بالظبط هو ده اللي بنتكلم فيه فين السوزوكي غير الماروتي و الفان و لو لاحظت اي حد عايز يجيب ميكروباص يجيب الفان
عايز نقل صغير و تشيل
يجيب السوزوكي منها سعرهم رخيص و ياباني و بتستحمل
ديه موديلات 2011 من السوزوكي ادخلوا و شوفوا
مش احنا اللي مش شايفين غير الماروتي و سعرها بقي اعلي كمان
Suzuki Auto : All Models
http://www.tarooti.net/upfiles/jnj39884.jpg
اصلا سبب نجاح الماروتى والفان هو السهولة التامة فى التعامل معههم خارج التوكيل وتوافر قطع غيارهم واعتماديتهم العالية، الموديلات الأخرى مش ناجحة بسس اضطرار اصحابها للتعامل مع التوكيل اللى بيعمل كل حاجة فى الدنيا تضمن ان محدش يغلط ويقول عليهم كلمة كويسة
فعلا و ده اللي بنتكلم فيه
ليه ميطبقش الكلام اللي اتقال في اول الموضوع من معاملة و توافر قطع غيار و اسعار كويسة
هنلاقي السوزوكي ساعتها زي الهيونداي و الكيا و بمكن اكتر كمان لأنها عربيات تستحق
و بحس انها مناسبة للبهدلة بتاعتنا ههههههههه بالاضافة للتصميمات الجميلة
سوزوكي كيزاشي مش بتنزل مصر عشان 2000 سي سي تقريبا وكده هيبقى سعرها عالي اوي
صاحب توكيل مودرن موتورز عبد المنعم سعودي
بس على فكره انا حاسس ان مشكلة توكيل سوزوكي مش في مصر بس ... يعني سايت فنات السوري بتاع تقييم السيارات برضو بيشتكو من الوكيل هناك وخدمة مابعد البيع من صيانه وقطع غيار بس الفرق ان عندهم خدمة البيع والدعاية كويسه غير هنا حتى المبيعات مش مهتمين بيها
وفي السعوديه نفس القصه التوكيل بيشتكو منه
على النقيض تماما .. توكيل سوزوكي في الكويت ( مصطفى كرم ) سمعته ممتازه ومن احسن توكيلات السيارات في الكويت ... حتى قطع الغيار ارخص من هنا بكتير وكلها متوفره ... يعني هنا ماكنتش لاقي علامة sx4 ولا لاقي علامة سوزوكي اللي في الجنط .. بعت جبتهم من الكويت
تصدق بالله ... انا بفكر نفس تفكيرك ده ... خصوصا لما بروح اعمل صيانه واحس اني بقضي مصلحه حكوميه
مفيش اهتمام بالعميل
حتى اسعار العربيات ... الsx4 السيدان انا اشتريتها من التوكيل ب 107 الف .. وكنت بفكر انزلها من الكويت لقيتها هناك ب 4000 دينار يعني قول ب 80 الف جنيه + جمرك 65 الف يبقى كانت هتقف عليا ب 145 الف جنيه !!! والمفروض انها نفس العربيه والاتنين مواصفات خليجي ونفس الاوبشنز
ودي صورة من الاهرام فيها جمرك الsx4 ( معلش التصوير وحش )
http://img103.herosh.com/2011/09/05/899892237.jpg
مأساة السوزوكي في مصر في توكيلها (مجازا هاسميه توكيل) توكيل ما بيسوقش للعربية اساسا .... بيستهبل في الاسعار ... بيروقراطي لاخر المدي ... مافيش موزعين معتمدين .... بالمناسبة انا بعت لسوزوكي الهند وسوزوكي اليابان باشتكي من التوكيل ده ... الحل الامثل ... توكيل تاني يدخل في المنافسة
هو مش المفروض ان الشركة الام فى اليابان بتطلب من وكلائها فى كل دول العالم نسبة مبيعات سنوية وحصة معينة من السوق market share