نهاية مسلسل آدم

**greenday** · 30-08-2011 12:55 PM

مسلسل آدم من المسلسلات اللى شادتنى لمشاهدتها فى رمضان بالرغم انى بدات اتابعه بعد اول عشر حلقات وبالرغم انى مش من محبى تامر حسنى بس بصراحة النجوم اللى فى المسلسل رفعوه جدا وبالذات ماجد المصرى فى دور سيف الحديدى انا شايف ان ده احسن دور ليه فى تاريخه الفنى بس المسلسل نهايته حزينة جدا بس كنت متواقعها وحسيت ان تامر حسنى هو اللى طلب ده عشان يحسن موقفه من الثورة الحلقتين الأخيرتين كلهم مشاهد تعذيب كانوا صعبين قوى بس عموما المسلسل كويس جدا فياترى رايكم ايه فى المسلسل وبالذات النهاية بتاعته

**eng.m7md.ali** · 30-08-2011 08:00 PM

جايزة احسن دور لماجد المصري لانه اكتر دور واقعي في المسلسل

**masterzmind** · 30-08-2011 08:16 PM

مسلسل زى الزفت

**crazylambada** · 30-08-2011 10:20 PM

مسلسل لا يستحق التعليق اصلا :s

**SonaSteel** · 30-08-2011 11:59 PM

انا شايف ان دور ماج المصري كويس
بس مفكرتوش ان ده اللي كان بيحصل بجد ..... والحمد لله والحمد لله والحمد لله والحمد لله والحمد لله والحمد لله والحمد لله ان ربنا خلصنا منهم ومن اشكالهم .....اديكوا شوفتوا انهم قربوا يفتكروا نفسهم ألهه ونسيوا ربنا عز وجل
واهم مكسب للثورة ان احنا مش هانشوف الاشكال الـ .تتتتت ... ديه تاني ان شاء الله .
----------------
وشوفته الجزء اللي (احمد زاهر) انكم بتلبسوا الشيوخ بدل رقص و تجيبوا عائلتهم قدامهم وكذا كذا ... ديه حقيقة وفي ناس دخلت ومخرجتش واعرفهم شخصيا
وذنبهم ايه الا ان قالوا ربنا الله ...... حسبي الله ونعم الوكيل
-------------
بس بصراحة كان واحد بس لو غيروه المسلسل هايبقي رائع .... ادم نفسه
تعابيره و ردود افعاله عقيمة ....... اي حد تاني كان دورهم رائع ... بصرف النظر اني كنت بشوفه غصب واقتدار ههههه
اقعدوا بالعافية :))

**ZALABANY** · 31-08-2011 01:41 AM

أنا المسلسل شدني بصراحة بس النهايه زعلتني كان نفسي سيف الحديدي ده يولع بجاز حسبي الله ونعم الوكيل في كل الأشكال دي وربنا ينتقم من كل اللي كانوا بيعذبوا الناس بالشكل ده وبيظلموهم

**misoalex** · 31-08-2011 06:33 AM

حاجه غيظانى اوى

ان المسدس بعد موقع من ايد تامر حسنى كان جنب مى عز الدين
يعنى كالنت ظبطت ماحد المصرى بكام طلقه وريحت قلوب الناس اللى كانت بتتفرج على المسلسل
بس اكيد المخرج عاوز كده :)

والمسلسل كان حيبقى افضل مسلسل هذا العام لو اتعمل حاجتين

كان يتزاع على اكتر من قناه
وكانو جابو حد بدل تامر حسنى