الموضوع: مصر اسكندرية الصحراوي والبلطجية وانعدام الامن !

يا جماعه معلش بقى انا معترض على الكلام ده تماما انا سافرت اسكندرية كان عاندى فرح هناك و كده فى الوقت اللى كانو بيقولو فى بطلجية و دنيا كده كا فى شهر 6 اللى فات خلصت شغلى الساعه 4.30 روحت البيت ضربت البدلة المتينة و خدت عربيتى و مشيت الساعه 7 وصلت هناك متاخر شوية كان على 9.30 علشان المحور و كنت ماشى على مهلى و كده المهم خلصت الفرح الساعه 12.30 و صحابى قالولى هتروح دلوقتى قلتلهم اه هروح يا ابنى و الطريق و العربية و دنيا و الله قلتلهم كل الكلام ده فشرمن الاخر حد شاف لا طبعا خلاص انا همشى و ربنا معايا اتحركت من هناك الساعه واحدة او واحدة و شوية كده و الله مشيت و بالراحة و زى الفل من الاخر كده معلش لو كل واحد قال انا مش هسافر و كده البلد هتقف و ده هياثر على الاقتصاد فى نقل البضائع و مصالح الناس لالالا احنا نسافر و نتوكل على الله و لعلمكم و الله زمان كان بيحصل اكتر من كده بس طبعا كتم يا مان كتم و لو على الشرطه هي بترجع زى الاول شوية بشوية ياريت تراجعو السايت بتاعهم و البيدج على الفيس شوفو الصور و الحملات و كده بس مش عايزين ضغط عليهم ولا تريقه و تناكة اللى شوفتها من بعض الناس لان دول بنى ادمين و المفروض انهم اخواتنا زيهم زى الجيش ياريت نحاول ننسى اللى فات و نديهم فرصة بس مش علشانهم علشانا و علشان البلد ...... انا بس حبيت انقلكم تجريبتى و كل سنه و انتم طيبين و تيجى بالسلامه يا مانز

انا بسافر كل اسبوع الاسكندريه والساحل ظروف عمل ومشوفتش اى شى ء غريب على الطريق مع العلم انا كنت بسافر من ايام الحظر وحتى الان

انا سافرت امبارح الصبح السويس طول الطريق لغايه ماوصلت ماشوفتش عسكرى واحد حتى اللجنه الرهيبه اللى كانت فى الكيلو 110 مافيش غير مبانى فاضيخ وبس
وانا راجع بالليل نفس القصه بس للامانه لقيت عن الكيلو 57 3 عساكر جيش بصلى كده وخلاص
للاسف مافيش اى امان على الطريق ومش عارف ليه ومش عارف البوليس فين اصلا
وربنا يستر

طريق المنصوره جمصه دمياط الجديد الطريق ده كان حصل عليه كذا حادثه بلطجه والعيال اتمسكوا الطريق ده انا باجى عليه يوميا متاخر فيه عربيات شرطه يوميا ماشيه عليه رايحه جايه و وواقفين عند مداخل الطريق بس كلهم لابسين اسود فى اسود زى الامن المركزى الحاجه دى ماكنتش بشوفها اصلا قبل الثوره وده شى كويس جداا