدرجه ان لقيت وحده في معرض وبيبعها 104000 الف يعني اعلا من سعر الشركه وبقيت المعارض
المهم انا اجلت لبعد العيد عشان قالو في غبور في مركب حتدخل بعد العيد ان شاء الله
انا محتاج مسعدتكم بجد
اخد الهاف لاين ب103 الف ولا اخد الفول ب110 الف والفرق بين الاثنين هو
ان الفول فيها جنوط 14 وطاره مالتي وفوانيس شبوره وغطاء عازل للموتور شيفين الموضوع يستاهل خصوصا اني حستلف المبلغ الفرق لاني واخد العربية قسط ولا اخد الهاف والحجات دي اوبشن واقدر اضيف الفوانيس بعدين
الحاجه الثانيه هي مسئله اللون انا حيران بين الفضي والفيراني لاني كان عندي لون اسود ومشكله كتير ومش ميال للاحمر والسماوي او البرونزي فانتم شيفين انهي لون احلا في العربية وبيظهرا ويستحمل وبيخفي الحكات ومش بيبان التراب فيه
ولو حد شاري العربية من مصر يا ريت يرفع لينا صور للعربية من بره ومن جوه
شكرا واسف على تعبكم

**cameeron** · 30-08-2011 06:10 AM

خد الفل احسن

**Ghosts** · 30-08-2011 08:17 AM

ممكن أعرف من حضرتك كماليات الهاف لاين ؟
أما بالنسبة للون فأنا شايف أن الفضى هو أجمل لون فى ألوان ال rb ....

**ahmed_m_ashraf** · 30-08-2011 09:23 AM

أنا مش مالك بس مهتم بالعربية. أحلى لون هو الأبيض بس أعتقد إنه الوكيل مش منزله للهاي لاين, فأقرب حاجة هى الفضي. بلاش الفيرانى , شفته عليها مش حلو.

الهاى لاين صالونها وتابلوها أحلى ( أسود لامع, بس شيك مش فلح) بالإضافى للكماليات إللى قولتها حضرتك. ويمكن يكون الجنط الألومنيوم أفضل لأن إللى جابها بالجنط العادي غالبا هيحتاج يجنط عشان يحسن الثبات لو بيسافر كتير.
والله أعلم

**heart_sugar** · 30-08-2011 01:24 PM

المشاركة الأصلية كتبت بواسطة ghosts

ممكن أعرف من حضرتك كماليات الهاف لاين ؟
أما بالنسبة للون فأنا شايف أن الفضى هو أجمل لون فى ألوان ال rb ....

الهاف
تكييف هواء يدوى - زجاج كهربائى - غلق مركزى للابواب - باور ستيرنج - مصباح فرامل خلفى علوى - ضبط ارتفاع كرسى السائق - مرايات تضبط كهربائيا - مرايات جانبية مزودة باشارات - مسند يد - فتح الشنطة من الداخل - راديو و سى دى - 4 سماعات - جنط 14 عادي

الهاي لاين
تكييف هواء - زجاج كهربائى - مرايات تضبط كهربائيا - مرايات جانبية مزودة بأشارات - غلق مركزى للابواب - زجاج ملون - مخادع راس قابلة للتعديل - باور ستيرينج - عجلة قيادة متعددة الوظائف - مصابيح ضباب - مصباح فرامل خلفى علوى - ضبط ارتفاع كرسى السائق - بلوتووث - مسند يد - عازل لغطاء الموتور - راديو و سى دى - 4سماعات - جنوط 14 سبورت

يعني الفرق هو
مصابيح ضباب - بلوتوث - عجلة قيادة متعددة الوظائف - عازل لغطاء الموتور - جنوط 14 سبورت

**heart_sugar** · 30-08-2011 01:33 PM

المشاركة الأصلية كتبت بواسطة ahmed_m_ashraf

أنا مش مالك بس مهتم بالعربية. أحلى لون هو الأبيض بس أعتقد إنه الوكيل مش منزله للهاي لاين, فأقرب حاجة هى الفضي. بلاش الفيرانى , شفته عليها مش حلو.

الهاى لاين صالونها وتابلوها أحلى ( أسود لامع, بس شيك مش فلح) بالإضافى للكماليات إللى قولتها حضرتك. ويمكن يكون الجنط الألومنيوم أفضل لأن إللى جابها بالجنط العادي غالبا هيحتاج يجنط عشان يحسن الثبات لو بيسافر كتير.
والله أعلم

شكرا ليك
انا سئلت العربية مش بتيجي ابيض ونادر لو لقيتها الا لو خليجي وبعدين الابيض لون التاكسي

بالنسبه لموضوع الجنط العربيه نزله بعجل مقاس 14 عادي والفرق لو خدت الهاي حيبقا برضو مقاس 14 بجنط اسبور من غبور يعني مغيرتش حاجه في العربية
انا سئلت على جنط 15 بتاع الالينترا في التوكيل قالي ب550 جنية لانه شكله على العربية تحفه واقوى يعني حيبقا سعر 5 فرد 2750 جنية غير العجل يعني من الاخر 6000 جنية

مش عارف اداين 7 الف واخدها فول ولا اخدها هاف وكل فتره اضيف فوانيس الشبورة و جنوط ولا اخلص نفسي واجيبها فول

**heart_sugar** · 30-08-2011 01:39 PM

المشاركة الأصلية كتبت بواسطة ghosts

ممكن أعرف من حضرتك كماليات الهاف لاين ؟
أما بالنسبة للون فأنا شايف أن الفضى هو أجمل لون فى ألوان ال rb ....

الهاف
تكييف هواء يدوى - زجاج كهربائى - غلق مركزى للابواب - باور ستيرنج - مصباح فرامل خلفى علوى - ضبط ارتفاع كرسى السائق - مرايات تضبط كهربائيا - مرايات جانبية مزودة باشارات - مسند يد - فتح الشنطة من الداخل - راديو و سى دى - 4 سماعات - جنط 14 عادي

الهاي لاين
تكييف هواء - زجاج كهربائى - مرايات تضبط كهربائيا - مرايات جانبية مزودة بأشارات - غلق مركزى للابواب - زجاج ملون - مخادع راس قابلة للتعديل - باور ستيرينج - عجلة قيادة متعددة الوظائف - مصابيح ضباب - مصباح فرامل خلفى علوى - ضبط ارتفاع كرسى السائق - بلوتووث - مسند يد - عازل لغطاء الموتور - راديو و سى دى - 4سماعات - جنوط 14 سبورت

يعني الفرق هو
مصابيح ضباب - بلوتوث - عجلة قيادة متعددة الوظائف - عازل لغطاء الموتور - جنوط 14 سبورت

انا ميال للون الغامق الفيراني و الاسود بس هما مش حلوين على العربية ومش بيبنو تفاصيل العربية بس هما بيدو برستيج والفضي شكله حلو على العربية ومبين التفاصيل ومديها طول بس مش شيفه منتشر اوي ومش مدي ميزه
على العموم انا ميال للفضي زيك
بس رايك ايه في اللون النبيتي؟؟؟؟

**حماده المصري** · 30-08-2011 02:23 PM

لو تفرق معاك الفروقات الي موجوده هاتها هاي لااين لو متفرقش متجبهاش

خصوصا اني شايف ان الفروقات مش جوهريه ومش مهمه اوي انصحك بالعاديه مش حرام تدين نفسك زياده

وكبر دماغك من اي جنط اوريجينال لو تحب بعدين تجيبلها جنط 15 هتجيب اجدع جنط واضف ماركه كاوتش ب 5 الف جنيه اخرك

**Ghosts** · 30-08-2011 05:00 PM

المشاركة الأصلية كتبت بواسطة heart_sugar

يعني الفرق هو
مصابيح ضباب - بلوتوث - عجلة قيادة متعددة الوظائف - عازل لغطاء الموتور - جنوط 14 سبورت

يا راااااااااجل ....
أنا كنت فاكر الهاى لاين هيبقى فية Abs & ebd ....
لا ياعم الكماليات دى مش مستاهلة أن الواحد يستلف علشانها ....

وبالنسبة للون ....
أحنا عندنا فى شارعنا عربيتين RB واحدة فضى والتانية نبيتى بصراحة لما بشوف الفضى بتهبل ....

**memo823000** · 30-08-2011 05:24 PM

المشاركة الأصلية كتبت بواسطة حماده المصري

لو تفرق معاك الفروقات الي موجوده هاتها هاي لااين لو متفرقش متجبهاش

خصوصا اني شايف ان الفروقات مش جوهريه ومش مهمه اوي انصحك بالعاديه مش حرام تدين نفسك زياده

وكبر دماغك من اي جنط اوريجينال لو تحب بعدين تجيبلها جنط 15 هتجيب اجدع جنط واضف ماركه كاوتش ب 5 الف جنيه اخرك

طبعا +11111111111111111
والافضل ادور على الجنط 16 الاصلى بتعها وممكن تلاقيه فى الحرفيين لو ملقيتوش اشترى جنط ماركه محترمة واجيب كوتش بريدجستون يابانى مقاس 195/50/16 زى اللى بينزل فى اعلى فئه