محتاااااااااااار

**khaloooda** · 31-08-2011 06:20 PM

محتار يا جماعة
همووووووووت
دماغي وجعتني
عاوز رأيكو في حاجة
انا عملت حادثة بعربيتي
اوبترا 2010
ورحت بيها التوكيل
وياااااااااااااريتني ما رحت
عملولي مقايسة بـ 86 الف
ايوه 86 الف جنيه
العربية زيرو 2010 كانت 95 الف
عاوزين يصلحوها بـ 86 الف
حسبي الله ونعم الوكيل
المهم انا مش مأمن علي العربية
والعربية لسه اقساطها مخلصتش

فانا محتااااااااار بين ثلاث حاجات

اصلحها عند صنايعي في الحرفيين او غيره يكون كويس
وتصرف زي ما تصرف
واحد صاحبي مهندس سيارات قالي انها من شكلها كده ممكن تصرف حوالي 30 - 35 الف
واكمل اقساطها

ولا اسدد باقي اقساطها وابيعها زي ما هي وكده ابقي خسرت الفلوس والعربية بس خلصت من الاقساط

ولا اوديها لصاحب ورشة معرفة قالي انا ممكن اعملهالك حاجة كده تمشي الحال بـ 15 الف
وساعتها اكمل اقساطها وبعدين ابيعها او اشدها من الاول لو توافرات فلوس بس هبقي دفعت قليل وكملت الاقساط من غير ارهاق

محتاااااااااااااااار ياريت حد يفيدني

**ahmedsrs** · 31-08-2011 06:25 PM

انا اختار الحل الثالث ولو جات لها بيعة كويسة بيع احسن

**samehafez** · 31-08-2011 07:20 PM

قدر الله و ما شاء فعل

و اهم حاجة انك بخير الحمد لله

انا بقترح ان حضرتك تشوف ورشة كويسة في الحرفيين و تصلحها تصليحه محترمة لانك مينفعش تبيعها

لانك لو صلحتها اي كلام اللي هيجي يشتري هينزل في تمنها الارض

حتي لو صلحتها تصليحه حلوة زي ما بقولك برضه اللي هيجي يشتري هينزل في تمنها جامد

انت كده كده هتدفع فلوس كتيرة فوق تمنها و فوايد اقساطها ..... يبقي ادفع الفلوس و استفاد انت بيها
لكن لو هتفكر في البيع ...... يبقي بيعها علي حالتها حوادث عشان اللي هيطلع من وراها بعد اي تصليح مايسواش المصاريف و البهدلة و الوقت اللي هيضيع عند الصنايعية

المعادلة دي ممكن تفيدك

ثمن السيارة شامل الفوائد = ثمن البيع + قيمة الاستهلاك ( سيارة بدون حادث )
ثمن السيارة شامل الفوائد + اصلاح = ثمن البيع + قيمة الاستهلاك + قيمة الخسارة (سيارة حادث )

قيمة الاستهلاك : هو المبلغ اللي بينزل من سعر اي سيارة مشابهه عند اعادة البع
قيمة الخسارة : هو المبلغ اللي بينزل من سعر السيارة بسبب الحادثة ( ليست فابريقة )

حضرتك ممكن تحسبها و تشوف قيمة الخسارة مبلغ ممكن تتعايش معاه و لا الاحسن انك تصلحها و تخللي العربية معاك

و ربنا يوفقك للخير