عملتها كتيييييييييييير :grin21:
خدوا شوية الخزعبلات دي
- متفتحش شمسية في البيت عشان بتجيب خناق
- لو فردة شبشب ركبت على اختها يبقى فيه حد في البيت حيسافر
تصدق موضوع الشمسية الى تتفتح فى البيت دة عالمى كنت فى زيورخ بسويسرا و فتحت الشمسة فى الفندق قبل ما اخرج الشارع لقيت واحد بيقولى ان دة بيجيب حظ سيىء و مش حلو التصرف دة طبعا قولت علية بيخرف الدنيا كانت بتمطر و كنت حا استحما من المطر لو مكنتش فتحتها مسبقا ههههههههههههههههههه
جدتي الله يرحمها كانت تعمل عروسه ورق و تجيب ابره و تقعد تشك العروسه الورق و تقول من عين فلانه و عين فلانه و لما تتاوب معناها ان فلانه اللي اتاوبت عند اسمها حسداني
و لما كنت استخدم مقص بالليل تزعئلي و تقولي كده يجيب الفقر و النحس
انا بئي فضلت فتره طويله معتقدة اني و انا متوضيه لو مشيت علي الارض من غير سجاد يتنقض وضوئي و كنت اقعد انط من سجادة للتانيه علشان وضوئي مايتنئضش :)
انا بقا بس حاجة غريبة
ان معديش على قشر البيض علشان الفقر بردو
وان لو فى حد مقتول لازم تغسل المكان الى كان فية الدم بعدس ومية مش عارف لية بيقولة علشان عفريتة
هههههههههههههه حلو موضوع العفريت دة ههههههههههه
فكرتنى بموضوع كدة
حد معرفة توفى وفاة طبيعية و فى المنزل فى نفس اليوم لقبت الناس خايفين يناموف ى نفس الغرفى الى كان بها المتوفى و سايبين نور الغرفة منور قولت لهم لية كدة قالو أصل لازم كدة لمدة 3 ايام كنت حا أموت من الضحك بس مسكت نفسى و اصريت ابات فى نفس السرير و نفس الغرفة و طفيت النور و قفلت الباب و قولت لهم لو سمعتو صوت عفاريت محدش يدخل نهائيا لانى كنت تعبان و عاوز أنام للصبح فعلا من غير أزعاج علشان السفر تانى يوم للرجوع ههههههههههههههه
الاغرب من ده كله بجد اني اول مرة اعرف الحاجات دي كلها ماعدا موضوع السنة بس تيتة كانت معلمانا نقولها خدي سنة العروسة واديني سنة جديدة اكل بيها البسبوسة