مشكلة في نيسان صني محيراني

**engamoor** · 05-09-2011 10:36 AM

الله يجزيك خير على المتابعة معايا
انا شفت الزيت لقيته تمام وبعدين انا اولا اوصل للموضوع القريب منه ازاي
وممكن ميل لحضرتك على الياهو علشان اعرف اكلمك عليه او الفيس بوك

**SonaSteel** · 05-09-2011 04:39 PM

طبعا ياهندسه تنورني
sonasteel@hotmail.com
sonasteel @ facebook
وبردوا خليك متابع معانا هنا... وان شاء هاتستفاد اكتر بكتيير... في اعضاء معانا فاهمين اكتر مني بكنير... وان شاء الله يفيدوك;))
مستني الاضافه بقي علشان اتعرف علي حضرتك;))

**engamoor** · 06-09-2011 10:35 AM

وبردوا عايز اعرف امتى احتاج انظف الانجشن

**FBIAhmed** · 06-09-2011 07:13 PM

باشا اسمع انا خبره و كنت فاتح مركز صيانه اولا

الاستهلاك زياده بنسبة 20 % تقريبا

1- اظبط ظغط الكاوتش
2- ازبط زوايا
3- قيس العربيه على الجهاز في التوكيل و اعملها idle learning و ريسيت وشوف لو فيها اي dtc يعني لو حساس مخرف هيبان
4-اطلع على الصفا بتوع قياس المواتير و قيس كبس الموتور و قيس co و هما لو لقوا نسبة ال co عاليه هايقولوك ايه الي فيها
الصفا ده في اخر جسر السويس قصاد عمارات الفاروقيه فيه بنزينه موبيل هاتخش بعدها يمين هو في اخر الشارع و عنده جهاز تنضيف و فحص الرشاشات بال ultrasonic فمتقلقش هايجبولك من الاخر
و ده الموقع بتاع مركز خدمة الصفا

http://www.elsafaservice.com/inj.html
بس امشي بالترتيب ده عشان الاستهلاك

بخصوص موضوع نقص الميه

لو فيها مشكله جوان وش سلندر العربيه هاتسخن منك لو جريت بيها فوق 130 و انت فاتح تكيف غير كده او في البلد لو قعدت بيها فتره طويله و انت واقف في الزحمه و فاتح التكيف غير كده
يبقى تسريب صغير و ممكن اي حد بتاع ردياتير يكشفه و في واحد في الحرفيين اسمه خالد بطئ تقريبا حاجه كده ممتاز

**Bishoy.Girgis** · 07-09-2011 02:41 AM

عزيزي المهندس عمرو
اولا اهلا بيك بقسم نيسان نايل موتورز .. بصراحة انا نفسي تاخد العربية و تروح التوكيل و تعمل صيانة لأن 250000 كيلو كتير اوي و اكيد في مستهلكات عايزة تتغير و اشرح ليهم كل المشاكل اللي بتقابلك لأن انت عربيتك كده بتستهلك بنزين عالي جدا لأن مش 1300 سي سي اللي تستهلك ده كله و بعدين موضوع قربة المياه اللي بتنقص ده هام جدا جدا
لازم تروح بالعربية التوكيل و تكشف كويس جدا عليها عشان متعملش معاك مشكلة في المشي و ابقي طمنا عليك

**engamoor** · 07-09-2011 11:43 AM

اولا اشكركم جميعا على الاهتماموده والله عندي كفاية
ثانيا اللي ان فهمتوا من كلام حضراتكم اني احط العربية على جهاز الكمبيوتر وبعدين اشوف موضوع الرشاشات وبوابة الاكسجين وبعدين اكبس الريدياتير واشوف موضوع تسريب الميه
وبعدين هل فعلا موضوع ظبط الزوايا يعمل كده
وبرده ممكن اعمل الكلام ده فين وياريت يكون حد من حضراتكم جرب المكان ده