عربية عملية و اعتمادية و تتحمل الطرق المصرية و الخدمة الشاقة و كويسة بس ده لو انت مش بتبص للامكانيات و الرفاهية بس السعر بتاعها عالى عليها و خاصة انها تقفيل مصرى و ده طبعا رأى شخصى.
و بالنسبة للى قالك اعطالها كتير اسال بتوع النيفا القديمة عليها لانها تقريبا نفس التكنولوجيا لانى روسيا مش من هواة التغيير خاصة فى الموديلات القديمة.
و بالنسبة للتقفيل فالتقفيل الروسى خاصة فى الموديلات دى مبيفرقش عن المصرى كتير.
و هى مش عائلية لانها بابين و عالية لكن لو العيلة ركبت مش حتقولك نزلهم.
و واضح انك عايز حاجة ناشفة و قوية و لا يهمك الرفاهية كتير.
يبقى الخلاصة:
- مشتعمل و معاك الفلوس دى اللى هى تمن النيفا جديدة يبقى الشيروكى و ما شابه.
- لو عايز زيرو فمش حتلاقى 4*4 و بالامكانيات دى و بالسعر ده (بس بابين).
- لو عايز تجيب حاجة ناعمة و تكييف و ده صدقنى مبقاش رفاهية فى مصر دلوقتى يبقى الاختيارات عندك كتييير.