الموضوع: كل برحتك بس خليك عارف انك بتاكل توفو!

بحكم اني عايش في اسيا ، واسيا دي صدمة حضارية بالنسبالي في موضوع الاكل ، لان تقريبا 70% من البضاعة في السوبر ماركت،انا مش عارف هي ايه؟

المهم من الحاجات اللي اتعرفت عليها جديد هي الصويا وكانت شيئ مفاجئ لما تقروا الموضوع للاخر حتعرفوا

طول عمري بسمع عن فول الصويا كل اللي اعرفه عنه انه فول ، حيكون ايه يعني غير الفول ؟ ماهو اسمه فول !
المهم طلع انه فول فعلا وشكله شكل الفول بتاعنا بس بيتزرع في الصين


كل ده جميل ، ندمس بقه وناكل ؟ لا استنى انت فهمته غلط
هنا في ماليزيا كل حاجة مكتوب عليها صويا ، في حاجات ساقعة صويا وعصائر صويا ولبن صويا ؟ حط تحت لبن الصويا ده ميت خط
لبن الصويا ده شكله زي اللبن الجاموسي بالظبط وافيد منه كمان لانه غني جدا بالكالسيوم والبروتين ، خير ونعمة

لبن الصويا ده لما بيجبنوه بيبقى قوالب شبه الجبنة البيضا بالظبط شكل وملمس وقوام وكله ،اسم الكائن ده توفو tofu

التوفو ده حاجة سبحان الله ولا ليها طعم ولا ليها تلاتين لازمة ، ولما اقول مالهاش طعم يعني هواء يعني حاطت في بقي وهم
ومكنتش اتخيل ان في اكلة في الدنيا مالهاش طعم زي البتاع ده ، كانه ماية !
البتاع التوفو ده في ميزة خطيرة جدا ، حطه مع اي اكل بيمتص طعم الاكل وبيصبح زيه بالظبط !
يعني احط عليه زيت زيتون وطماطم بقه جبنة قريش زي الفل
تحط عليه عسل او مربى تحس انك بتتكل كستر وممكن تظبطه يطلع مهلبية او رز بلبن ، هات صفار بيضة مسلوقة واهرسها مع التوفو وكل ، حتحلف انها بيضة كاملة اكله عبارة عن ايحاءات بالكل ، حاجة غريبة جدا

المهم في ليلة من ذات الليالي كنت في السوبر ماركت لقيت جانب البطاطس النص مقلية ، سي فود مقشر جاهز
على القلي ، من اللي قلبك يحبه ، جامبري جامبو مقشر وحلقات كلماري وصوابع كابوريا والكيلو بعشرة جنيه !!! رحت معبي بقه هاهاها
ده شكل الجامبري




المهم روحت وقليت المصلحة ، مفيش اي ريحة للقلي ! دا انا بقلي سيفوود يا جدعان المفروض البيت رحته تتقلب !

المهم باكل ، الاكل طعمه سي فوود بس الملمس زي ما يكون بطاطس مسلوقة ! فين شكل اللحم يا جدعان ؟

ولا يخفى عليكم ان اخوكم اسكندراني ، طلع اللي انا اشتريته ده توفو على شكل جمبري وكالاماري وكابوريا وعليهم طعم غالبا صناعي ، يعني الاكلة لا تمت للبحر بصلة ، يعني انا قليت فول !

خيبة بعيد عنك

بس مش انا لوحدي اللي اتخميت ، لا دا انت كمان ، لان طلع كل اللنشون والسوسيس والهمبورجر والكابوريا الصوابع ا اللانشون اللي حضرتك بتدفع فيها الشيئ الفلاني دي عبارة عن توفو!
فول يعني بالعربي

عارف كيلو التوفو ده بكام ؟
باربعة جنيه مصري لاغير

عادي انك تاكل لانشون كابوريا اولا مش مضر ثانيا مفيد جدا ثالثا طعمه حلو
بس ان حضرتك تدفع خمسين جنيه في حاجة تمنها اربعة جنيه دي تبقى قلة ادب وسفالة من المصنعين !
حلو قوي انك تضربلك واحد بيج ماك كمبو بخمسة وعشرين جنيه ، بس خليك فاكر انك بتاكل ساندويتش فول تمنه جنيه

الصور دي للتوفو لما يتبل ويتشوى ، بجد ده فول مش لحمة

بص اهو طلع مفيد اهه زي ما قالولي ، علشان محدش يقول اني بفتي هاهاها

ط§ظ„طھط؛ط°ظٹط©طŒ طھط؛ط°ظٹط© ط§ظ„ط£طµط.ط§ط،طŒ ط§ظ„طھظˆظپظˆ

ده طلع بيمنع الاصابة بالسرطان ، قال ويقولك متكولش برجر علشان بيفرموا فيران ، اهو طلع تطعيم اهه