مشكله غريبه لقيتها فى فرده الكاوتش !!!

**MohabSaeed** · 11-05-2008 11:02 PM

السلام عليكم ورحمه الله وبركاته
ازيكم يا شباب

عندى مشكله فى كاوتش ال131.........

المشكله بدأت من حوالى 3 اسابيع لقيت فرده الكاوتش الى ورا شمال مهويه ........ بس مش نايمه خالص . المهم روحت زودتها .... و سبتها فتره لانى مكونتش بركبها .......... المهم من اربع ايام لاحظت انها مهويه تانى !!!! نزلت بيها كام مشوار وهية مهويه " كنت ناسى الموضوع ".... وعملت بيها مشواير كتير حوالى 160 كيلو ..... المهم انهارده افتكرت وقولت لما اوديها واكشف عليها عند راجل بتاع كاوتش جمب محطه التعاون الى فى 6 كتوبر .

رحت الراجل فك العجله ...... ولقيته قعد ينفخ فيها كتييييييييييييييييييييييي ييييير ... لدرجه انى خفت تفرقع من كتر الضغط .!!! وبعدين حطها فى الميا

وكانت الصدمه لقيت بتاع 7 اماكن بتسرب هوا ....... كان فى مسمار فى العجله . وال6 اخرام الباقين .. العامل بتاع الكاوتش قالى " يا بيه دة تنميل " قولتله ازاى يعنى .... قالى الكاوتش قدم ولما بيقدم بيعمل كده ........... انا الصراحه قلقت وخصوصا انى مجرب حوارات الكاوتش ديه ......وحوارات ان الفردة فيها 7 تخرام والكالم الفارغ ده .
المهم قولتله بقولك ايه شيل المسمار والحم الخرم بتاعه وسيبها على كده .. لقيت البيه شاله وهوب كان حيخط خابور !!! قولتله " بس استنى عندك!!!!!!!!!!! " بتعمل ايه ؟؟؟؟؟؟؟؟ حد قالك تعملها بخابور !!! قالى الفرده مش مستاهله فك اساسا وانا معنديش دلوقتى غير الخوابير

قولتله ماشى يا برنس ركب الاستبن و خليها على كده واديتة 2 جنيه

دلوقتى انا عاوز اعرف
1-هل النفخ الزياده الى هو عمله ده ممكن يكون هو الى بوظ الكاوتش؟؟؟؟؟؟؟
2- هل الكاوتش فى الحاله دية ممكن يتصلح ولا لا ؟ " صحيح هو تيوبلس "
لان الصراحه حاليا مافيش فلوس لااربع فرد جداد ولا حتى لفرده واحده:) .

هل التصليح فيها مُجدى ؟ هيه عمرها خلص انا عارف .. اربع سنين وتقريبا 40 الف كيلو او اكتر مش حاسبها بالظبط ... بس انا بقول كحل مؤقت لمده 4 شهور مثلا .

**MoToRiZeR** · 11-05-2008 11:08 PM

معلش مش هقدر افيدك بس عايز اسأل سؤال ..

ايه الضرر اللي بيعمله التصليح بطريقة الخوابير علي العجلة ؟

**hazem_khidr** · 11-05-2008 11:16 PM

مهاب باشا صباح الجمال
بص يا سيدي هو النفخ د مش غلط و لا حاجه لانه لازم بيزود هوا.
حكايه الفرده منمله بقي و الهجص دا ما اعرفوش
لو فيها 7 اخرام كانت نامت منك قدام البيت
هيا مكنش فيها غير الخرم الاول بس ابو مسمار.
و عموما طالما الفرده ورا مافيش خوف منها انما لو قدام كنت حقولك ركب اتنين جداد.
لو الاستبن حلو حطه مكان الفرده دي و خلي الفرده دي استبن.
و اي خدمه :)

**MohabSaeed** · 11-05-2008 11:24 PM

عن تجربه فى عربيات اصحابى الغلابه ..... الخوابير ديه تعتبر اصلاح مؤقت .... لانها مع المشى والسرعه ب تفتح الكاوتش وبتسرب الهوا .......وده حصل قدام عينى فى مره من المرات واحنا مسافرين .
+ مره لحمنا الكاوتش بخوابير و وروحنا عند واحد بتاع كاوتش " واحد امين وعارفينه " قالنا برده ان الخوابير ديه بتبوظ الكاوتش اساسا وبتتعمل فى حاله لو انتا مش حتفك العجله من العربيه وعاوز تخلصها بسرعه ..... ونصحنى باللحام العادى . قالى افضل مليون مره .
وفعلا عن تجربه مافيش مره لحمت كاوتش بلحام عادى وفك " الحمد لله " عكس الخوابير .

انا مش خبير اوى فى الموضوع ده لانى بتكلم من تجربه ....... ومستنين كل الاراء

**MohabSaeed** · 12-05-2008 01:17 AM

المشاركة الأصلية كتبت بواسطة hazem_khidr

مهاب باشا صباح الجمال
بص يا سيدي هو النفخ د مش غلط و لا حاجه لانه لازم بيزود هوا.
حكايه الفرده منمله بقي و الهجص دا ما اعرفوش
لو فيها 7 اخرام كانت نامت منك قدام البيت
هيا مكنش فيها غير الخرم الاول بس ابو مسمار.
و عموما طالما الفرده ورا مافيش خوف منها انما لو قدام كنت حقولك ركب اتنين جداد.
لو الاستبن حلو حطه مكان الفرده دي و خلي الفرده دي استبن.
و اي خدمه :)

صباح العسل يا حازم باشا

انا معاك برده ان لو الفرده فيها 7 خروم كانت نامت خالص .... دة انا مشيت بيها تقريبا 200 كيلو !!!!!!!!!!!! وهيه بالشكل ده
انا بكره ان شاء الله نازل القاهره وحروح لمحل الكاوتش الى اعرفه واشوف اى النظام ده ... ولو جت على اللحام حلحمهم وامرى لله احسن من تغيرها دلوقتى ولان كمان الاستبن قديم وانا حاطط فى شنبر ...... يعنى مع اى مسمار حلاقى العجله نامت واتغطت باللحاف وانا كتير بمشى على المحور بيها ..... غير ان الوالد برضه بيسوقها و ولو نامت منه حتبقى مشكله .

تسلم يا باشا على الرد

**samehafez** · 12-05-2008 09:09 AM

ابعدوا عن الخوابير .....................انا مغير فردة كاوتش علي 6000كم بسبب الخوابير .....و هي فعلا حاجة كده مؤقتة ...
الخوابير دي المفروض تكون معاك انت لو بتسافر مسافات طويلة يكون معاك
1- كمبرسور هواء اللي بيشتغل علي بطارية العربية
2-ربر لحام + خابور
الخابور ده معمول للطوارئ و اظن معظمنا لاحظ ان تركيبه سهل , و اول ما توصل لخدمة اصلاح كاوتش لازم تلحم الكاوتش

و للاخ مهاب ... يا ريت تغير او علي الاقل مش دلوقتي بس حط الموضوع في دماغك

**aliabutaleb** · 12-05-2008 09:15 AM

الراجل ده جنب البيت عندي وبازود هوا عنده على طول
ومن ساعة ما شفت التجارب السيئة بتاعة الاخوة هنا مع الكاوتش وانا بقيت مفتح له أوي
بس ربنا يستر

**wael abbass** · 12-05-2008 09:50 AM

معلش يا جماعة ممكن سؤال النهاردة لقيت العجلة الامامية مهوية رحت لبتاع الكاوتش لها فيها احدي عشر خرم عشان اتا دست علي زجاج وحطلها خوابير طيب دة كفاية ولا لازم يتعملها حاجة تانية تكون اصلاح نهائي
لان من كلامكم الخوابير دي حاجة مؤقتة
وشكرا

**zeyad1810** · 12-05-2008 10:26 AM

المشاركة الأصلية كتبت بواسطة wael abbass

معلش يا جماعة ممكن سؤال النهاردة لقيت العجلة الامامية مهوية رحت لبتاع الكاوتش لها فيها احدي عشر خرم عشان اتا دست علي زجاج وحطلها خوابير طيب دة كفاية ولا لازم يتعملها حاجة تانية تكون اصلاح نهائي
لان من كلامكم الخوابير دي حاجة مؤقتة
وشكرا

معنى كدة ان الراجل حط فى الكاوتش 11 خابور

؟؟؟؟
لو كدة يبقى الله يرحم الفردة دى