تعالوا مع بعض نفتكر عاداتنا وتقاليدنا الموروثة (شوية خزعبلات بس دمها خفيف)

**ahmed ismail** · 31-08-2011 08:06 AM

من عادتنا الفرعونية الاصيلة ان
اى ريموت فى الشقة لازم يتحط فى كيس بلاستيك و يتقفل عليه كويس
و اى حاجه تحب تخزنها تحطها فى كذا كيس بلاستك و تعقدهم كويس

**bassem.naguib** · 31-08-2011 12:16 PM

علم الأنثروبولوجي .. هو علم دراسة العادات والموروثات الشعبية وهو من العلوم الظريفة جداً والشيقة .. ولو قريت الكتب الخاصة بيه ده حتلاقي العجب .. وفيه منه معتقدات بنعملها تلقائياً من غير ما نشعر أنها موروثات وعادات قديمة .

**Medicalist** · 31-08-2011 01:24 PM

ما تصفرش بالليل عشان حرام بس مش عارف اذا حرام ولا عادى

**A.Saad** · 31-08-2011 03:10 PM

المشاركة الأصلية كتبت بواسطة ahmed ismail

من عادتنا الفرعونية الاصيلة ان
اى ريموت فى الشقة لازم يتحط فى كيس بلاستيك و يتقفل عليه كويس
و اى حاجه تحب تخزنها تحطها فى كذا كيس بلاستك و تعقدهم كويس

التخزين للبقوليات والارز والمرونه فى شيكارة علشان تضمن التهوية وسمعت تحط فص توم علشان السوس

**heshamzaky** · 31-08-2011 03:12 PM

المشاركة الأصلية كتبت بواسطة shnory

متنامش بالشراب علشان عينك متوجعكش
نفسي اعرف ايه علاقه جزء في اخر الجسم بجزء تاني في اوله

هههههههههههههه و الله العظيم شوفت واحدة معرفى و هى جامعية و مش كبيرة سنا بس ثقافتها محدودة للغاية قالت على موضوع الشراب عارف قالت أية ههههههه
قالت أصل البنى أدم بيتنفس من رجلة قولتلها يا سلام على كدة لو لفيت رجلية بكيس نايلون حا يتخنق و يموت بقى هههههههههههههههههه

**heshamzaky** · 31-08-2011 03:13 PM

المشاركة الأصلية كتبت بواسطة abdalah_hashem

هقول كام حاجة كدة
اولا لو عندك محل يقللك امسح المحل ورش قدامة مية بجاز بتجيب الرزق( ويقولوا كنا نرشها الزباين تيجى كتير .. اقلهم طب كنتوا استنوا شوية وهما كانوا هيجوا لوحديهم وكنتوا وفرتوا تمن الجاز هههههه )

ثانيا لما واحد يحسوا انة محسود يقوموا جايبين شبًّة من عند العطار ويقوموا لفينها فى ورقة على شكل عروسة ويقوموا يرقوا الواحد بيها وبعدين يخرموا العروسة ويوموها هى والشبة فى النار تقوم الشبة تسيح

لو افتكرت حاجة تانى هبقى اقولها :)

الى سمعتة أنهم بيحطو حاجة أسمها (((( رجلة ))) و يذوبوها فى المية و يرش أمام المحل لجلب الرزق

**A.Saad** · 31-08-2011 03:16 PM

المشاركة الأصلية كتبت بواسطة heshamzaky

الى سمعتة أنهم بيحطو حاجة أسمها (((( رجلة ))) و يذوبوها فى المية و يرش أمام المحل لجلب الرزق

الرجلة للسحر

**heshamzaky** · 31-08-2011 03:32 PM

المشاركة الأصلية كتبت بواسطة a.saad

الرجلة للسحر

ههههههههههه الرجلة دى بتبقى موجودة فى حزمة الجرجير و بتترمى مش بتتاكل
و فية حاجة بتتذوب فى مية أسمها (((( عرق حلاوة ))) بس مش عارف شكلها و لا دى اية بالظبط بس بيقولو بتجيب الرزق برضو