حد اتقطع منه سير الكاتينه وهل احتاج انه يغير الصمامات ؟؟؟
ولا الانوس لو اتقطع السير ما يحصلش حاجه ؟؟
لان اتقطع سير الكاتينه منى والعربيه ما دارتش ولما غيرته الميكانيكى قالى محتاج تغير صمامات هل دا صحيح ولا بيشتغلنى ؟؟
عرض للطباعة
حد اتقطع منه سير الكاتينه وهل احتاج انه يغير الصمامات ؟؟؟
ولا الانوس لو اتقطع السير ما يحصلش حاجه ؟؟
لان اتقطع سير الكاتينه منى والعربيه ما دارتش ولما غيرته الميكانيكى قالى محتاج تغير صمامات هل دا صحيح ولا بيشتغلنى ؟؟
بيبقى انت وحظك غالبا
ممكن تحتاج وممكن لا
لو بعد ما اتغير وماشي زي الفل متعملش حاجه فيها خالص وفكك
لو في حاجه غلط بتدخن بترزع حاجات زي كده اعملها وامرك لله في ميكانيكي خبير دايو انصحك تروحله
تنزل شارع فيصل اسالك على الطلبيه اول ماتوصل الطلبيه اسال على كفر هناك تقريبا اسمه كفر ابو النرمس
هوه داخليه يمين من الطلبيه كانك داخل يمين بس مش ناحيه شارع الهرم الناحيه التانيه(لان الهرم وفيصل موازيين لبعض)
امشي واسالك على شارع اسمه الملكه اول ما تلاقي الشارع ده على يمينك لف وارجع كانك راجع تاني اول دخليه يمين صغيره ادخل فيها امشي شويه هتلاقيه على اليمين هوه اسمه حكيم واخوه اسمه حمدي خبراء دايو
فعلا الي خلاني ابصم ليه كان معانا نوبيرا وعملت حادثه وحصلت حورات وراحت عند ميكانيكي غبي مش عارف عمل فيها ايه جابت سبيكه وهوه حمار قالك دي عمره وبتاع نفضناله وروحنا ل حكيم قال دي سبيكه وعملها في يوم وبملغ تافه تقريا 400 جنيه بالكتير اوي
ولو معرفتش تروحله روح لاي حد لازم يكون بيفهم ومتقتنعش من كلام ميكانيكي واحد
العفشه مش زي المتور العفشه ممكن اعمى يشتغل فيها هيركبها صح لان هي مالهاش مجال انها تركب غلط
انما العمره ممكن تتعمل غلط وتلاقي نفسك لبست في الفلوس وهتعمل تاني عمره
تمام يا رجاله انا بس كنت بسال علشان فى عربيات بتحصل فيها كدا وبتبوظ التاكيهات والصمامات وفى عربيات مش بتبوظ
اتقطع معايا ومحصلش حاجه خالص ركبت الجديد ومشيت
بص يا ياشا
لما سير الكاتينة بيقطع العربية بتبطل (مفيش حاجة )
الخطأ ان العربية لما تبطل بتفضل تدور العربية كذا مرة ودا يخلى العربية تجيب طقم صباب وليس صمام
الحمد لله قدر الله وماشاء فعل
نصيحة ياشباب سير الكتينة يتغير كل سنة تقريبا حتى لو سليم لانه لو انقطع لا قدر الله هتكلفك كتير
ونتمنى الصحة والسلامة للناس كلها
عربيه زي ال 131 الصبابات فيها مابتتكسرش لو سير الكاتينه اتقطع
لانها مابتلمسش البساتم
هي ماتورها متصمم علي كدا و فيه عربيات بيراعو فيها النقطه دي
و في عربيات بتجيب صبابات لو السير اتقطع
اهم حاجه اول ما السير يتقطع تبطل الماتور فورا
في محركات لو اتقطع سير الكاتينه مبيحصبش ليها حاجه
انا بغيرة كل 35 الف بعد اما اتقطع منى لانه اتقطع على 38 الف بالظبط وكنت ناوى اغيرة بس اتقطع قبلها وحظى الحلو انه اتقطع على بعد 40 متر من ميكانيكى
مش شرط تلف الصبابات عند قطع السير
السبب في تلف الصبابات عند انقطاع السير هوا وضع الكامة وهل في صباب مفتوح ام لا لو صادف قطع السير ان جميع الصبابات مغلقة لن يحدث اي شيئ للصبابات اما لو كان احد الصبابات في وضع الفتح فغالباً حيتعوج وكل واحد ونصيبه انا اتقطع مني وبطلت العربية وقبل ان تبطل فكيت التعشيقة ولم احاول ادارتها مرة اخري وقطرتها لغاية الميكانيكي وبردوا غيرنا ال 8 صبابات وعملنا روديه
طب سوال يا جماعه اشك ازاى انها الكاتينه
مهو ممكن العربيه تبطل منى مثلا لاى سبب ( موبينه طرمبه دينامو الخ )
اعرف منين انها كاتينه و بالتالى اقطرها و اوديها لميكانيكى
و ربنا يستر علينا كلنا
مفيش اى بوادر تقدر تحسها
MMamdouh
مفيش بوادر لكن لو اتقطع هناك علامات
العربية تبطل وانتا ماشي عادي لوحدها يعني مش لتغيير رجلك علي الاكسرتير مثلا او عدم ضغط دبرياج عند الوقوف النهائي دا كدا غالباً السير اتقطع وبتتاكد انك بتفك الاربع مسامير بتوع الغطا وتبص علي السير بنفسك قبل محاولة ادارة المحرك مرة ثانية
ايوه فين هما بقى ال4 مسامير دول ؟؟؟؟
فى وش الكاتينة الفبر الى ورا سيور نقل الحركة الخارجية
طب يا ريت صوره لانى مفهمش الكلام الانجليزى ده :grin21::grin21:
استنى اى حد معاه لانوس ويجبلك صورة
هصورهالك ان شاء الله وارفعهالك