التابلوه البانوراما الجديد للصنى,,, حد شافه

لى صديق شاهدعند التوكيل نيسان صنى بتابلوه بانوراما جديد ب ثلاثة آلاف جنيه كذلك السيارة بجنوط 16 انش ويوجد أيضا موديل بفتحة سقف
فياترى حد شاف التابلوه ده
لو حد شافه ياريت يوصفه اويحط صوره

يعني ايه تابلوه بانوراما؟؟؟؟

تابلوه بانوراما هو تابلوه حجمه اوسع وأفخم بالإضافة لوجود النظام الجغرافى به المتصل بالقمر الصناعى زى ال بى ام دبيو

في الصني؟؟؟؟؟

ياريت معلومات و صور

انا مش فاهم ايه حوار التابلوه ده علي فكره هو فين طيب التوكيل ده
و بعدين يعني ايه ب 3 الاف جنيه يعني قصدك ان هو شافو في العربيه و ممكن نركبه كمان
انا اول مره اسمع الكلام ده

ياريت تفاصيل ... عشان لما اجيب الصنى "ده لو جبتها" ابقى اجيب التابلوه "ده لو قدرت"

ياريت اى صور او معلومات ... انا هاحاول اكلم التوكيل وأسال بس هاشوف الرقم لسه

ياريت فعلا صور و معلومات

وفي صني بفتحة سقف؟؟

ياريت معلومات اكثر

إخوانى الأعزاء يمكنكم الإتصال على الموزعين الرئيسيين مثل مودرن موتورز والعوض جروب وعلى فكرة التابلوه ده موجود من حوالى ستة أشهر مش لسه دلوقتى وأنا نفسى لسه ماشفتهوش وعلى فكرة صاحبى اللى شافه ده معاه صنى 2006 وقاللى انه لما سأل قالوا ليه انه ممكن يركب مكان التابلوه القديم ب 3000 جنيه
كذلك يوجد الآن صنى بفتحة سقف فعلا وبجنوط 16
ارجو من الأخوة الإتصال لإن وقتى فعلا ضيق جدا وابلاغنا بآخر الأخبار

يا ريت حد يجيب اى معلومات عن الموضوع ده وانا حاسأل فى التوكيل قريب

يا جماعة انا عمري ما شوفت صني بفتحة سقف خالص ولا في معارض ولا في مصر ولا افتكر شوفت قبل كده بفتحة سقف

ازاى جنوط 16 مش ده كده هياثر على العفشة و يغير من السرعة الحقيقية للعربية عن العداد

يا جماعة ممكن حد يطوع و يسأل...ولو بالتليفون....منعا لاثارة البلبلة

انا انهارده روحت توكيل صني اللي في ميدان الحجاز

و معندهمش ادني فكره عن موضوع التابلوه او فتحة السقف دي و الله اعلم بقي

لدرجة ان الراجل اللي واقف في المعرض سألني هوه بيتباع لوحده ولا بينزل فيها

قولتلوا كده و كده قالي لأ بينزل فيها لأ لكن لو بيتباع لوحد روح أسال قسم قطع الغيار روحت سألت قطع الغيار الراجل كان حيضربي علي اساس اني روحتلوا مره قبل كده غلشان اسال علي فلتر التكييف و قالي انت ليه بتسال علي حاجات غريبه

ده اللي دار في التوكيل بالظبط و لكم الحكم

اقتباس:

---

المشاركة الأصلية كتبت بواسطة walidadel

انا انهارده روحت توكيل صني اللي في ميدان الحجاز

و معندهمش ادني فكره عن موضوع التابلوه او فتحة السقف دي و الله اعلم بقي

لدرجة ان الراجل اللي واقف في المعرض سألني هوه بيتباع لوحده ولا بينزل فيها

قولتلوا كده و كده قالي لأ بينزل فيها لأ لكن لو بيتباع لوحد روح أسال قسم قطع الغيار روحت سألت قطع الغيار الراجل كان حيضربي علي اساس اني روحتلوا مره قبل كده غلشان اسال علي فلتر التكييف و قالي انت ليه بتسال علي حاجات غريبه

ده اللي دار في التوكيل بالظبط و لكم الحكم

---

والله يا باشا احنا اسفين... بس متهيألي دا مصير اي واحد يروح اي معرض عشان يسأله الاسئله دي

عشان انا عمري ما شوفتها في معارض نيسان في مصر ولا غيرها حتى على النت ماشوفتش صني بفتحة سقف

بس عادي يعني ماحصلش حاجه

خبر غير صحيح... :)

يا جماعة بالعقل كدة الاكسسوارات دي ممكن تكون نازلة من شركة تانية أو من المصنع نفسه ممكن
فانوس بعدسات ، فانوس بليدات ، جنط ، شبكه أمامية

لكن اللي عمري في حياتي ماشفته إن في أي شركة تنزل تابلوه بدل الأصلي علشان الأصلي ممكن ميعجبكش تقوم تركب الشكل التاني بتاعه

بالذمة دة كلام يدخل العقل


Thanks
Eng.Sherif Shaker

مش عارف الكلام غريب شوية انا عمري ما شفت صني بالحاجات دي

بإذن الله الأسبوع القادم سأقوم بإصطحاب الراجل اللى قاللى شافه وهو على فكرة شافه فى معرض نيسان فى بالمهندسين
لو حد ساكن جنبه يا ريت يفيدنا ويوفر على المشوار
وان شاء الله لو لقيته سأقوم بتصويره ووضعه لحضراتكم

هو فين فى المهندسين

plz plz ya man shoflena eh hewar el tablo da we hatlena el ma3lomat el mofeda 3ano we ezay zay el BMW bl gps de haga law hasalt aslan el 3arabya hatkon mn el 3arabyat el fa7etaaaaaaaaa bgd

اقتباس:

---

المشاركة الأصلية كتبت بواسطة alrabeh

بإذن الله الأسبوع القادم سأقوم بإصطحاب الراجل اللى قاللى شافه وهو على فكرة شافه فى معرض نيسان فى بالمهندسين
لو حد ساكن جنبه يا ريت يفيدنا ويوفر على المشوار
وان شاء الله لو لقيته سأقوم بتصويره ووضعه لحضراتكم

---

باشا
فات اكتر من شهرين ولا حس منك ولا خبر
ايه الراجل طلع متلخبط بينها و بين لانسر ولا ايه؟

الكلام دة غلط مفيش الحاجات دى فى الصنى