مصر اسكندرية الصحراوي والبلطجية وانعدام الامن !
السلام عليكم ورحمة الله وبركاته
سافرت اسكندرية اول ايام العيد اتحركت من عندي على الساعة 1 الظهر كدة والحمد لله الطريق ماكنش فيه اي مشاكل
مع اني استغربت عدم وجود اي كماين بالمرة ! ولا رادارات ولا امن
الامن مختفي بالمرة بعكس اننا متعودين في ايام المواسم والاعياد بتبقى الرادارات مرشقة الطريق بالكامل
استغربت من انعدام الامن وقلت مش مشكلة وربنا يستر
بعدها تاني يوم الاقي كل شوية تليفون من واحد زميلي (طبعا كانو على علم اني مسافر)
كل واحد يقولي طمني عليك انا سمعت في بلطجية طلعو على الصحراوي وخلي بالك وانت راجع
ونفس الكلام ده اتكرر من كذا واحد فمش عارف مدى صحة الكلام ده ايه ؟ ؟ هل صحيح فيه بلطجية قطعو طريق مصر اسكندرية الصحراوي ؟ ؟ لان فعلا انا حاسس ان كلامهم صحيح لان الطريق بالكامل خالي تماما من الامن ! مافيش عسكري واحد يوحد ربنا على طول الطريق من البوابة للبوابة !
انا هرجع ان شاء الله اما صباح الخميس او الجمعة وبصراحة بدات اقلق ومش عارف ايه اللى ممكن يحصل
مش عارف الشرطة بتعاقبنا ولا بتعمل معانا كدة ليه ؟ ؟ هو يا اما يشتغلو بيظلمو البشر وبيفترو على الخلق يا اما مايشتغلوش ونشرب بقى
حسبي الله ونعم الوكيل وربنا يسترها معانا جميعا يارب