روحت من يومين لواحد بتاع عافشه بس راجل بجد خبره خبره يعني محترم ونضيف جدا في تعامله بنتعامل معاه من اول ما اشترينا عربيات في السبعينات (زمن)
المهم العربيه بقالي سنتين معملتش حاجه في العافشه كله تربيط اخر كنت جبت تيشات وكوبلنين للعربيه ده من سنتين ودي كانت اخر حاجه عملتها فيها طبعا مع الظروف الصحيه للطرق المصريه وبالاخص عندنا هنا في الشرقيه حاجه زيه الفل بسم الله ما شاء الله المطب دورين حاجه ملهاش حل هتخبط العربيه هتخبط العربيه
المهم العربيه ظهر فيها خربطه من كام شهر كده يعني بتاع 5 شهور وانا منفض لان مش بركب العربيه كتير قولت احن عليها واعمل العافشه عشان كده بجد حراااام
روحت للراجل الصبح الساعه 9 قالي الاسكتر فيها فيبرا بتتغير هي الي عمله عندك الخربطه دي كلها قولتله فك ونغير ولو محتاج سكترا ننزل نجيب دلؤقتي قالي لا هي الفيبرا دي بس
المهم فك وطلعنا الفيبرا لونها ابيض قالي دي بتتاكل من كتر المطبات وكده روحت اشتريت واحده تانيه بـ 4 جنيه وجبت بتاعه كوتشه كده بيقولو عليه بيانو او مزيكا مش فاكر بـ 10 جنيه وعلبة شحم 10 و 4 قفزان بجنيه
ورحت للراجل ركبها وركب البتاع الفيبر دي وبعدين وهو بيركب بص علي التيشرات قالي دي عايزه تتكبس قولتله طبعا كبس يمين وشمال انا مركب الاتنين مع بعض
اخد في الفيلم ده كله 50 جنيه وطبعا الصبيان اخدو العديه
والعربيه طلعت من عنده مفيش فيها الهوي لخربطه ولي تكتكه ولي اي حاجه خالص
وسألته علي موضوع ان اركب ماتور 1600 سي سي علي نفس العافشه قالي لو في 2000 هات انت راكب سكودا مش 128
ايه رأيكم في موضوع ماتور 1600 انا عايز الماتور بوحدة التكييف كامله يعمل كام؟؟
وسرعة العربيه اخرها كام؟؟