سير الدينامو نطر من مكانه و العربية وصلت للاحمر

**asaid** · 30-08-2011 03:23 AM

وانا ماشي بالعربية (فليشيا 96) فجأه لمبة البطارية نورت و ثواني مؤشر الحراره جاب الاخر و سمعت صوت غليان رهيب في القربة كل ده في ثواني!!!!
المهم بطلت العربية لقيت ان سير الدينامو نطر من مكانه و مقلوب(يعني الشرشره لفوق)
انا مش عارف هو اتقلب لوحده ولا مع اخر تصليح عند الميكانيكي اتركب بالعكس!!!
المهم انا ركبت السير تاني و ربنا يسهل متكونش جابت وش سلندر, السؤال ايه علمات وش السلندر؟ و انا عايز اغير سير الدينامو لأنه متاكل منه حته , فما هو مقاس السير؟؟
كل سنة وانتم طيبين

**AhMeD MeTwAlY** · 30-08-2011 04:53 AM

ميه من الشكمان وخلطت مايه بزيت اساسي موضوع الميه بتاعت الشكمان
والحراره تعلي بس مش تخاف الفليشيا وخده علي كده

**asaid** · 30-08-2011 12:09 PM

المشاركة الأصلية كتبت بواسطة xmanx51

ميه من الشكمان وخلطت مايه بزيت اساسي موضوع الميه بتاعت الشكمان
والحراره تعلي بس مش تخاف الفليشيا وخده علي كده

شكرا, طيب مقاس السير بتاع الدينامو عشان اعرف اجيب زيه من غير ما شيله؟؟

**asaid** · 30-08-2011 04:37 PM

بسيط على الزيت ملقتش طحينه, بس العربية مش عايزة تدور , انا لما سخنت مني بطلت و سبتها تبرد و بعد كده زودت مياه و عدلت السير و دورت دارت تمام(كل اللمض مطفيه) كل ده كان امام البيت فما مشيتشي بيها اللا بتاع متر كده عشان احضن العربية
النهارده جاي ادور مش يدور صوت مرش و المتور مش بيلقوت خالص!! ده ممكن يكون ايه؟؟؟
في حاجة باظط من السخونية اكيد, بس هي ليه دارت عادي بعديها بكام ساعة!!!

**dado_256** · 30-08-2011 06:36 PM

بص يا باشا اولا غلط انك زودت ميه والعربيه مش دايره اساسى فى اى عربيه لازم تبقى دايره عشان تزود ميه طالما العربيه فيها نسبه سخونه حتى لو كانت بسيطه
بس بأذن الله خير ومتقلقش وموضوع انها مش بتدور ده انا مش عارف قصدك يعنى هل هى دارت دلوقتى ولا لسه زى ما هى ؟؟

**asaid** · 30-08-2011 07:29 PM

المشاركة الأصلية كتبت بواسطة dado_256

بص يا باشا اولا غلط انك زودت ميه والعربيه مش دايره اساسى فى اى عربيه لازم تبقى دايره عشان تزود ميه طالما العربيه فيها نسبه سخونه حتى لو كانت بسيطه
بس بأذن الله خير ومتقلقش وموضوع انها مش بتدور ده انا مش عارف قصدك يعنى هل هى دارت دلوقتى ولا لسه زى ما هى ؟؟

انا زودت المياه بعد 3 ساعات يعني المفروض تكون بردت, العربية دارت على طول بعد ما ظبت السير و سبتها دايره بتاع شوية و بطلت, النهارده الصبح بدور مش عايزة تدور جاربت بتاع 10 مرات سبتها و طلعت البيت

**dado_256** · 30-08-2011 08:11 PM

طيب اولا هضرتك هتشيل اى كابل من البوجيهات وتمسكه وتخليه قريب من صاج الموتور او العربيه وتخلى حد يدور المارش مره كده اكنه بيدور لو لقيت بيحصل شرز بين طرف السلك والجسم اللى انت مقربه منه بس لازم يكون حديد يعنى ف .يبقى كده تمام والكهربه سليمه بس ممكن تكون قاطعه بنزين او حاجه كده لو مفيش كهربه يعنى شرز بيحصل يبقى فى مشكله فى الكهربه هتحتاج كهربائى يبص عليها والاحتمالات ممكن تبقى كارته الكهربه او الموبينه ممكن تكون انت وانت بتركب السير تكون ايدك شدت سلك ولا حاجه من الكارته برضو شيك على الاسلاك اللى متوسله من الاسبرتيتر والكارته وربنا معاك وطمنى

**dado_256** · 30-08-2011 08:12 PM

لو معرفتش تشيل الكابل بتاع البجيهات شيل الكابل الىل طالع من البوبينه ورايح على الاسبراتير هتلاقيه فى نص الاسبراتير وقربه زى ما قلتله وخلى حد يدور وشوف فيها كهربه ولا لأ

**EngAhmedSayed** · 30-08-2011 10:42 PM

انا استقبلة رسالة حضرتك
و ان شاء الله خير و بسيطة باذن الله
الموضوع
انى السير اتقطع او سقط من على الطنابير
دة عيب كبير قووووى فى موتور الفلشيا
و ان شاء الله لقيت حل جميل قووووى للموضوع ده و هنفذة باذن الله و هعرضة فى القسم بتاعنا
لانى حصل معايا من 4 شهور كدة بس انا الحمد لله علشان عندى سرعة بديها بتطلت بسرعة
انتا بقى حضرتك
اول ما اكتشفة الموضوع بطلت بعد قد اية كدة لو الموضوع مستغرقش منك اكتر من 15 ثانية
يبقى ان شاء الله سليمة
بعد ما قريت موضوعك و ردك الاخوة فى الغالب فى وصلة من الوصلات سقطة ممكن و انتا بتركب السير ممكن خبطة كدة او اى حاجة
طيب ممكن تتصل بية او اكتبلى رقم موبيلك و انا اكلمك و افهم منك بالظبط
لانى مش مجمع مع الكتابة
موبيلى
0126880055
0146880055
0166880055
اتصل على اى موبيل يعجبك و فى اى وقت حتى لو باليل