الموضوع: مطلوب كافة المعلومات عن Vectra A 2000 cc

المشاركة الأصلية كتبت بواسطة syd

اولا السلام عليكم ورحمة الله وبركاته

اعرفكم بنفسي
انا عضو جديد هنا في منتدي اوبل
انا اساسا عضو في منتدي سيات
انا بقالي كام يوم متابع الموضوعات هنا ولاحظت نشاط الله اكبر عليه من المهندس طناني
بحب الأوبل اوي بالزات vectra a,b and corsa

منورنا يا باشا
اخويا ناوي شراء اوبل فيكترا موديل 1995 وراشقة في نافوخه الأوتوماتيك ال2000 سي سي
اختيار كويس

انا بصراحة حاولت ادور علي النت عليها عشان اعرف معلومات عنها
كل الي عرفته ان نزل منها مواتير كتير اوي بداية من 1400 لحد 2000 وكمان نزل منها ديزل ونزل منها دفع رباعي
وال 2000 بتاعها في منه sohc و dohc
منزلشى عندنا فى مصر
غير 1600 و ال 2000 ال ohc اللى هى كامة واحده
منزلشى عندنا لا 1400 غير فى بور سعيد موافقات استيرادية معاقين
و للعلم العربية فيها لغاية 2500 تربو 6 سلندر و 4 سلندر
1600 --- رشاش واحد --- 75 حصان
2000---- 4 رشاشات ---- 115 حصان

سيبك من كل الي قريته
انا عايز ارائكم انتم
من عينى نبدأ رد على اسألتك واحده واحده ايه رأيك

بصراحة هسأل كام سؤال بس اعذروا جهلي يعني من غير تريأة علي اسألتي حتي لو فيها حاجات صغيرة وهايفة

من حيث المواتير
1- هل الأوتوماتيك في منه 1600 ؟؟
لأ - لا فى مصر ولا بره مصر

2- هل نزل منها كاربراتير ولا كله انجيكشن ؟؟
نزل كرابتر فى ال 1600 بس الموافقه الأستيرادية هى و ال 1400 -- المواتير اللى نزلت مصر كلها انجكشن

3- طب هل نزل منها انجيكشن 2000 من غير كمبيوتر تحكم ؟؟
ازاى
انجكشن يعنى كنترول بياخد اشارات من الحساسات و يدى اشارات للرشاشات
مفيش عربية انجكشن من غير كمبيوتر او كنترول اى كان نوعها

4- الي نزل عندنا مصر الsingle over head cam sohc ولا ال double over head cam dohc
وايه الفرق بينهم من حيث القوة والأستهلاك ؟؟
اللى نزل مصر sohc سنجل اوفر هيد كام يعنى كامه واحده
ال دوبل اوفر هيد كام او الأتنين كامه
منزلشى مصر
بس موجود منه عند بتوع الأستيراد
اسمه الموتور الأحمر
لو هنتكلم على 2000 سى سى لأن ده اللى نزل منه الشكلين
يبقى
sohc
115 حصان
اربع رشاشات
كنترول بوش 1.52
dohc
150 حصان
تربو فى معظمه
و فيه منه من غير تربو
كنترول بوش 4.5

من حيث العربية نفسها
المصري والألماني
نزل منها مصري ؟؟؟؟ وموديل كام ؟؟؟
الفيكترا ايه كلها المانى
مكوناتها بالكامل المانى
بس فيه منها اللى نزل من المانيا مباشر
هتعرفه من الأزاز
اللى فى مصر بيقولوا عليها تجميع محلى
عنصر التجميع المحلى اللى فيها
الأزاز الأمامى و الأربع ابواب ازازهم مكتوب عليه دكتور جريش مصرى يعنى

من حيث الكماليات
الأوتوماتيك بتاعها الكاملة
اتوماتيك فور ماتيك تكنولوجى
الفتيس تكونولجى المانى تصنيع يابانى
مزود بسبورت موود
و ايس مود

هل فيها سقف كهرباء ؟؟
لأ

هل فيها مرايات ؟؟ انا عارف ان فيها مرايات بالكهرباء بس انا بسأل بالعكس يعني هل نزل منها من غير مرايات كهرباء ؟
2000 اتوماتيك كلها نزلت بمرايات تحكم كهربى
بس من غير ضم
مرايات ثابته
باقى الكماليات موجوده
4 ازاز كهربا
سنتر
سنتر شنطه و تنك
نزل فى 2000 سى سى مانيوال اسبورت مرايات عادية و من غير ازاز كهربا ولا سنتر
هل فيها مساعدين لحمل الكبوت ؟؟؟ ولا الحمالة الحديد ؟؟؟
الحماله الحديد
و تركيب مساعدين سهل لأنه موجود فى تصميم الكبوت
بس محدش بيركبه الا فيما ندر
هل الشنطة فيها نور ؟؟؟
هو فيه شنطه عربية مفيهاش نور
فيها نور طبعاً
هل نور الصالون فيه delay ولما بيقفل بيقفل بسرعة ولا علي الهادي ؟؟؟
لأ
بس نزل من اول الفيكترا بى

هل فيها نور صالون منفصل عن الأبواب للقراءة ؟؟؟
هو نفس النور
تشد زرار النور لبره هينور معاك من غير ما تفتح الأبواب
انما لو لمض بعدسات زى اليابانى و الكورى
لأ

من حيث الأستهلاك
استهلاكها قد ايه في الصفيحة لل2000 الأوتوماتيك الأنجيكشن
لو كل حاجة فيها مظبوطه على الشعرة
يبقى استهلاكها جوه البلد 180 كم
فى السفر 220-240 يزيد الأستهلاك مع زيادة السرعه عن 90/100 بدرجات متفاوته

من حيث الرحابة
تسع لكام شخص بالغين مرتاحين في الكنبة الخلفية ؟؟؟
عربية واسعه
تشيل 3 مستريحين على الكنبة ورا

حجم الشنطة ؟؟؟
ممتاز
واسعه بهبل
انا كنت شايل فيها شنطتين سفر
و شوية رفايع


من حيث قطع الغيار
هل متوافرة جديدة واستيراد والأسعار ولو أمثلة علي السيرفيس زي الفلاتر والسيور والتيل
موجود جديد و استيراد
فلتر البنزين ب 45 جنيه
فلتر الزيت 25 جنيه
سير الدينامو 75 جنيه
سير الكاتينه 80 جنيه
تيل امامى 110 جنيه
خلفى داخلى 240 جنيه
خلفى خارجى 130 جنيه

من حيث العيوب الشائعة
انا سمعت ان فيها عيوب في التبريد والفتيس الأوتوماتيك
الألمانى بوجه عام عربيات مواتيرها حامية
فدرجة الحرارة طبيعى عالية
بس فى اسوء الظروف مع التكييف المفروض 95
طالما الدايرة سليمه
الفتيس بتاعها ممتاز جداً و معمر قوى
بس تحافظ عليه تغير زيته كل 60000 كم بزيت نضيف
لو على العيوب
يبقى
1. الماف ---- اغلى حساس فى العربية
و لو مش مظبوط
مش هتحس انك راكب عربية
2. التكييف
لو مش مظبوط او ملعوب فيه
يبقى ملوش لازمه و قلته احسن

من حيث السعر واعادة البيع
هل بتجيب فلوس ولا مش مرغوبة؟؟؟
زيها زى عربيات كتير
التجار خاسفين بيها الأرض
بس النضيف منها مطلوب
و بندور عليه بملقاط
و بيتباع زى ما انت عايز
الزباله
متسواش ورق الجرايد اللى مكتوب عليه الأخبار و مرمى فى الشارع
زيها زى الليجانزا و الفولفو و عربيات تانى كتير
سعرها العادل لو عربية صح ميقلشى عن 45000

انا أسف علي الأطالة وطلباتي الكتير
بس انا عشمان فيكو
انشالله حتي لو كل عضو كتب حاجة واحدة هتعملوا تقرير شامل عن العربية
واسألتي الكتير دي ليها اسباب
ان اخويا ماشاء الله كل العربيات الي ركبها كانت عربيات صالون كاملة من سيليو 95 كاملة ل ليجانزا 2000 كاملة ل مرسيدس 230 كاملة
وبالتالي عايز مستوي معين من الكماليات علي الأقل زي الموجود في الليجانزا ال2000 الأوتوماتيك الكاملة
يبقى يركب ليجانزا
مستوى كماليات الليجانزا اعلى

كل عام وانتم بخير

والله المستعان
،
،

ارجو انى اكون عرفت افيدك