اسرائيل بتطلعلكم لسانها فى العيد وبتقولكم ... كل عيد وانتم طيبين

**No Comment** · 31-08-2011 03:40 AM

بعد ما نزل العلم الاسرائيل من على السفارة ... وبغض النظر عن مين اللى نزله .
راحت اسرائيل عملت ايه بقى للرد ...!
قالت مش انتوا شيلتوا علمنا الوحيد الجميل بنجومه الزرقاء من فوق السفارة ...!
طيب احنا بقى هنعيد عليكم و نخلى حياتكم ومنتدياتكم كلها مليانه بنجومنا الزرقاء الحلوة اللى بتدل على الصفاء والنقاء الجميل .
لا وكمان هنحط فى اعلاناتنا دعوات للتعارف والتواصل اللى أكيد هيبقى مثمر فى الفترة اللى جاية ... لانكم هتكونوا اتعودتم على نجمتنا ومش هتقدروا تستغنوا عنها وهيحصل بينكم وبينها ألفة مع الزمن بما انكم شعب عشرى .
وابقوا شيلوا علمنا تانى براحتكم بقى ... وكل سنة وانتم طيبين وعيد ازرق عليكوا .

**heshamzaky** · 31-08-2011 03:45 AM

هههههههههههه أنا فعلا شايف نجمة داود الى على العلم الاسرائيلى منتشرة فى مواقع كتير جدا البركة فى جوجل ههههههههههههههههه
بس مش مهم أية يعنى لما ألاقى العلم مش مهم و لا حا تفرق معانا يا باشا خليهم يولعو هههههههه

**No Comment** · 31-08-2011 03:53 AM

كل سنة وانت طيب يا استاذ هشام .
بس انا اعترض على الهجمة الاستفزازية دى ... وخصوصاً انها على دخلة العيد .
فكرتنى بأعدام صدام فى العيد ... وحاسس انهم بسلطاتهم ونفوذهم على جوجل قاصدينها رداً على انزال العلم بتاعهم .
لانها زات مرة واحدة كدة وبشكل مستفز جداً ... وحسيت انهم زى ما يكونوا بيطلعولنا لسانهم وبقولولنا كل سنة وانتم طيبين .

**heshamzaky** · 31-08-2011 04:05 AM

و أنت طيب يا باشا بس و لا يهمنا هو يعنى النجمة حا تغظينا و لا الهوا هههههههههههه
خلى بالك الحركة دة ردة فعل و معناها أنهم متغاظين جدا

**No Comment** · 31-08-2011 04:37 AM

ابطالنا شالوا وحرقوا علم اسرائيل ... فى حركة مقدرشى يعملها كذا جيل .
بعد ما ازالوا علمهم الهزيل ... اللى كان ظاهر بجوار النيل .
ومشوه منظر ضفافه الجميل ... وموت جنبه كل شئ أصيل .

وبعد ما نزل واتحرق خلى كل اسرائيلى زليل ... علشان عرف يعنى ايه قوة المستحيل .
بس للأسف كان ردهم زيهم خبيث ورزيل ... وفى عيدنا غرقوا بأعلانهم السئيل .
ولهذا أختم حديثى فى سكون الليل ... وأقول حسبى الله ونعم الوكيل .

**tarekzein** · 31-08-2011 01:58 PM

والله يانوكومنت

أنا شايف إننا شعب طيب وعاطفى جدا جدا

موضوع إنزال العلم موضوع معنوى فى المقام الأول

ومخالف للأعراف الدبلوماسيه ثانيا

وإترفع وهيترفع تانى للأسف ثالثا

أما الإعلانات فأنا مبشوفهاش تلقائى

لأن عينى متعوده تفلتر اللى بتشوفه لوحدها

وبتركز بس على مشاركات الأعضاء

وبعدين لو دى إعلانات تعارف

فلنأخذ من كل رجل قبيلااااااااااااااااااااا اااااااااا

**No Comment** · 31-08-2011 03:50 PM

بص يا misoalex من الواضح كدة انها مقصودة فعلاً ... ده حتى رد الاستاذ كريم منير كان بيقول فيه انهم حاولوا يفلتروه وفشلوا .
وده جزء من مشاركته ...!

المشاركة الأصلية كتبت بواسطة Karim_Monir

تم وضع الاعلان في الفلتر اكثر من 5 مرات
اصحاب الموقع الاسرائيلي بيغيرو حروف بسيطة في الدومين ويرجعو يينزلو تاني في المواقع اللي حجبتهم
الاعلانات دي هاتلاقيها علي الفيس بوك وتويتر واي مواقع فيها محتوي اجتماعي

اما أنت يا عم طارق يا زين عاطفى ايه وبتاع أيه ... دى الاعلانات بقت تعمى عين الواحد فى كل حته بروحها فى المنتدى لما زهقت .
لدرجة انى كنت بكتب مشاركات انتقاد ليها فى مواضيع عملوها زمايلنا هنا فى المنتدى ... الاقى مشاركتى لما تنزل بينزل معاها اعلانهم السخيف ده .
زى ما يكونوا قاصدين ينرفزونى مخصوص هههههههه ... اقوم مخنوق وقافل المنتدى افتح تانى شوية والاقيه برضوا وهلما جراااا .
انا بقيت شاكك انهم ممكن حد يقولى ألحق اعلاناتهم بقوا ينزلوها فى فواصل البرامج الدينية عندنا ... بنية انهم يساعدوا على حل مشاكل الزواج عندنا هههههه .

**No Comment** · 31-08-2011 10:16 PM

هى الاعلانات دى مالها عاملة كدة زى الفيرس اللى بينشط بليل ... دى بقى فيه اكتر من 7 مواضيع معمولة فى المنتدى عليه .
انا بقترح اننا نقفل المنتدى ونرشه ... علشان نطهره من الفيرس ده .
هقوم انزل بقى ... علشان الرش بيتعبلى صدرى .

-

الموضوع: اسرائيل بتطلعلكم لسانها فى العيد وبتقولكم ... كل عيد وانتم طيبين

LinkBack

أدوات الموضوع

عرض

اسرائيل بتطلعلكم لسانها فى العيد وبتقولكم ... كل عيد وانتم طيبين - انشر الموضوع فى :

-

-

-

-

-

المواضيع المتشابهه

كل سنة وانتم طيبين

اخيزا .. اعلان نتيجة طلعة ال biker boys تانى يوم العيد وكل سنة وانتم طيبين لكل الناس

فيديو تكبيرات العيد..كل سنة وانتم طيبين

كل سنة وانتم طيبين

هدية العيد-كل سنة وانتم طيبين-كريم منير

الكلمات الدلالية لهذا الموضوع

المفضلات

المفضلات

ضوابط المشاركة