الموضوع: كل برحتك بس خليك عارف انك بتاكل توفو!

كل سنة وانتو طيبين على فكرة انا اشتغلت فى مطعم يابانى فى المهندسين بميدان سفنكس
وفعلا اتعرفت على التوفو ده وعملته بنفسى مع الشيف اليابانى الى عمله ادامى كذا مره و وطبعا كنت مستغرب من الى بيعملو لانه التوفو بيتعمل من الرغاوى او العصارة الرغوية بتاعت فول الصويا وانا كنت فاكرها فى الاول لوبيا لكن طلع فول صويا وكنا بنسخدمه شورية او مع الرز المسلوق او التونة طبعا الطبق المفضل لدى اليابان وحاجات كتير
وعن الطريقة بيبجبو الفول ويتنقع فى مياه لحد مايبقى طرة وبعدين يتفرم كويس وياخدوه فى كيس شبه قماش المسام بتاعه مفتوح على خفيف ونبداء فى عصر الفول علشان يخرج الرغوة بتاعته او العصارة بتاعته وبعدين ناخد الرغوة دى الى انا اصلا كنت فاكر انى هارميها لكن طلع العكس وبعديم بنجيب حمام مياه خشب وبيتحط فى حلة كبيرة فيها ميه دافية والحمام ده مقسم اجزاء ونصب العصارة وبعدين نغطيه بشاش كويس ونسيبه لحد مايجمد شوية ويبقى عامل زى الجيلى وطلع اسمه توفو
وعلى فكرة موجود منه فى مترو ماركت محطوط فى طبق فوم بس مش فاكر كان بكام وبالف هنا وشفا
عايز اقولكم ان الاكل الاسيوى دايما فى مغذى والاسياوين بيعرفو يصنعو الاكل بتعاهم كويس من غير مايفقد القيمة الغذائية بتعته وانا اتغذيت كويس فى المطعم اليابانى بدرجة انا مكنتش مصدق نفسى فيها بس يالا النصيب بقى سيبته.

توفو توفو مش مشكلة

المهم مايبقاش حاجه صناعية مضرة , مشكلة اللانشون الحقيقية في اللون بتاعه , بيتعمل بمواد كيماوية مضرة