محتاج نصيحتكم لضبط وصيانه العفشه بالكامل

السلام عليكم ورحمه الله وبركاته يا شباب :) بجد المنتدى وحشني جدااااا وكل اصدقائي واخواني الكرام وحشوني فعلا :)

انا مش هطول عليكم

اولا كل عام وانتم بخير وعيد سعيد على الجميع بإذن الله

ثانيا : انا طالب منكم نصيحه في شويه شغل عايز اعملهم في العفشه

انا من شهرين كده الحمد لله اكلت مطب وانا ماشي على سرعه عاليه و المفروض ان الـ 4 مساعدين انتهوا واكيد في شويه حاجات تانيه , لاني بسمع اصوات طقطقه مع الحفر الصغيره اللي في الارض وبحس ان العربيه اصبحت عفشتها ناشفه جدااااااا كأني راكب زلطه :)

المهم انا قررت بإذن الله بعد العيد على طول اغيير اللي اقدر عليه في العفشه , و انا ان شاء الله نويت اغيير طقم المساعدين واجيب طقم kyb
عايز اعرف تقريبا سعر الطقم ده عامل كام دلوقتي ؟؟
وكمان هغيير بطاحات وكنت عايز اعرف افضل نوع والسعر كام ؟؟
و انا شاكك ان المقصات كمان فيها حاجه واحتمال اغييرهم , فكنت عايز اعرف بردو افضل حاجه اجيبها ايه وسعرها كام ؟؟
وياترى في ايه تاني في العفشه ممكن اغييره بالمره وانا شغال , لاني بصراحه اول مره هعمل شغل كتير في العفشه كده ؟؟ وبالمناسبه عايز اعرف السوست الاربعه عاملين كام

ومتشكر مقدماً على نصائحكم وتعبكم معايا :)

محمد بيه انت استاذ
المفروض احنا اللى نسألك
على العموم كل سنة وانت طيب

هتجيب مقصي اسبانى 440 جندى
طقم مساعدين مونرو تقريبا 1300
كوبايات وبطاحات هات الاصلى
تيش ميزان خلفى وامامى 180
بيض دريكسيون 90

بالتوفيق ومبروك على شهادة التقدير

اقتباس:

---

المشاركة الأصلية كتبت بواسطة MMamdouh

احسن مساعدين المونرو... الطقم ب1350 جنية

البطاحات و الكوبايات هات الاصلى

المقصات هات الاسبانى

بيض الطرف و الشدادات CTR

شداد الحوض بحوالى 280 جنية

MMamdouh

---

http://www.nilemotors.net/Nile/241823-a.html

ربنا يبارك في حضرتك يا استاذ حسام وبجد كلك ذوق :) وشكرا على مساعدتك ونصيحتك الغاليه , بس تقريبا سعر المونرو ده غالى شويه على اللانوس , او يمكن يكون غلي وانا لسا معرفتش :) لاني بقالى فتره كبيره مش فاضي للعربيه ولا بعرف عن اسعار قطع الغيار حاجه

عالعموم ربنا يسهل واجيب مساعدين kyb عشان يكون سعرهم حنين , وكمان هما احسن من الاصلي وطبعا اقل من المونرو , يعني خير الامور الوسط :)

بص يا باشا
اولا بالنسبة للمساعدين kyb اختيار ممتاز وانا مركبهم عندي من فترة ممتازين بصراحة وكانو الاربعة ب 475 بس ده من فترة
ثانيا بالنسبة للمقصات لو المقصات سليمة مفيهاش عوجة يبقى يفضل تغير طقم الجلب والبيض ctr
ثالثا هات بيض وبارات دركسيون ctr
رابعا هتغير بطاحات وكوبايات gm
خامسا هتغير كاوتشات ومسمامير الميزان
وبكدة ان شاء الله هتبقى عملت عمرة كاملة للعافشة
وهتبقى معاك زيرو انا عملت كل الحاجات دي من فترة والحمد لله ارتحت من مشاكل العفشة نهائي

اقتباس:

---

المشاركة الأصلية كتبت بواسطة mahmoudysf

بص يا باشا
اولا بالنسبة للمساعدين kyb اختيار ممتاز وانا مركبهم عندي من فترة ممتازين بصراحة وكانو الاربعة ب 475 بس ده من فترة
ثانيا بالنسبة للمقصات لو المقصات سليمة مفيهاش عوجة يبقى يفضل تغير طقم الجلب والبيض ctr
ثالثا هات بيض وبارات دركسيون ctr
رابعا هتغير بطاحات وكوبايات gm
خامسا هتغير كاوتشات ومسمامير الميزان
وبكدة ان شاء الله هتبقى عملت عمرة كاملة للعافشة
وهتبقى معاك زيرو انا عملت كل الحاجات دي من فترة والحمد لله ارتحت من مشاكل العفشة نهائي

---

ربنا يطمنك يا استاذ محمود :)

بالنسبه للمقصات انا شاكك فيهم مبدئيا انهم باظوا لان العربيه دلوقتي بتحدف شمال بس مش جامد , فبقول يارب يطلع عيب زوايا بس :) ولو عيب مقصات يبقا هغييرهم بالكامل

بس بالنسبه للاسعار حاليا يبقا كتر خيرك لو قدرت تقولي متوسطها كام مثلا

ومشكور على مساعدتك

الف سلامة على العربية استاذ محمد

هى المونرو غليوه كده ليه مش الجوز اللى قدام كانوا ب 420 و اللى وراء تقريبا نفس السعر يعنى تقريبا 850

الله يسلمك يا باشمهندس محمد :)

انا اعتقد ان المونرو اللي بـ 1300 دول بتوع النوبيرا , لان اخر سعر كنت سمعته من كام شهر عن الطقم بتاع اللانوس انه في حدود 900 جنيه , وطبعا لو زاد 400 جنيه مره واحده تبقا مشكله بجد


ياريت بس اللي يعرف اسعار اي حاجه من مكونات العفشه يقول :) واللي عنده نصيحه لا يبخل :)

انا اشتريت الطقم الامامي من لهيطة بالتوفيقية ب400 وده من 3 شهور

طقم الكي واي بي ب 320 امامي 220 خلفي بدون فصال اعتقد يخصلوا على 500 حلو اوي عليهم وهما تايلاندي مش ياباني مفيش ياباني للنوس اوي قليييل اوي اوي

المقص الكوري اول سعر ليه مان 125 يعني الاتنين 250 مالهاش لازمه انك تجيب مقص اسباني لان عفشه الانوس كويسه مش وحشه مش بتجيب جلب بسرعه

بالنسبه للكوبايات والبطاحات متجبهمش الا لما تفك او تسال الميكانيكي الاول يبص عليهم مقطوعين ولا سلام

وراي الشخصي ملوش لازمه الاصلي في العربيات الي زي الانوس لانها مش بتختلف في الاداء هوه هوه نفس الاداء ولو اختلفت عموما فرق الاداء في اي عربيه مش زي فرق الفلوس فرق الاادء بيبقى قليل وفرق الفلوس بيبقى شاسع

عموما بالنسبه لطقع الغيار 95|% من قطع الغيار بتبقى في شركات بتعمل لشركه السيارات نوعين من قطع الغيار نوع اصلي ونوع كويس الاصلي بيروح للشركه والتاني بيباع في السوق والاتنين يعتبروا اصلي ومفيش فروق في الاداء كبيره بينهم مثلا شركه ماندو للمساعدين بنزل مساعد لكل الكوري هيونداي كيا دايو الماندو الاصلي بيروع الشركه بيتختم عليه ماندو وهيونداي وفيه ماندو سيمي اوريجنال بيتختم عليه برضو ماندو وهيونداي بس شركه تانيه اسمها هيونداي موبيس والماندو العادي برضو موجود في السوق كان للانترا مثلا الاصلي الجينين ب 140 في التوكيل الجوز الامامي وبرا هم هم ب 700 عند التجار والموبيس ب 600 والماندو العادي ب 400 ف فيه فرق سعر محترم وفرق اداء مش كبير هوه بيبان على سرعات عاليه اوي بس

اقتباس:

---

المشاركة الأصلية كتبت بواسطة محمد الشامي

الله يسلمك يا باشمهندس محمد :)

انا اعتقد ان المونرو اللي بـ 1300 دول بتوع النوبيرا , لان اخر سعر كنت سمعته من كام شهر عن الطقم بتاع اللانوس انه في حدود 900 جنيه , وطبعا لو زاد 400 جنيه مره واحده تبقا مشكله بجد


ياريت بس اللي يعرف اسعار اي حاجه من مكونات العفشه يقول :) واللي عنده نصيحه لا يبخل :)

---

انا مش عارف اسعار و الله

بس اول حاجة تعملها تروح لعفشجى فاهم يكشف كاشفة كويسة و يحدد المطلوب

ثانيا نصيحة من اخوك متجبش مساعدين غير مونرو حتى لو هتجيب اللى قدام و بعد شهر مثلا تركب اللى وراء

المونرو ناشفة لكن بتوزن العربية , و ال kyb الاعضاء فى ميتسوبيشى كلهم اشتكوا منه و بيقولوا كل اللى فى السوق مضروب

و دى نمر توكيل مونرو

اقتباس:

---

24 ش عماد الدين - وسط البلد - القاهرة ت: 25748025 - 25748026 - 25748027
261 ش شبرا - الخلفاوي - القاهرة ت: 22031765 - 22031653
54 ش دمشق - تقاطع بيروت - مصر الجديدة - القاهرة ت: 24507418
373 ش الملك فيصل - الاريزونا - الجيزة ت: 35833449
7 ش مراد - امام عمر افندي - الجيزة ت: 35735538

---

بجانب لهيطة و ابو الحسن بس لهيطة كان ارخص من ابو الحسن ب 50 جنيه تقريبا

و بالتوفيق

ابو حميد... كل سنة و انت طيب... واحشنا يا راجل

بص يا زعيم... اولا فكر تجيب المونرو بدل الKYB... الKYB مش وحش لكن المونرو احسن... و هو مش ناشف زى ما ناس كتير متخيلة (مش زى الكونى يعنى) و علية ضمان سنة

مع المساعدين حتجيب طقم كوبايات اصلى ب خمسين جنية و طقم بطاحات (الكورى ب 120 او حاجة كدة) و جوز مسامير ميزان بكاوتشهم ب20 جنية و كاوتشتين ميزان (اللى بيثبتوا الميزان فى صدر العربية) يبقى انت كدة غيرت الحاجات الاساسية

لو احتاجت بيض طرف او بيض مقصات هات الCTR (الطقم فى حدود 70 الى 80 جنية) و المقصات فيه اصلى ب 450 جنية الجوز و فية تايوانى ب 250 الجوز... متشتريش جلب عشان محدش بيعرف يكبسها صح... غير المقص كلة (لو فيه ضرورة لكدة)

MMamdouh

اقتباس:

---

المشاركة الأصلية كتبت بواسطة mmamdouh

ابو حميد... كل سنة و انت طيب... واحشنا يا راجل

بص يا زعيم... اولا فكر تجيب المونرو بدل الkyb... الkyb مش وحش لكن المونرو احسن... و هو مش ناشف زى ما ناس كتير متخيلة (مش زى الكونى يعنى) و علية ضمان سنة

مع المساعدين حتجيب طقم كوبايات اصلى ب خمسين جنية و طقم بطاحات (الكورى ب 120 او حاجة كدة) و جوز مسامير ميزان بكاوتشهم ب20 جنية و كاوتشتين ميزان (اللى بيثبتوا الميزان فى صدر العربية) يبقى انت كدة غيرت الحاجات الاساسية

لو احتاجت بيض طرف او بيض مقصات هات الctr (الطقم فى حدود 70 الى 80 جنية) و المقصات فيه اصلى ب 450 جنية الجوز و فية تايوانى ب 250 الجوز... متشتريش جلب عشان محدش بيعرف يكبسها صح... غير المقص كلة (لو فيه ضرورة لكدة)

mmamdouh

---

هى مش ناشفة اوى لكن ناشفة سنة , بس المقابل اخدت ثابت اكتر و بجد حسيت ان العربية مسكت نفسها


هو مفيش بطاحات اصلى و لا ايه عند ابو الحسن ؟؟؟

اقتباس:

---

المشاركة الأصلية كتبت بواسطة MMamdouh

ابو حميد... كل سنة و انت طيب... واحشنا يا راجل
بص يا زعيم... اولا فكر تجيب المونرو بدل الKYB... الKYB مش وحش لكن المونرو احسن... و هو مش ناشف زى ما ناس كتير متخيلة (مش زى الكونى يعنى) و علية ضمان سنة

مع المساعدين حتجيب طقم كوبايات اصلى ب خمسين جنية و طقم بطاحات (الكورى ب 120 او حاجة كدة) و جوز مسامير ميزان بكاوتشهم ب20 جنية و كاوتشتين ميزان (اللى بيثبتوا الميزان فى صدر العربية) يبقى انت كدة غيرت الحاجات الاساسية

لو احتاجت بيض طرف او بيض مقصات هات الCTR (الطقم فى حدود 70 الى 80 جنية) و المقصات فيه اصلى ب 450 جنية الجوز و فية تايوانى ب 250 الجوز... متشتريش جلب عشان محدش بيعرف يكبسها صح... غير المقص كلة (لو فيه ضرورة لكدة)
MMamdouh

---

كل سنه وانت طيب يااستاذ محمد وعيد سعيد عليك وعلى الجميع يارب :) وانت بجد ليك وحشه كبيره جداااااااا وكل اصدقائي واخواني في المنتدى بجد ليهم وحشه كبيره جدا جدا جدا

انا هفكر جدياً في المونرو لانه الافضل اكيد بناءاً على تجربتك وتجربه ناس كتير جدا , بس المشكله اني بصراحه حاليا بحسبها مادياً مش عملياً :) عشان اللي اعرفه تقريبا ان المونرو سعرهم ضعف سعر الkyb , بس ربنا يسهل واجيب المونرو عشان كده ابقا خلصت من هم العفشه :) , ياريت بس لو تعرف متوسط سعرهم كام دلوقتي يبقا كده تمام

وبجد انا متشكر جدااااا على نصايحك القيمه والغاليه , جزاك الله كل خير يا صديقي العزيز :)

اقتباس:

---

المشاركة الأصلية كتبت بواسطة maka

انا مش عارف اسعار و الله
بس اول حاجة تعملها تروح لعفشجى فاهم يكشف كاشفة كويسة و يحدد المطلوب
ثانيا نصيحة من اخوك متجبش مساعدين غير مونرو حتى لو هتجيب اللى قدام و بعد شهر مثلا تركب اللى وراء
المونرو ناشفة لكن بتوزن العربية , و ال kyb الاعضاء فى ميتسوبيشى كلهم اشتكوا منه و بيقولوا كل اللى فى السوق مضروب
و دى نمر توكيل مونرو

بجانب لهيطة و ابو الحسن بس لهيطة كان ارخص من ابو الحسن ب 50 جنيه تقريبا
و بالتوفيق

---

ربنا يخليك يا استاذنا ومعلش تعبتك معايا في موضوع الاسعار ده :) انا كنت بس حابب اخد فكره عن الاسعار دلوقتي
وبالنسبه للعفشجي فأنا اعرف واحد في فيصل كنت اتعاملت معاه بس في عربيه دوجان وبجد شغله كان محترم جدا وهو انسان كويس كمان

وشكرا جداااااااا على ارقام توكيل مونرو وبجد انت كده سهلت عليا كتيييييير

ربنا يخليكم يا اجدع شباب واحلى منتدى

اقتباس:

---

المشاركة الأصلية كتبت بواسطة maka

هو مفيش بطاحات اصلى و لا ايه عند ابو الحسن ؟؟؟

---

انا الصراحة مسالتش على الاصلى فا مش عارف هو عندة ولا لا

MMamdouh

اقتباس:

---

المشاركة الأصلية كتبت بواسطة محمد الشامي

ياريت بس لو تعرف متوسط سعرهم كام دلوقتي يبقا كده تمام

---

750 جنية الطقم

MMamdouh

اقتباس:

---

المشاركة الأصلية كتبت بواسطة حماده المصري

طقم الكي واي بي ب 320 امامي 220 خلفي بدون فصال اعتقد يخصلوا على 500 حلو اوي عليهم وهما تايلاندي مش ياباني مفيش ياباني للنوس اوي قليييل اوي اوي

المقص الكوري اول سعر ليه مان 125 يعني الاتنين 250 مالهاش لازمه انك تجيب مقص اسباني لان عفشه الانوس كويسه مش وحشه مش بتجيب جلب بسرعه

بالنسبه للكوبايات والبطاحات متجبهمش الا لما تفك او تسال الميكانيكي الاول يبص عليهم مقطوعين ولا سلام

وراي الشخصي ملوش لازمه الاصلي في العربيات الي زي الانوس لانها مش بتختلف في الاداء هوه هوه نفس الاداء ولو اختلفت عموما فرق الاداء في اي عربيه مش زي فرق الفلوس فرق الاادء بيبقى قليل وفرق الفلوس بيبقى شاسع

عموما بالنسبه لطقع الغيار 95|% من قطع الغيار بتبقى في شركات بتعمل لشركه السيارات نوعين من قطع الغيار نوع اصلي ونوع كويس الاصلي بيروح للشركه والتاني بيباع في السوق والاتنين يعتبروا اصلي ومفيش فروق في الاداء كبيره بينهم مثلا شركه ماندو للمساعدين بنزل مساعد لكل الكوري هيونداي كيا دايو الماندو الاصلي بيروع الشركه بيتختم عليه ماندو وهيونداي وفيه ماندو سيمي اوريجنال بيتختم عليه برضو ماندو وهيونداي بس شركه تانيه اسمها هيونداي موبيس والماندو العادي برضو موجود في السوق كان للانترا مثلا الاصلي الجينين ب 140 في التوكيل الجوز الامامي وبرا هم هم ب 700 عند التجار والموبيس ب 600 والماندو العادي ب 400 ف فيه فرق سعر محترم وفرق اداء مش كبير هوه بيبان على سرعات عاليه اوي بس

---

موبيس شركة تابعة لهيونداى
وبتورد قطع غيار لمصانعها ولمصانع كيا
تقدر تعتبرها اصلى تماما

اقتباس:

---

المشاركة الأصلية كتبت بواسطة محمد الشامي

ربنا يخليك يا استاذنا ومعلش تعبتك معايا في موضوع الاسعار ده :) انا كنت بس حابب اخد فكره عن الاسعار دلوقتي
وبالنسبه للعفشجي فأنا اعرف واحد في فيصل كنت اتعاملت معاه بس في عربيه دوجان وبجد شغله كان محترم جدا وهو انسان كويس كمان

وشكرا جداااااااا على ارقام توكيل مونرو وبجد انت كده سهلت عليا كتيييييير

ربنا يخليكم يا اجدع شباب واحلى منتدى

---

بالتوفيق باذن الله

اقتباس:

---

المشاركة الأصلية كتبت بواسطة mmamdouh

انا الصراحة مسالتش على الاصلى فا مش عارف هو عندة ولا لا

mmamdouh

---

هجبلك الخبر اليقين عنهم الاسبوع ده علشان ناوى اسقط عفشة و عاوز اركب كل حاجة اصلى

اقتباس:

---

المشاركة الأصلية كتبت بواسطة mmamdouh

750 جنية الطقم

mmamdouh

---

ربنا يبارك فيك يا باشا

النصيحة اللى اقدر اقولهالك روح لعفشجى بيفهم وشاطر وهو هيشوف انت محتاج اية
واشترى كل حاجة جيد بلاش استعمال فى العافشة موضووع فاشل ممكن مثلا يقولك جيبلى مش عارف اية استعمال .
بالنسبة للمورنو عن تجربة فى عربيات اصحابى جميل ويعتبر من احسن انواع المساعدين فى السوق . انا الحمد لله لسة مغيرتش مساعدين ولما احتاج اغير هجيب مورنو .
لو طلب منك دراعات اسكترا تيش بيض طرف الحاجات دى نوع اسمة ctr عن تجربة فى الحاجات دى جميل
لو جلب المقصات او البيض محتاجين يتغيروا يبقى عليك وعلى مقصات الاصلى ومنصحكش بتغيير بيض وجلب زى مازكر ممدوح باشا مفيش حد بيكبسهم صح .
المقص جديد بيبقى الجلب مكبوسة صح دة بقى عن تجربة ومشوار طويل مع جلب المقصات اللى فى الاخر لقيت الحل فى مقص جديد ريحنى من كل وجع القلب وجلب المقصات ان جبت اسبانى بالنسبالى انا نوبيرا بالنسبالك تقريبا الكورى الاصلى كويسين مش هيعدى بند ال300ج فى جميع الاحوال تقربا كنا جيبنهم بسعر زى كدة لصديق ليا وممكن اقل كمان .
وربنا معاك وتعدى المرحلة دى على خير وتطلع معاك عافشة زيرو وربنا يقدرك على المصاريف ويسهلها معاك

اقتباس:

---

المشاركة الأصلية كتبت بواسطة zocor742

النصيحة اللى اقدر اقولهالك روح لعفشجى بيفهم وشاطر وهو هيشوف انت محتاج اية
واشترى كل حاجة جيد بلاش استعمال فى العافشة موضووع فاشل ممكن مثلا يقولك جيبلى مش عارف اية استعمال .
بالنسبة للمورنو عن تجربة فى عربيات اصحابى جميل ويعتبر من احسن انواع المساعدين فى السوق . انا الحمد لله لسة مغيرتش مساعدين ولما احتاج اغير هجيب مورنو .
لو طلب منك دراعات اسكترا تيش بيض طرف الحاجات دى نوع اسمة ctr عن تجربة فى الحاجات دى جميل
لو جلب المقصات او البيض محتاجين يتغيروا يبقى عليك وعلى مقصات الاصلى ومنصحكش بتغيير بيض وجلب زى مازكر ممدوح باشا مفيش حد بيكبسهم صح .
المقص جديد بيبقى الجلب مكبوسة صح دة بقى عن تجربة ومشوار طويل مع جلب المقصات اللى فى الاخر لقيت الحل فى مقص جديد ريحنى من كل وجع القلب وجلب المقصات ان جبت اسبانى بالنسبالى انا نوبيرا بالنسبالك تقريبا الكورى الاصلى كويسين مش هيعدى بند ال300ج فى جميع الاحوال تقربا كنا جيبنهم بسعر زى كدة لصديق ليا وممكن اقل كمان .
وربنا معاك وتعدى المرحلة دى على خير وتطلع معاك عافشة زيرو وربنا يقدرك على المصاريف ويسهلها معاك

---

تسلم يا باشا والله وبإذن الله العفشه تطلع تمام لانها حاليا تاعباني خاااااااالص :)

انا روحت لابو الحسن يوم الخميس وسألته عن طقم المساعدين المونرو بس للاسف قال مش عنده , وسألته عن سعر الطقم تقريبا كام فقال 800 جنيه , بس حسيت وهو بيقول السعر كان متردد او بيضرب رقم وخلاص !! وحتى سألته عن البطاحات وقالى تمنهم 220 جنيه !!!!!!! انا اعرف ان سعرهم اقل من كده

المهم انا عندي استفسار بخصوص المساعدين , هو المفروض المونرو (الاصلي) المتوفر في مصر صناعته ايه ؟؟
وكمان سمعت ان في توكيل مونرو في التوفيقيه , الكلام ده صح ؟؟
وكنت عايز اعرف وانا بشتغل في العفشه لو حبيت اغيير طقم السوست بالكامل , اجيب ايه وتقريبا السعر كام ؟؟

تحذير المقصات الى 125 جنيه البرشام بتاعهم بيفك مع اى مطب جامد ولو اشترتهم فك البرشام وركب مسامير ويا ريت لو تلحم مكان البرشام حصل معايا الموقف دة وربنا ستر واشتريت اتنين استعمال وشغالين حلاوة من 3 سنوات سعر البطاحات ارخص عند ابو غالى بكتيرررررررررررررررر

التوفيقية فيها موزع معتمد و هو هشام لهيطة فى شارع ذكى... وكيل مونرو بمصر هو غبور

المونرو صناعة اتحاد اوروبى... مش حتلاقى بلد منشاء محددة على العلبة و كدة كدة مونروليها 26 مصنع على مستوى العالم فا بلد المنشاء مش واحدة

MMamdouh

اقتباس:

---

المشاركة الأصلية كتبت بواسطة mmamdouh

التوفيقية فيها موزع معتمد و هو هشام لهيطة فى شارع ذكى... وكيل مونرو بمصر هو غبور

المونرو صناعة اتحاد اوروبى... مش حتلاقى بلد منشاء محددة على العلبة و كدة كدة مونروليها 26 مصنع على مستوى العالم فا بلد المنشاء مش واحدة

mmamdouh

---

تمام ياكبير كده , انا بس سألت على بلد منشأ المونرو عشان اضمن ان مفيش مونرو مضروب في السوق , لان اللي هيتدفع مش قليل :)

بس ياترى عندك فكره عن سعر السوست (امامي وخلفي) ؟؟
ولو احتاجت اغيير فأشتري الاصلي ولا في انواع تانيه ؟
طبعا انا بتكلم على السوست العاديه مش الرياضيه :)

الصراحة عمرى ما فكرت فى قصة السوست دى فا معرفش اسعاؤ خالص... بس اعتقد ان موجود السوست الاصلى عند ابو الحسن

MMamdouh

اقتباس:

---

المشاركة الأصلية كتبت بواسطة mmamdouh

الصراحة عمرى ما فكرت فى قصة السوست دى فا معرفش اسعاؤ خالص... بس اعتقد ان موجود السوست الاصلى عند ابو الحسن

mmamdouh

---

تاعبك معايا داايما والله :) عالعموم بإذن الله هسأل علي سعرهم وهقولك

أنا لسة جاي من عند أبوالحسن
البطاحات lanos2 ب 120 و 1 ب 110
الطنابير 450
مقصات GM 225 الواحد -التايواني ال 2 ب 250
بلي العجل الوحدة ب 110 skf
ومش عارف إيه اللي بـ 90 مش فاكر بقى ممكن الخلفي تقريبا أو نوع تاني
المساعدين المونرو ب F= 400 - R 350
GM F = 430 - R = 430

نسيت أسأل على السوست

تسلم يا باشا وتاعبينك معانا والله :)

بس هو ليه الناس اللي هناك قالولي البطاحات بـ 220 جنيه !!!!!!!!! مع ان حضرتك والاستاذ محمد ممدوح سألتو عليها وطلعت بـ 120 ,,,, احتمال يكون الشاب اللي كنت بسأله مكنش مركز :)

باذن الله خلال ايام هنزل اشتري كل الكلام ده وهركبه وهوافيكم بالاخبار :)

lanos 1 ب 110
وربنا معاك

رينا يعينك
اهم حاجة متستخصرش وتجيب الارخض حيب النظيف والحاجة النظيفة فلوسها فيها
بس حضرتك عايز تجيب سوست لية حاسس انها طريت يعنى ولا اية
اتأكد بس انك محتاج تغيير السوست عشان متغيرهمش على الفاضى
وربنا معاك وتخلص على خير ان شاء الله

والله يا باشا انا عمري ما استرخصت في العربيه :) مفيش غير مره واحده زمان كنت استرخصت وانا بشتري بلي العجل الامامي وجبته من النوع الايطالى ابو 45 جنيه (النوع اللي عمره لا راح ولا شاف ايطاليا ده) والحمد لله ماشتغلش 3 شهور على بعض :)

وبالنسبه للسوست فأنا ماشي بالعفشه تعبانه بقالى حوالى 3 شهور وكنت بحمل فيها اوزان زياده حبتين وحاسس ان العربيه هبطت جامد , فأنا حاطط احتمال ان العفشجي لما يفك السوست يلاقيها طريه او فيها حاجه فهضطر اغييرها , عشان كده بسأل تحسباً لأي طارئ يعني

ومتشكر جدا على نصيحتك الغاليه :)

انا ااقدر افيدك بالنسبة للسوست الخلفية عشان غيرتهم
الجداد الاصلي ب 350 جنية ومكنتش لاقيهم والحمد لله اني مجبتهمش
وجبت جوز استيراد من ابو هاشم ب 90 جنية حالتهم ممتازة جدا
والعفشجي شكر فيهم جدا وقالي انا لو هجيب جوز زي دول مش ااقل من 150 جنية
فشوف انت وتوكل على الله

كتر خيرك يا استاذ محمود على النصيحه لان المعلومه جديده عليا

بس قوللي حضرتك بتقول ليه (كويس انك مجبتهومش) ؟؟
عشان الاستيراد نفس الحاله تقريبا بس سعر اقل ؟ ولا عشان الجديد وحش او مضروب مثلا ؟

لان اللي انا جبتهم حالتهم ممتازة جدا من حيث الشكل والمضمون
يعني لما جيت اقارنهم بالقدام قبل ما يركبوا وضغط عليهم وضغط على القدام لاحظت فرق كبير لصالح الاستيراد
ولما ركبوا العربية حسيت انها عليت عن الاول رغم اني مركب علايات وكمان العربية ما بتهبطش زي الاول مع اي حمل وزودت الثبات
عشان كدة قلت الجداد كانو هيفرقو ايه عن الاستيراد بالعكس ممكن يكونو الاستيراد احسن من الجداد كخامة شرط الحالة الجيدة وده اللي حصل معايا اني جبت اتنين نصيبي فيهم كان كويس ووفرت فرق سعر كبير

السلام عليكم
شوف يا أخى انا عملت حادثه سادس يوم العيد لكن الحمد لله عدت على خير. وكان النتيجه إن المقص الشمال الامامى اتعوج و خبطه فى الرفرف الشمال والكارتيره رجعت لورا تجاه السواق.
المهم نزلت لابو الحسن النصاب قاللى اللى شغال عنده انه ب 375 جنيه و غير الاصلى مش فاكر سعره كام المهم قلت له اشوفهم جاب الاثنين وطبعا كانت الكفه تجاه الاصلى لكن فوجئت بيه بيقوللى لازم تاخد اليمين والشمال قلت والله ما انا شارى يعنى جبتهم من المخرن شمال وبعدين تقولى لازم الطقم كامل المهم مشيت وبعدين قلت ارجع يمكن انا فهمت غلط والجوز ب 375 وسألته يعنى الجوز ب 750 جنيه راح مكلم تقريبا إبن ابو الحسن بنظام الوشوشه ورجع وقاللى يعملوا 550 جنيه.
رحت نازل لابوهاشم جبت منه المقص ب 90 جنيه ولا الجديد و الكاوتشه اللى فيها الشحم مضغوطه ميه ميه لكن بدون ألمسمار أو الفلنشه.
أعتقد إن الاستيراد هيكون أحسن وكمان سألته على الرفرف الشمال قاللى 200 جنيه. الكلام ده كان يوم 7-9-2011.
أرجو أكون أفدتك.

اقتباس:

---

المشاركة الأصلية كتبت بواسطة symasyma

السلام عليكم
شوف يا أخى انا عملت حادثه سادس يوم العيد لكن الحمد لله عدت على خير. وكان النتيجه إن المقص الشمال الامامى اتعوج و خبطه فى الرفرف الشمال والكارتيره رجعت لورا تجاه السواق.
المهم نزلت لابو الحسن النصاب قاللى اللى شغال عنده انه ب 375 جنيه و غير الاصلى مش فاكر سعره كام المهم قلت له اشوفهم جاب الاثنين وطبعا كانت الكفه تجاه الاصلى لكن فوجئت بيه بيقوللى لازم تاخد اليمين والشمال قلت والله ما انا شارى يعنى جبتهم من المخرن شمال وبعدين تقولى لازم الطقم كامل المهم مشيت وبعدين قلت ارجع يمكن انا فهمت غلط والجوز ب 375 وسألته يعنى الجوز ب 750 جنيه راح مكلم تقريبا إبن ابو الحسن بنظام الوشوشه ورجع وقاللى يعملوا 550 جنيه.
رحت نازل لابوهاشم جبت منه المقص ب 90 جنيه ولا الجديد و الكاوتشه اللى فيها الشحم مضغوطه ميه ميه لكن بدون ألمسمار أو الفلنشه.
أعتقد إن الاستيراد هيكون أحسن وكمان سألته على الرفرف الشمال قاللى 200 جنيه. الكلام ده كان يوم 7-9-2011.
أرجو أكون أفدتك.

---

قدر الله وما شاء فعل , والحمد لله انك بخير

فعلا ابو هاشم ممتاز في موضوع قطع الغيار الاستيراد , لكن طبعا مش كل حاجه ينفع الواحد يجيبها استيراد , انا كنت مجربه في اكصدام وبجد كان تحفه وبنفس لون العربيه ومفهوش خدش , بس كله بتمنه طبعا :)

عالعموم متشكر جدا على الافاده وجزاك الله كل خير

اسف يا محمد باشا اول مرة اري موضوعك الان
وعندي مشكلة في عربيتي تخص موضوعك انا حغيير المساعدين الي ورا من باب التجربة لحل مشكلة
ولفيت وسالت كتير ودا الي وصلتله من اسعار جوز المساعدين الخلفي

اولاً ابو الحسن
اصلي gm ب 430 جم
الماني ب 250 جم

الخواجة

اصلي gm ب 340 جم
ياباني KYP ب 220 جم

توكيل مونرو عماد الدين

مونرو ب 400 جم وغيير متوفرين حالياً في التوكيل

وانا محتار حالياً بس الكبير كلمني واتفقت معاه اني هجيب الياباني بعد السؤال عند المنير واعرف اسعاره

ربنا يبارك فيك يا طارق باشا ومشكوووووور على نقل تجربتك لي :) انا بستفيد منكم والله

ربنا يديم المحبه والاخوه بين جميع الزملاء يارب

انا لغايه دلوقتي لسا ما بدأتش في شراء مكونات العفشه عشان عندي شويه حاجات شاغلاني , بس بإذن الله قريب جدا هنفذ المخطط :) واكيد هبلغكم بكل التفاصيل