الموضوع: استفسار عن قطع غيار ال e90

1- طقم الدبرياج(حوالي 4000-5000 ج)
2- جلب المقصات
3- المساعد الامامي (مساعدين امامي حوالي 50000 ج)
4- المساعد الخلفي
5-بلي العجل
6- البطاحات
7- الياي
8- فلتر البزين
9- فلتر الزيت (100 ج)
10-فلتر التكيف
11-سير الكاتينه + شداد ( لا يوجد سير كتينة , المكنة بجنزير مش سير و مش بيتغير)
12-سير الدينامو + شداد
13-الدينامو نفسه
14- طلمبة الباور
15-الريداتير
16- سربنتينة التكيف
17-تيل الفرامل اما مي (1350 ج و بيعد حوالي 35000 كم) , بره مصر بيعمل حوالي 900 ج لو جبته من امريكا مثلا بس يكون الاصلي طبعا
18- تيل الفرامل خلفي (1450 ج)
19-الطنابير الاماميه (2000 ج)
20- الطنابير الخلفيه(2200 ج)
21-فلتر الهواء
22-مروحة الريداتير (4000 ج المروعه بالقميص مع بعض)
23-الاكصدام الامامي والخلفي
25-الكشفات الاماميه والخلفيه ( الخلفي ب3200 ج , الامامي معرفش بس بالقياس مش حيقل عن 5000ج)
26-الزجاج الامامي وزجاج الابواب (الامامي في حدود 4000 ج )

الاسعار مش بتنزل لما الموديل يقدم لأن لحد دلوقتي مثلا تيل ال318 موديل 2001 في التوكيل ب1000 ج !!!!, بص فكر في الموضوع من ناحية قيمة العربية و كفائتها بالقطع ديه , بس هي غالية شوية عن مرسيدس حتى

المشاركة الأصلية كتبت بواسطة ehab24280

متشكر جدا على اهتمامك يا استاذ محمد بس كنت عايز اعرف شوية حاجات بعد إذنك
ما هو العمر الافتراضي للتيل الخلفي ؟ هل هو نفس الامامي؟
ما هو عمر طقم الدبرياج؟
هل هناك قطع اصليه خارج التوكيل وهل هي نفس الاسعار ؟

التيل الخلفي بيعد اقل شوية حولي 27000 الى 30000 كم تقريبا , طقم الدبرياج حسب الاستعمال طبعا و لكن مش اقل من 100000 كم مثلا , اما بخصوص قطع الغيار : معرفش حد ثقة في حكاية اصلية دي , انا سألت في كذا مكان بس انت عارف التجار في مصر زمتهم عاملة ازاي , الاضمن طبعا التوكيل.

المشاركة الأصلية كتبت بواسطة ehab24280

شكراً جداً يا جماعه على الاهتمام .

الاسعار دي صحيحه بنسبة 99% .

ويبقا انت أكيد في مصر

المشاركة الأصلية كتبت بواسطة maskeen

فيه اكتر من محل فى شارع دمشق بيبيعوا القطع الاصليه ودول مضمونين ومجربين..انا مش فاكر اسمائهم الحقيقه بس انا جوز اختى يعرف واحد منهم شخصيا وبيشكر فيه جدا وبيشترى من طل قطع الغيار لعربيته...هو بعد بنزينة التعاون بحوالى 50 متر على نفس الصف
انا باقول كده لان الاسعار دى عاليه جدا جدا!!! ده تيل عربتيى ال e60 موديل 2006 525 الامامى ب 500 جنيه وفلتر الزيت ب 80
يبقى ازاى الفئه التالته ب 1300! مهما كانت احدث؟

اللي بيخليني اشك في ان دي القطع الاصلية هي انها بره مصر اغلى من كده و الواحد عمره ما شاف حاجة في مصر ارخص من بره , و لا ايه ؟؟؟

المشاركة الأصلية كتبت بواسطة maskeen

فيه اكتر من محل فى شارع دمشق بيبيعوا القطع الاصليه ودول مضمونين ومجربين..انا مش فاكر اسمائهم الحقيقه بس انا جوز اختى يعرف واحد منهم شخصيا وبيشكر فيه جدا وبيشترى من طل قطع الغيار لعربيته...هو بعد بنزينة التعاون بحوالى 50 متر على نفس الصف
انا باقول كده لان الاسعار دى عاليه جدا جدا!!! ده تيل عربتيى ال e60 موديل 2006 525 الامامى ب 500 جنيه وفلتر الزيت ب 80
يبقى ازاى الفئه التالته ب 1300! مهما كانت احدث؟

بتجيبه من عند مين ؟ و ايه نوع التيل (الماركة)؟