السلام عليكم
انا ناوى اجيب عربية مستعملة فى حدود 45 - 50 و فكرت فى العربيتين دول ..... اية رايكم و مانيوال احسن و لا اوتوماتيك و لو فيه موديلات سنين احسن ؟؟ و لو فيه حد عنده اقتراحات تانية يبقى كتر خيره
شكرا
عرض للطباعة
السلام عليكم
انا ناوى اجيب عربية مستعملة فى حدود 45 - 50 و فكرت فى العربيتين دول ..... اية رايكم و مانيوال احسن و لا اوتوماتيك و لو فيه موديلات سنين احسن ؟؟ و لو فيه حد عنده اقتراحات تانية يبقى كتر خيره
شكرا
فيرنا طبعا .........موتور -عفشه -تكيف - استهلاك بنزين :::::::::> النوبيرا استهلاك بنزين عالى جدا عفشه سيىه جدا و....................... بالتوفيق
انا رايي الفيرنا افضل فى كل شىء
لكن النوبيرا اوسع ولكن استهلاك البنزين اعلى
http://www.nilemotors.net/Nile/225486-a.html
http://www.nilemotors.net/Nile/190974-a.html
http://www.nilemotors.net/Nile/47586-a.html
http://www.nilemotors.net/Nile/56886-a.html
ولو دورت شوية كمان هاتلاقي مواضيع كتير ليهم
موفق ان شاء الله
بالنسبة للمحرك: لو الاتنين مانيوال هتلاقى الفيرنا فى الطلعه احسن بس بعد كدة هيبقوا متعادلين والفرق هيبقى سواق او حالة العربية
بالنسبة للثبات : النوبيرا طبعا بكتييييييير
بالنسبة : لاستهلاك البنزين : الفيرنا بتعمل 180-190 كم داخل المدينة والنوبيرا بتعمل يدوبك 170 بالعافية
بالنسبة لقطع الغيار وتوافرها : الاتنين بسعر واحد تقريبا وموجودين فى كل حتة جديد واستيراد
بالنسبة للتحمل : الاتنين واحد مافيش اى اختلاف بس الفيرنا عفشتها بتقعد اكتر من النوبيرا بس النوبيرا ليها حل وهو قطع الغيار الاسبانى
اعادة سعر البيع وسرعة البيع : واحد بردة
التقفيل والخامات : الاتنين واحد مع انى بميل اكتر الى النوبيرا
الانعم على الطريق : الفيرنا
بالنسبة للتكييف : الاتنين قريبين من بعض واللى يقولك تكييف الفيرنا دة ثلاجة لا هو تكييف جيد جدا واحسن من عربيات كتير بس مش للدرجة يعنى عادى لو حد راكب يابانى هيلاقى ان تكييف الفيرنا بالنسبالة عادى لكن اللى راكب المانى هيقولك تلاجة
دية كل الملاحظات على السيارة ولك الاختيار
شكرا جزيلا على ردودكم السريعة المحترمة