قبل ما أكتب موضوعى أحب أشكر الأعضاء اللى فى المنتدى اللى ليهم الفضل بحوالى 75 % من معلوماتى عن السيارات :)
الموضوع ببساطة ان عندنا عربية 127 بقالها معانا ما يقارب ال10 سنين و كنا ثانى يد ليها (ما علينا)
انا دلوقتى امامى خيارين :
الأول ان احنا نبيع العربية و نشترى عربية تانية فى حدود 50 الف جنيه
و الثانى ان انا اشد العربية و اخليها لاستعمالى انا بس و نشترى عربية تانية فى حدود 35000 تبقى للبيت
و مع انى كنت متحمس جداً جداً للإختيار الثانى لكن اهلى كلهم بلا استثناء قالولى بيعها أرحم علشان بعد ما تشدها هاتغلبك برضوا و لما تيجى تركب العربية هاتبقى ناعى همها لتعطل بيك و كل شوية حاجه هتبوظ و عمرها ما هتتظبط علشان عربية بقالها 30 سنة
و اللى خلانى فعلا ابتدى اغير رأيى ان لما حسبوها معايا قالولى علشان تشدها مش هتاخد اقل من 5 شهور مشورة و تعب و مناهدة و قرف مع الصنايعية و طبعا اكيد مش هاقدر اواصل مع العربية المدة دى كلها علشان الكلية و بكده تفكيرى كله اتدمر للأسف :(
دلوقتى انا محتاج شخص يساعدنى و يقولى انهى اختيار فيهم هايكون انسبلى بحكم خبرتكوا العظيمة فى ما يخص هذا الكائن العجيب المدعوا سيارة :B4_048:
مع العلم انى بفكر فى ابيزا موديل 98 او 2001 او بونتو موديل 2002 و ان كان لأحد ترشيح تانى يكون كريم معايا و يقوله :)
و لكم جزيل الشكر :ask: