اكتبلى موبيلك و انا هتصل بيك
عرض للطباعة
اكتبلى موبيلك و انا هتصل بيك
ممكن حضرتك لو معاك شوية بنزين صغيرين حطهم في الكربرتير وشغل كده هتلاقي العربيه بتدخن والكلام ده مش مشكله ولو كان كده اعرف ان ده عيب في الكاربرتير
او العربيه مفيهاش بنزين
انا متشكر جدا, انا حاولت اشيل سلك الموبينا (اللي في نص الاسبراتير) و المسه مع صاج و ادور مافيش شراره, و حاولت برضه ازق و ارمي مفيش, انا مكنتش عارف اتصرف في العيد عشان كله مأجز, ان شاء الله بكره اروح لميكانيكي و نشوف, تنصحوني اروح لميكانيكي و لا كهربائي, هي كده الموبينه راحت و لا ممكن يكون في مشكلة في الكهرباء؟ ثانين هل السخونة تبوظ الموبينا!!! العجيب انها دارت بعد موضوع السخونة عادي بس لما سبتها لتاني يومم بخخخ
ابقى قولنا عملت ايه
بص هو انت المفروض متلمسهاش بس تخليها قريبه منها اوى عشان تعمل شرز بس لازم تكون حته صاج او حديد يعنى وميكونش فيه عازل مثلا زى بويه او اى حاجه من الحاجات دى
المهم لو مفيش شرز يبقى كارته المهربه مش البوبينه او سلكه من الاربعه اللى راكبين فيها مخلوع من مكانه برضو ابقى طمنى
فعلا كانت سلكة من الاربع سلكات وقعت :tumb: المهم ركبتها و العربية دارت بس شوية و السير نطر تاني, فضلت ماشي واحده واحده افصل و ادور عشان تبرد, وبالصدفه قابلت ميكانيكي في الطريق (اصلي ساكن في الهو) ومعاه سير هو كان اوسع بس هو شد الدينامو لأن الدينامو عندى على مجرى المهم دارت و مشيت لحد الميكانيكي بتاعي بص على السير و على غطا الزيت (مفيش طحينه حتى الان) الحمد لله, انا متشكر جدا ليكم و خصوصا مهندس احمد سيد اللي كلمني في التليفون في العيد
بس انا عندي كام سؤال يا ريت تجوبوني , الفليشيا اول عربية اسقوها فا معنديش خبره عن العربيات التانية مقارنة بيها
1. انا شايف ان موضوع السير ده عيب خطير جدا في الفليشيا , هل ليه علاج؟ او يكون فيه خطة ب بحيث لو السير نطر او انقطع الطرمبة تفضل شغالة؟؟
2. العربية بتسخن بطريقة بشعة لو في اي عيب بسيط في دورة التبريد, هل كل العربيات كده, انا واحد صحبي معاه لادا قالي انه راح العين السخنة و المروحة كانت مكسورة بس عشان هو ماشي بسرعة بس اول ما دخل المدينة العربية سخنت و هو بطلها, انا معتقدشي الموضوع ده ينفع مع الفليشيا
3. في واحد قلي ان المفروض اغير الزيت عشان العربية سخنت عشان لزوجة الزيت اكيد قلة او الزيت اتحرق, ما حقيقة هذا الامر؟
و شكرا قوي
لا شكر على واجب يا صديقى
دة انا كنت زعلان لانى مكنتيش عارف اجيلك بس انا قولتالك لما سمعت صوتها فى التليفون اكيد فى وصلة من الوصلات سقطة وانا قولتالك صوتها كدة مشكلة كهرباء لما قعدنا نجرب الوصلات ونبدل ونغير بس انتا اكيد النهار فرق معاك الحمد للة جت بسيطة المهم خلى بالك المرة قلى جاية
وان شاء الله تكون اخر عطل
فرحان جدااااا انى هى طلعت بسيطة
الله ينور واى خدمه فى الفيليشيا او اى حاجه تخصها الحمد لله اقدر اجاوبك عليها
طب حد يجوبني بقى؟ :d